Psalm 81:1-16
Gi a fesiman fu den pokuman. Wan Gitit.* Wan psalm fu Asaf.
81 Un bari fu prisiri gi a Gado di e gi wi krakti.
Un bari fu prisiri gi a Gado fu Yakob.
2 Un bigin prei poku èn teki un tamboerijn.Prei a harpu di e meki sma firi prisiri. Prei den tra sani tu di gersi harpu.
3 Bro a tutu na a dei fu a nyun mun,na a dei fu a furu mun te wi e hori a fesa fu wi.
4 Bika disi na wan wet gi Israel,wan wet fu a Gado fu Yakob.
5 Di Gado hari go feti nanga a kondre Egepte,a gi Yosef a wet disi fu memre en san a musu du.
Mi yere wan sten* di mi no ben sabi.
6 A taki: „Mi puru a lai na en skowru.En anu no ben abi fu syow baskita moro.
7 Di yu ben de na nowtu yu kari mi èn mi kon yepi yu.Mi piki yu kmoto fu a dungru wolku.*
Mi luku san yu ben o du na den watra na Meriba.* (Sela)
8 Mi pipel, arki mi, dan mi o taigi yu fa mi e denki fu yu.
Israel, a ben o bun fu arki mi.
9 Yu no musu anbegi nowan tra gado.Yu no musu boigi gi den gado fu den trakondre sma.
10 Mi, Yehovah, na a Gado fu yu.Mi na a sma di tyari yu kmoto na ini a kondre Egepte.
Bradi yu mofo opo, meki mi furu en nanga n’nyan.
11 Ma mi pipel no arki mi sten.Israel no ben wani du san mi taigi den.
12 Dati meki mi libi den meki den du san den ati wani.Den du san densrefi ben feni bun.*
13 Mi winsi nomo taki mi pipel ben o arki mièn taki Israel ben o du san mi taigi den!
14 Dan es’esi mi ben o wini den feanti fu den.Mi ben o feti nanga den wan di e gens den.
15 Den sma di e teige Yehovah o beifi te den de na en fesièn den o kisi strafu fu ala ten.
16 Ma Gado o gi en pipel a moro bun aleisi fu nyanèn a o gi den furu oni di kmoto na ini wan bigi ston.”
Futuwortu
^ Noso: „tongo”.
^ Hebrewtongo: „wan kibripresi pe dondru e bari”.
^ Meriba wani taki „hartaki”.
^ Hebrewtongo: „Den waka na ini den eigi rai”.
