Yeremia 45:1-5
45 Na ini a di fu fo yari di Kownu Yoyakim, a manpikin fu Yosia, ben e tiri Yuda, Baruk, a manpikin fu Neria, ben skrifi na ini wan buku ala den sani di Profeiti Yeremia ben taigi en. Yeremia taigi en:
2 „Disi na san Yehovah, a Gado fu Israel, taki fu yu, Baruk:
3 ’Yu ben taki: „Helu fu mi, bika Yehovah meki mi sari aladi mi ben abi pen kaba! Mi kon weri fu a geme di mi e geme èn mi no man feni wan presi fu rostu.”’
4 Yu musu taigi en: ’Yehovah taki: „Luku, a sani di mi bow, mi o broko baka èn a sani di mi prani, mi o rutu puru. Iya, na dati mi o du nanga a heri kondre.
5 Ma yu e tan suku bigi sani gi yusrefi. No suku den moro.”’
Yehovah taki: ’Luku, mi o tyari rampu kon na tapu ala libisma, ma mi o meki yu tan na libi na ala den presi pe yu o go.’”
