Psalm 5:1-12
Gi a fesiman fu den pokuman. Wan Nehilot.* Wan singi fu David.
5 Tye Yehovah, arki san mi e taki.Luku fa mi e geme.
2 Mi Kownu èn mi Gado, mi e begi yu, arki te mi e bari kari yu fu yepi mi,bika yu na a sma di mi e begi.
3 Yehovah, na m’manten yu o yere mi sten.Na m’manten mi o ferteri yu san e moro mi, dan mi o wakti fu yu piki mi.
4 Yu a no wan Gado di lobi ogridu.Nowan ogrisma kan tron yu mati.
5 Nowan sma di abi bigifasi kan kon tnapu na yu fesi.
Yu no lobi nowan sma di e du ogri.
6 Yu o kiri den wan di e taki lei.
Yehovah e teige sma di e kiri trawan èn di e bedrigi sma.
7 Ma mi o kon na ini yu oso, fu di yu sori mi bun-ati* someni leisi kba.Mi o boigi go na a sei fu yu santa tempel,* fu di mi abi bigi lespeki gi yu.
8 Yehovah, yu na wan Gado di e du san reti. Grantangi, kibri mi gi den feanti fu mi.No meki noti tapu mi fu waka a pasi fu yu.
9 Mi no man fertrow nowan sani di den feanti fu mi e taki.Na soso ogri den e prakseri.A gorogoro fu den de leki wan opo grebi.Den e kori sma nanga den switi taki fu den.*
10 Ma Gado o krutu den.Na den srefi ogri di den wani du nanga sma o miti den.
Yagi den gwe, bika den lai nanga sondu.Na den e gens yu.
11 Ma ala den sma di e kon suku kibri na yu o breiti.Fu ala ten den o bari fu prisiri.
Yu no o meki nowan ogrisma kon krosbei fu denèn den sma di lobi yu nen o prisiri.
12 Yu, Yehovah, o blesi ibri sma di e du san reti.Fu di yu lobi den, meki yu o kibri den leki fa wan bigi schild e kibri wan sma.
