Psalm 95:1-11
95 Kon, meki wi bari fu prisiri gi Yehovah!
Meki wi bari fu prisiri èn prèise a Stonbergi pe wi kan feni ferlusu.
2 Meki wi kon na en fesi fu taki en tangi.Meki wi singi gi en èn bari fu prisiri,
3 bika Yehovah na wan bigi Gado.En na wan Kownu di bigi moro ala tra gado.
4 Na en e tiri heri grontapu,fu den moro dipi presi go te na den moro hei bergi.
5 A se di ensrefi meki, na fu en.Nanga en eigi anu a meki a drei gron.
6 Un kon, meki wi anbegi en èn meki wi boigi gi en.Meki wi saka kindi na fesi Yehovah wi Mekiman.
7 En na wi Gado èn wi na en pipel.Wi na skapu na a weigron fu en.Na en e sorgu wi.
A ben o bun efu unu arki en sten tide! A taki:
8 „Un no musu meki un ati kon tranga, soleki fa unu ben du na Meriba,*iya, leki fa unu ben du na a ten di unu ben de na Masa* na ini a sabana.
9 Na a ten dati den afo fu unu tesi mi.Aladi den si san mi du, tòg den tesi mi.
10 Fotenti yari langa mi no ben wani si den sma disi na ai srefsrefi.
Mi ben taki: ’Ala ten a pipel disi e drai baka gi mi na ini den ati.Den no kon sabi den pasi fu mi.’
11 Mi ati ben bron èn dati meki mi sweri:
’Den no o rostu leki mi.’”
