Psalm 54:1-7
-
Wan begi fu aksi yepi te yu de na mindri feanti
-
„Gado na mi yepiman” (4)
-
Gi a fesiman fu den pokuman: A musu prei tapu sani di gersi harpu. Wan Maskil.* Wan psalm fu David di a skrifi na a ten di den sma fu Sif ben go taigi Saul: „David kon kibri na wi.”
54 Mi Gado, ferlusu mi èn gi yu nen glori.Opo taki gi mi, bika yu abi a makti fu du dati.
2 Mi Gado, arki a begi fu mi.Poti prakseri na den sani di mi e taki.
3 Bika sma di mi no sabi srefsrefi wani du mi ogri.Ogr’ati sma e suku fu kiri mi.
Den no abi nowan lespeki gi Gado. (Sela)
4 Gado na mi yepiman.Yehovah de nanga den sma di e horbaka gi mi.
5 A o pai den feanti fu mi baka gi na ogri di den e du.Puru den na pasi,* soleki fa yu pramisi.
6 Mi de klarklari fu tyari ofrandi gi yu.
Yehovah, mi o prèise yu nen, bika dati na wan bun sani fu du.
7 Ibri leisi baka yu e puru mi na nowtu.Mi o si fa den feanti fu mi o lasi a strei.