Psalm 91:1-16
91 Iniwan sma di e libi na a presi pe a Moro Heiwan e kibri en,o tan na ini a kowrupe fu na Almaktiwan.
2 Mi o taigi Yehovah: „Yu na mi kibripresi èn mi fortresi,*mi Gado di mi e fertrow.”
3 Na en o puru yu na ini a krafana fu a sma di e fanga fowru.Iya, a o kibri yu gi a takru siki di e kiri furu sma.
4 A o tapu yu nanga en frei.*Na ondro en frei yu o lon go kibri.
Fu di a o tan sorgu gi yu, meki a o de leki wan bigi schild gi yu èn leki wan tranga skotu.*
5 Yu no o frede nowan sani di e tapu skreki gi yu na netièn yu no o frede a peiri di e frei na deiten.
6 Yu no o frede tu gi a takru siki di e panya go na ala sei na ini a dungru,noso gi iniwan sani di e tyari pori kon na mindridei.
7 Wán dusun sma o fadon na yu seièn tin dusun sma na yu ret’anusei,ma nowan ogri o miti yu.
8 Yu o tnapu e luku nomo san e psaèn yu o si fa den ogriwan e kisi strafu.*
9 Yu ben taki: „Yehovah na mi kibripresi.”
Na so yu meki a Moro Heiwan tron yu tanpresi.*
10 Nowan ogri o miti yuèn nowan rampu o kon krosbei fu yu tenti.
11 Bika a o taigi den engel fu en fu kibri yu,so taki nowan sani psa nanga yu.
12 Den o tyari yu na tapu den anu,so taki yu no naki yu futu na wan ston.
13 Yu o trapu a yongu lew nanga a kobrasneki.A tranga lew nanga a bigi sneki yu o trapu kiri nanga yu futu.
14 Gado taki: „Fu di a lobi mi, meki mi o ferlusu en.
Mi o kibri en fu di a sabi mi nen.
15 A o kari mi èn mi o piki en.
Mi o de nanga en te a de na nowtu.
Mi o ferlusu en èn mi o gi en glori.
16 Mi o gi en langa libièn mi o meki a si fa mi o ferlusu en.”
Futuwortu
^ Noso: „Nanga en frei a o tapu pasi gi trawan fu kon na yu”.
^ Noso: „wan fortresi”.
^ Hebrewtongo: „kisi den pai”.
^ Noso kande: „fortresi” noso „kibripresi”.
