Psalm 52:1-9
Gi a fesiman fu den pokuman. Wan Maskil.* Wan psalm di David skrifi na a ten di Dowek, wan man fu Edom, kon ferteri Saul taki David ben go na a oso fu Akimeilek.
52 Yu di abi makti, fu san ede yu e dyaf fu den ogri di yu e du?
Yu no sabi taki Gado e sori lobi* ala dei?
2 Yu tongo srapu leki wan nefi.Yu e taki sani di e tyari problema kon èn yu e bedrigi sma.
3 Yu lobi san ogri moro leki san bun.Yu lobi ferteri lei moro leki fu taki san tru. (Sela)
4 Yu di abi wan tongo di e kori sma,yu lobi taki sani fu du trawan ogri!
5 Gado o broko yu puru fu têgo.A o grabu yu èn a o srepi yu puru na ini yu tenti.A o rutu yu puru na ini a kondre fu den libiwan. (Sela)
6 Den ret’ati sma o si disi èn den o ferwondru.Den o lafu na ogri sma.
7 Den e taki: „A sma disi no e si Gado leki en kibripresi.*Ma a e fertrow tapu den furu gudu di a abi.A denki taki den ogri di a e du o yepi en.”
8 Ma mi o de leki wan bigi olèifbon na ini na oso fu Gado.Mi abi a fertrow taki Gado o sori mi bun-ati* fu ala ten, iya, fu têgo.
9 Mi o prèise yu fu ala ten, fu di yu opo du wan sani.Mi o fertrow tapu yu nen fu di yu nen bun.*Mi o du disi makandra nanga den sma di e tai hori na yu.
