Yesaya 28:1-29
28 A o kba gi a moi kroon* fu den drunguman fu Efrayim!*Den drunguman e si a foto fu den leki wan moi bromki tapu na ede fu a lagipresi di abi fatu gron.Ma a moi bromki o kon flaw.
2 Luku! Yehovah o seni wan tranga sma kon di abi furu krakti.
Nanga bigi krakti a o trowe a kroon kon na gron.A o de leki te dondru e bari bun tranga èn pispisi ijs e fadon kmoto fu hemel.A o de leki wan bigi winti di e pori ala sani èn leki wan bun hebi sibibusi di e kon nanga dondru èn di e wasi ala sani gwe.
3 Nanga futu, sma o traputapu den moi kroon fu den drunguman fu Efrayim.*
4 A moi bromki di kon flawtapu na ede fu a lagipresi di abi fatu gron,o tron leki wan figa di e gro fosi a waran ten fu a yari doro.
Te wan sma si en, a o piki en èn a o nyan en direk.
5 Na a ten dati Yehovah di e tiri den legre o tron leki wan moi kroon èn leki wan moi krans gi den sma di tan abra fu en pipel.
6 A o meki den krutuman krutu sani na wan reti fasi* èn a o gi krakti na den sma di e feti nanga den feanti na a portu.
7 Srefi den priester nanga den profeiti lasi pasi fu win edeèn sopi e meki den slingerslinger.
Den lasi pasi fu sopi ede.Win bruya den.Den e waka leki drunguman fu di den dringi sopi.Den fisyun di den e si e kori den.Den no e teki koni besroiti.
8 Den tafra fu den lai braak.Nowan presi de sondro braak.
9 Den e taki: „Luku suma wani leri sma sani!Luku suma wani kon ferteri trawan a boskopu di den yere!
Wi na pkin-nengre di no e dringi bobimerki moro?Wi na pkin-nengre di den puru na bobi no so langa psa?
10 Bika ala yuru wi e yere: ’Disi na san a wet e taki, dati na san a wet e taki. Disi na san a wet e taki, dati na san a wet e taki.Na disi un musu du, na dati un musu du. Na disi un musu du, na dati un musu du.Pkinso fu disi, pkinso fu dati.’”
11 Fu dati ede, Gado o gebroiki wan tra pipel fu taki nanga a pipel disi. A pipel dati e taki wan tra tongo èn a gersi leki den e gagu.
12 Wan leisi a ben taigi a pipel disi: „Disi na wan presi pe unu kan rostu. Meki a sma di weri, rostu pkinso. Disi na a presi pe unu kan teki blo.” Ma den no ben wani yere.
13 Gi den, a o gersi leki Yehovah o taigi den:
„Disi na san a wet e taki, dati na san a wet e taki. Disi na san a wet e taki, dati na san a wet e taki.Na disi un musu du, na dati un musu du. Na disi un musu du, na dati un musu du.Pkinso fu disi, pkinso fu dati.”
Ma den no o arki. Fu dati ede, te den e wakaden o naki futu èn den o fadon go na baka.Sma o broko den, den o kisi den nanga wan nèt èn den o fanga den.
14 Un sma di e dyaf èn un tiriman fu a pipel na ini Yerusalem,yere san Yehovah taki.
15 Unu taki:
„Wi meki wan ferbontu nanga Dede.Wi meki wan kontrakti* nanga Grebi.*
Awinsi a bigi frudu psa,a no o kon na wi,bika wi meki leitori tron wi kibripresièn wi go kibri na sani di no tru.”
16 Dati meki a Moro Hei Masra Yehovah taki:
„Mi e poti wan ston leki fundament na ini Sion.A kisi tesi èn a de a moro prenspari ukuston fu wan steifi fundament.
A sma di e bribi na ini en, no o bruya noiti.
17 Mi o gebroiki retidu leki wan markitikièn leki wan loto fu marki unu.*
Pispisi ijs fu hemel o pori a lei di unu ben teki leki kibripresièn fruduwatra o sungu ala den presi pe unu go kibri.
18 Mi o broko a ferbontu di unu meki nanga Dedeèn a kontrakti di unu abi nanga Grebi* no o tan.
Te a bigi frudu kon,a o masi unu.
19 Ibri leisi te a frudu kona o wasi unu gwe.A o kon a wan m’manten baka a trawan,na deiten èn na neti.
Na frede w’wan o meki den ferstan san den yere.”*
20 A bedi syatu tumsi fu wan sma d’don langalanga na en tapu.A pisi krosi di wan sma e gebroiki fu tapu ensrefi na neti, smara tumsi fu a domru ensrefi na ini.
21 Bika Yehovah o opo du wan sani neleki fa a ben du dati na Perasim-bergièn na a lagipresi krosbei fu Gibeon.A o du san a musu du èn a sani di a o du o de wan freimde sani.A o du en wroko èn a wroko di a o du no o de wan aladei sani.
22 Fu dati ede un no musu meki spotu nanga a sani disi,noso den banti di tai na un lontu o kwinsi unu moro nanga moro.Bika mi yere fu a Moro Hei Masra Yehovah di e tiri den legre,taki a besroiti fu pori a heri kondre.*
23 Un arki èn yere san mi abi fu taki.Un poti prakseri na den sani di mi e taigi unu.
24 Na heri dei wan sma e plugu a gron fu sai siri?
Na heri dei a e wroko fu lusu a gron noso drai a doti?
25 Te a sreka a gron,a e panyapanya a blaka dyira na a gron, ma a e sai a gewoon dyira* na ini a doti.A abi wan presi pe a e sai tarwe, pe a e sai gierst èn pe a e sai groto.*Boiti dati, a e sai spelt* na a lanki fu en gron.
26 Na Gado e gi en leri na a yoisti fasi.*En eigi Gado e leri en san fu du.
27 Sma no e masi blaka dyira nanga a planga di den e gebroiki fu masi aleisi.Den no e lolo wan wagi na tapu gewoon dyira fu puru den siri na den taki.
Na presi fu dati den e gebroiki wan fini tiki fu naki den siri fu blaka dyira puruèn den e gebroiki wan bigi tiki gi gewoon dyira.
28 Te sma e puru aleisi na den tiki, dan den no e masi en kon fini ete, a no so?
Na lolo den e lolo na asiwagi na en tapu nomofu puru na aleisi na den tiki,ma den no e masi en kon fini ete.
29 Den kisi a koni disi fu Yehovah di e tiri den legre.A abi moi sani na prakseri*èn a du bigi sani.*
Futuwortu
^ Soleki fa a sori, dan a kroon disi na a mamafoto Samaria.
^ Noso: „a kroon di e meki den drunguman fu Efrayim abi bigifasi”.
^ Noso: „a kroon di e meki den drunguman fu Efrayim abi bigifasi”.
^ Noso: „A o meki en yeye kon na tapu den krutuman, so taki den kan krutu sani na wan reti fasi.”
^ Noso kande: „Wi meki wan fisyun”.
^ Noso: „wan waterpas”.
^ Noso kande: „Te den ferstan, dan na soso frede den o frede”.
^ Noso: „heri grontapu”.
^ Dyira na wan sortu spesrei di sma e gebroiki fu bori.
^ Tarwe, gierst nanga groto na sani di gersi aleisi.
^ Spelt na wan sani di gersi aleisi.
^ Noso: „e strafu en na a yoisti fasi”.
^ Noso kande: „A abi rai di bun srefsrefi”.
^ Noso: „A abi bigi koni”.
