Psalm 89:1-52
Wan Maskil* fu Etan, wan Esrasma.
89 Fu ala ten mi o singi fu a fasi fa Yehovah e sori sma bun-ati.*
Fu têgo mi o ferteri sma taki ala ten yu e du san yu pramisi.
2 Mi taki: „A bun-ati* fu yu o tan fu têgo.Srefi na ini hemel yu e sori taki yu e du ala ten san yu pramisi.”
3 Gado taki: „Mi meki wan ferbontu nanga David, a futuboi di mi teki.Mi sweri gi en:
4 ’Mi o meki den bakapkin fu yu tan fu ala tenèn mi o meki a kownukondre fu yu tan fu têgo.’” (Sela)
5 Yehovah, hemel e prèise yu gi den bigi sani di yu du.Iya, den santawan fu yu di kon makandra e prèise yu, fu di ala ten yu e du san yu pramisi.
6 Suma na hemel de leki Yehovah?
Sortuwan fu den manpkin fu Gado de leki Yehovah?
7 Ala den santawan abi lespeki gi Gado.Gado bigi èn a e meki taki ala den wan di de lontu en, kisi bigi lespeki gi en.
8 Yehovah Gado di e tiri den legre, yu abi furu makti.Yah, suma de leki yu?
Ala ten yu e du san yu pramisi.
9 Na yu e basi a krasi se.Te den skwala fu en hei, yu e meki den saka baka.
10 Yu meki Rahab* lasi a strei. A kon de leki wan sma di den kiri na ini wan feti.
Nanga a krakti fu yu, yu panya yu feanti go na ala sei.
11 Hemel na fu yu èn grontapu na fu yu.Na yu meki a gron nanga ala den sani di e gro na tapu.
12 Na yu meki noordsei nanga zuidsei.Tabor-bergi nanga Hermon-bergi e bari fu prisiri èn den e prèise yu nen.
13 Yu abi bigi makti.Yu tranga srefsrefi.Yu opo yu ret’anu hei.
14 A reti fasi fa yu e koti krutu nanga a retidu fu yu na a fundament fu yu kownusturu.Ala ten yu e sori sma bun-ati* èn ala ten yu e du san yu pramisi.
15 Koloku fu den sma di sabi san a wani taki fu bari fu prisiri.
Den e waka nanga yu Yehovah èn yu feni den bun.*
16 A nen fu yu e meki den firi prisiri heri dei.Na a retidu fu yu e meki den kon moro hei.
17 Na yu e gi den glori nanga krakti.Fu di yu breiti nanga wi, meki wi e kisi moro krakti.*
18 Na Yehovah gi wi a schild fu wi.Iya, na a Santawan fu Israel gi wi a kownu fu wi.
19 Na a ten dati yu ben taki na ini wan fisyun nanga den sma di tai hori na yu. Yu ben taki:
„Mi gi wan tranga man krakti.Mi teki wan sma na mindri a pipel èn mi poti en moro hei leki den.
20 Mi feni mi futuboi David.Mi salfu en nanga mi santa oli.
21 Mi o horbaka gi enèn mi o gi en krakti.
22 Nowan feanti o man dwengi en fu pai belastingèn nowan ogrisma o man pina en.
23 Leti na en fesi mi broko den feanti fu en pispisi.Den sma di no lobi en mi o naki trowe.
24 Ala ten mi o du san mi pramisi en èn mi o tan sori en bun-ati.*Fu mi nen ede mi o gi en moro krakti.*
25 Mi poti a se na ondro en anu*èn den liba na ondro en ret’anu.
26 A o bari taigi mi: ’Yu na mi P’pa,mi Gado èn a Stonbergi pe mi e feni ferlusu.’
27 Mi o meki a tron a fosi pkin fu mi.A o de a moro heiwan fu ala den kownu fu grontapu.
28 Fu ala ten mi o sori en bun-ati.*Noiti a ferbontu di mi meki nanga en o broko.
29 Mi o meki den bakapkin fu en tan fu ala tenèn solanga hemel de, a kownukondre fu en o de.
30 Efu den manpkin fu en no hori densrefi na den wet fu mièn efu den no e libi leki fa mi wani,
31 iya, efu den no e du moro san mi sori denèn den no du san mi taigi den,
32 dan mi o fon den nanga wan tiki fu di den no arki mi*èn mi o wipi den gi den fowtu fu den.
33 Ma noiti mi o tapu fu sori en bun-ati.*Ala ten mi o du san mi pramisi en.
34 Mi no o broko a ferbontu fu mi.San mi taki nanga mi mofo, na dati mi o du.
35 Leki Santawan mi sweritaki mi no o lei gi David.
36 Den bakapkin fu en o tiri fu têgo.A kownusturu fu en o tan fu ala ten neleki a son.
37 Neleki a mun a kownukondre fu en o tan fu têgo,iya, leki wan kotoigi di de na loktu ala ten.” (Sela)
38 Ma yu no ben feni a salfuwan fu yu bun moro èn yu poti en na wan sei.Yu ati bron srefsrefi nanga yu salfuwan.
39 Yu no prakseri a ferbontu moro di yu meki nanga yu futuboi.Yu trowe a kroon fu en na gron èn dati meki a no warti noti moro.
40 Yu broko ala den ston skotu* fu en puru.Yu broko den fortresi* fu en te na gron.
41 Ala den sma di e waka psa, fufuru den sani fu en tyari gwe.Den birtisma fu en teki en leki spotpopki.
42 Yu meki den sma di ben e gens en wini en.*Yu meki den feanti fu en prisiri.
43 Yu meki a lon gwe nanga ala en fet’owru.Yu no meki a wini a feti.
44 Yu meki a lasi a glori fu enèn yu trowe a kownusturu fu en na gron.
45 Yu meki a kon owru es’esi.Yu gi en bigi syen. (Sela)
46 Yehovah, o langa yu o kibri gi wi? Na fu ala ten?
Yu ati o tan bron neleki wan faya?
47 Hori na prakseri taki a libi fu mi syatu.
Na fu soso yu meki ala libisma?
48 Suma de na grontapu di no o dede noiti?
Wan sma de di kan puru ensrefi na ini na anu fu Grebi?* (Sela)
49 Yehovah, fu san ede yu no e sori wi bun-ati* moro soleki fa yu ben sweri gi David?Yu ben pramisi en taki yu o du san yu taki.
50 Yehovah, memre fa sma teki den futuboi fu yu leki spotpopki.Iya, na soso syen mi e firi, fu di ala sma e spotu mi.*
51 Yehovah, memre fa den feanti fu yu ben spotu yu futuboièn fa den meki spotu nanga ala den sani di a salfuwan fu yu ben du.
52 Prèise Yehovah fu ala ten. Amen, iya, Amen.
Futuwortu
^ Kande disi na a kondre Egepte noso a Farao.
^ Hebrewtongo: „Den e waka na ini a leti fu yu fesi”.
^ Hebrewtongo: „yu e opo wi tutu”.
^ Hebrewtongo: „opo en tutu”.
^ Noso: „makti”.
^ Noso: „opo densrefi teige mi”.
^ Noso: „kibripresi fu ston”.
^ Hebrewtongo: „Yu opo a ret’anu fu en feanti”.
^ Hebrewtongo: „Mi e tyari a syen fu furu sma na tapu mi borsu”. Na ini Hebrewtongo a wortu „borsu” abi fu du nanga wan sortu saka di sma ben e meki na a borsusei fu den krosi.
