Psalm 72:1-20
Wan psalm di e taki fu Salomo.
72 Mi Gado, leri a kownu den wet fu yuèn leri a manpkin fu a kownu fu du sani na wan reti fasi, neleki yu.
2 Meki a opo taki gi yu pipel na wan reti fasi.Meki a du san reti te a e opo taki gi den mofinawan.
3 Meki den bergi tyari freide* kon gi a pipel.Meki den pkin bergi tiri den na wan reti fasi.
4 Meki a* opo taki* gi den mofinawan fu a pipel.Meki a ferlusu den pkin fu den pôtiwan.Meki a kiri den wan di e bedrigi den.
5 Den o abi bigi lespeki gi yu solanga a son deèn solanga a mun de,iya, fu ala ten.
6 A kownu o de leki alen di e fadon na tapu wan presi pe sma mai grasi,iya, leki hebi alen di e nati a gron.
7 Te a o tiri, den ret’ati sma o de leki grun grasi di e opo kon.Freide o de na ala sei, solanga a mun de.
8 A o tiri fu a wan se te go miti a tra se,fu Eufraat-liba te go miti den moro farawe presi fu grontapu.
9 Den sma di e libi na a drei sabana o boigi gi en.Den feanti fu en o leki a doti nanga den tongo.
10 A kownu fu Tarsis èn den kownu fu den èilanti o tyari kado kon.
A kownu fu Skeiba nanga a kownu fu Seiba o tyari kado kon.
11 Ala den kownu o boigi gi en.Ala den pipel fu grontapu o dini en.
12 Bika a o ferlusu den pôtisma di e bari suku yepi.A o ferlusu den mofinasma nanga iniwan sma di no abi yepiman.
13 A o sari den mofinasma nanga den pôtismaèn a o ferlusu den pôtisma.
14 A o ferlusu den fu den sma di e kwinsi den èn fu den sma di e du ogr’ati sani nanga den.A brudu fu den o de wan warti sani gi en.
15 Meki a libi langa èn meki sma gi en a gowtu fu Skeiba.
Meki sma tan begi gi en.Heri dei sma musu blesi en.
16 Furu n’nyan o kon de na grontapu.Srefi na tapu den ede fu den bergi n’nyan o lai.
A n’nyan di a kownu o koti o furu leki den bon di e gro na Libanonèn den sma di e libi na ini den foto o kon furu leki a grasi fu grontapu.
17 Meki a nen fu en tan fu ala ten.Meki a kisi biginen moro nanga moro.
Na en o meki taki sma kisi blesi.Meki den pipel fu ala kondre winsi soso bun gi en.
18 Prèise Yehovah Gado, a Gado fu Israel,bika na en w’wan e du bigi sani.
19 Meki sma prèise a bigi nen fu en fu ala ten.Meki a glori fu en furu heri grontapu.
Amen, iya, Amen.
20 Disi ben de den begi fu David, a manpkin fu Isai.
Futuwortu
^ Noso: „soso bun”.
^ Dyaso a wortu „a” abi fu du nanga Salomo di ben o tiri na ini a ten di ben o kon.
^ Hebrewtongo: „koti krutu”.
