Psalm 90:1-17
Wan begi fu Moses, a man fu a tru Gado.
90 Tye Yehovah, ala ten yu ben de wan kibripresi* gi wi.
2 Fosi yu ben meki den berginoso fosi yu ben meki grontapu nanga a gron,*yu ben de Gado ala ten kba.
3 Yu meki libisma tron doti baka.Yu e taki: „Un libisma, un tron doti baka.”
4 Gi yu, wán dusun yari de leki a dei fu esde di psa kba.Den de leki wan tu yuru nomo fu a neti.
5 Yu figi den puru. Den psa gwe neleki wan dren.Te m’manten den de leki grasi di e sproiti baka.
6 Na m’manten a grasi e meki bromki èn a e gro.Ma te neti tapu a e flaw èn a e drei.
7 Na a atibron fu yu meki wi dede gweèn na a bigi atibron fu yu meki wi frede.
8 Yu sabi den sondu fu wi*èn yu sabi den sani di wi e du kibrikibri.
9 Fu di yu ati bron nanga wi meki yu syatu a libi fu wi.Den yari fu wi psa gwe leki wan soktu.
10 Wi kan libi 70 yarinoso efu wi tranga wi kan libi 80 yari.
Ma tòg den yari dati lai soso brok’ede nanga pina.Den e psa gwe es’esi èn te fu kba wi no o de moro.
11 Suma sabi o bigi a krakti fu yu atibron de?
Na atibron fu yu bigi neleki a lespeki di sma musu abi gi yu.
12 Leri wi fa fu teri den dei fu wi,so taki wi kan kisi koni.
13 Tye Yehovah, drai kon baka! O langa a sani disi o go doro?
Abi sar’ati nanga den futuboi fu yu.
14 Meki wi firi a bun-ati* fu yu te m’manten,so taki wi kan bari fu prisiri èn breiti wi heri libi langa.
15 Ogri miti wi furu yari langa, iya, wan heri pisi ten yu gi pasi taki wi pina.We, na so langa yu musu meki wi firi prisiri tu.
16 Meki den futuboi fu yu si san yu e duèn meki den pkin fu den si a glori fu yu.
17 Meki Yehovah wi Gado sori taki a e prisiri nanga wi.Mi e begi yu, meki den sani di wi e du waka bun.
Iya, meki den sani di wi e du waka bun.
Futuwortu
^ Noso: „tanpresi”.
^ Noso: „noso fosi yu ben meki grontapu nanga a gron, neleki fa wan uma e meki en pkin nanga furu pen”.
^ Hebrewtongo: „Yu poti den sondu fu wi na yu fesi”.
