Singi fu Salomo 7:1-13
7 „Yu na wan uma di de klarklari fu yepi trawan.Yu futu moi srefsrefi na ini den susu fu yu!
Den bowtu fu yu moi leki den gowtu sani di sma e werièn di wan koni gowtusmeti meki.
2 Yu kumba de leki wan lontu komki.
Meki win de drape ala ten.
Yu bere de leki wan ipi aleisi na mindri leilibromki.
3 Den tu bobi fu yu de leki tu pkin dia,iya, leki twelengi fu wan dia.
4 Yu neki de leki wan toren fu ivoor.
Yu ai de leki den watra-olo fu Hesbonna a portu fu Bat-Rabim.
Yu noso de leki a toren fu Libanondi de abrasei fu Damaskus.
5 Yu ede moi leki Karmel-bergi.Yu w’wiri na tapu yu ede de leki paars skapu-w’wiri.
Kownu no man puru en ai fu a moi langa w’wiri fu yu.
6 Mi lobiwan, yu moi trutru èn yu abi bun maniri.Yu na ala san wan sma ben kan wani!
7 Yu moi leki wan palmbonèn den bobi fu yu gersi bosu dadel-froktu.
8 Mi taki: ’Mi o kren go na ini a palmbonfu piki den dadel-froktu.’
Meki den bobi fu yu de leki bosu droifièn meki a bro fu yu smeri leki apra.
9 Meki yu mofo* de leki a moro bun win.”
„Meki a grati go na ini a gorogoro fu mi lobiwan.Safsafri a e grati psa den mofobuba fu den wan di e sribi.
10 Mi na fu mi lobiwanèn na mi a e angri fu si.
11 Kon, mi lobiwan,meki wi go na dorosei.Meki wi tan na mindri den henna-w’wiri heri neti.
12 Meki wi opo fruku m’manten fu go luku den droifidyari,fu si efu den droifibon kisi yongu w’wiri kba,efu den bromki opo kba,noso efu bromki de na den granaki-aprabon kba.
Drape mi o sori taki mi lobi yu.
13 Den lobi-apra e smeri switièn ala sortu switi froktu de na den doro fu na oso fu wi.
Mi lobiwan, mi poti froktu na wan sei gi yu,froktu di mi piki zonet nanga froktu di mi ben abi kba.
Futuwortu
^ Hebrewtongo: „a tapsei fu yu inmofo”.
