Psalm 82:1-8
Wan singi fu Asaf.
82 Gado e go tnapu na mindri den wan di kon na a konmakandra fu en.A e koti krutu na mindri den gado.* A e taki:
2 „O langa unu o koti krutu na wan kruka fasi?O langa unu o tan teki a sei fu den ogrisma? (Sela)
3 Opo taki gi den sma di e pina èn gi den pkin di no abi p’pa.
Krutu a tori fu den mofinawan nanga den pôtiwan na wan reti fasi.
4 Ferlusu den pôtiwan nanga den sma di e pina.Puru den na a anu fu den ogriwan.”
5 Den krutuman no sabi noti èn den no e ferstan sani.Den e waka na ini dungru.Den e meki taki a heri fundament fu grontapu e seki.
6 „Mi, a Moro Heiwan, taki: ’Unu na gado.Un alamala na mi manpkin.
7 Ma unu o dede leki fa ala libisma e dede.Iya, un libi o kon na wan kba, neleki a di fu ala tra granman!’”
8 Gado, mi e begi yu, opo du wan sani èn krutu grontapu,bika ala den pipel fu grontapu na fu yu.
Futuwortu
^ Noso: „den sma di de leki gado”.