Yesaya 41:1-29
41 „Un èilanti, un tan tiri,* dan un arki mi.Meki den pipel kisi krakti baka.
Meki den kon krosbei èn meki den taki.
Meki wi kon makandra na fesi krutu.
2 Suma kari wan sma kon fu owstusei*fu wroko gi en* èn fu tyari retidu kon?Suma e gi den pipel abra na enèn suma e poti den kownu na ondro a tiri fu en?
Suma sorgu taki a naki den nanga fet’owru neleki den na finfini doti?Suma sorgu taki a yagi den gwe nanga wan bo neleki fa winti e wai drei grasi gwe?
3 A e tan lon na den baka.Sondro taki wan sani tapu en a e waka na pasi pe a no ben waka ete.
4 Suma du ala den sani disi?Suma kari den pkin nanga bakapkin fu libisma sensi a bigin?
Na mi Yehovah. Mi na Gado sensi a biginèn mi o tan Gado te na a kba.”
5 Di den èilanti si disi den bigin frede.
Den moro fara presi na grontapu bigin beifi.
Den kon makandra èn den kon krosbei.
6 Ibriwan fu den go yepi en mati.Den taigi den brada: „Abi dek’ati.”
7 Na so a man di sabi wroko nanga udu e gi a smeti dek’ati.A sma di e naki isri kon plata nanga wan mokroe gi dek’ati na a sma di e wroko nanga amra.
A e taki fu a sani di a meki:* „A meki bun.”
Dan den e fasi en nanga spikri, so taki a no o man fadon.
8 „Ma yu, Israel, yu na mi futuboi.Yakob, yu na a wan di mi teki,a bakapkin fu mi mati Abraham.
9 Te na den moro fara pisi fu grontapu mi teki yu.Iya, fu den moro fara pisi fu grontapu mi kari yu kon.
Ne mi taigi yu: ’Yu na mi futuboi.Mi teki yu èn mi no drai baka gi yu.
10 No frede, bika mi de nanga yu.
No broko yu ede, bika mi na yu Gado.
Mi o meki yu kon tranga èn mi o yepi yu trutru.Iya, mi o hori yu steifi nanga mi ret’anu fu retidu.’
11 Ala den sma di ati bron nanga yu o kisi syen èn den o kon lagi.
Den sma di e feti nanga yu o tron noti èn den o dede.
12 Yu o suku pe den man de di e feti nanga yu, ma yu no o feni den.A o gersi leki noiti den no ben de. Iya, den man di e feti nanga yu o tron noti.
13 Bika mi, Yehovah, na yu Gado di e grabu yu ret’anu hori.Mi na a sma di e taigi yu: ’No frede. Mi o yepi yu.’
14 Yakob, yu de leki wan woron,* ma no frede.Un man fu Israel, mi o yepi unu”, na so Yehovah taki, a sma di bai unu baka, a Santawan fu Israel.
15 „Mi meki yu tron leki wan planga di sma e gebroiki fu masi aleisi,wan nyunwan di srapu.
Yu o broko den bergi èn yu o masi den.Yu o meki den pkin bergi tron leki aleisibuba.
16 Yu o wai den neleki fa sma e wai aleisi fu puru den buba.Winti o wai den gwe.Wan bigi winti o wai den go na ala sei.
Dan yu o prisiri nanga Yehovah.Yu o prèise a Santawan fu Israel.”
17 „Den mofinawan nanga den pôtiwan e suku watra fu dringi, ma watra no de.
Den tongo kon drei, fu di watra e kiri den.
Ma mi, Yehovah, o yepi den.
Iya mi, a Gado fu Israel, no o gwe libi den.
18 Mi o meki liba lon na den bergi pe nowan sani e groèn watra-olo o de na den lagipresi.
Mi o meki a sabana tron wan swampuèn den drei kontren o abi furu watra.
19 Na ini a sabana mi o prani sedrebon,akasia-bon, mirte-bon nanga pinabon.*
Na ini a drei sabana mi o prani yaneifer-bon,es-bon, nanga sipres-bon.
20 Dan ala sma o si, den o sabi,den o poti prakseri èn den o ferstantaki na Yehovah anu du ala den sani disièn taki na a Santawan fu Israel sorgu taki den sani disi de.”
21 „Un tyari a tori fu unu na fesi krutu”, na so Yehovah taki.
„Kon nanga den bewijs fu unu”, na so a Kownu fu Yakob taki.
22 „Un kon nanga bewijs èn taigi wi san o psa na ini a ten di e kon.
Ferteri wi san na den sani di psa kba,*so taki wi kan prakseri fu dati èn wi kan sabi fa sani waka te fu kba.
Ferteri wi fu den sani di o psa ete.
23 Ferteri wi san o psa na ini a ten di e kon,so taki wi kan sabi taki unu na gado.
Meki wi si wan sani di o meki wi ferwondru,awinsi na wan bun sani noso wan ogri sani.
24 Unu na notièn den sani di unu e du na noti tu.
Mi e tegu gi iniwan sma di e si unu leki gado.
25 Mi kari wan sma fu noordsei èn a o kon trutru.A sma di kmoto na a presi pe a son e opo* o gi mi nen glori.
A o trapu na tapu den tiriman* leki den na klei.A o trapu den leki fa wan sma di e meki prapi e trapu tapu safu kleidoti.
26 Suma ferteri san psa na a bigin, so taki wi kan sabi dati?Suma ferteri sani fu owruten, so taki wi kan piki: ’Ai, a abi leti’?
Nowan sma ferteri wi dati!
Nowan sma meki wi yere den sani disi!
Nowan sma yere wan sani fu unu!”
27 Mi na a foswan di taigi Sion: „Luku, den de dya!”
Mi o meki wan sma tyari bun nyunsu gi Yerusalem.
28 Mi tan luku lontu, ma mi no si nowan sma.Nowan fu den ben man gi rai.
Mi tan aksi den, ma nowan fu den gi piki.
29 Den alamala na noti*
èn den sani di den e du na noti tu.
Den popki* fu den de leki winti. Den na soso sani.
Futuwortu
^ Noso: „un tan tiri na mi fesi”.
^ Noso: „a sei pe son e opo”.
^ Noso: „fu kon na en futusei”.
^ Noso: „a sani di a smèlter kon na wán”.
^ Disi wani taki dati a no prenspari èn a no man yepi ensrefi.
^ Bakratongo: „denneboom”.
^ Hebrewtongo: „den fosi sani”.
^ Noso: „na owstusei”.
^ Noso: „ondro-granman”.
^ Noso: „sani di no ben de noiti”.
^ Dati na popki di sma meki fu sani soleki isri nanga gowtu.
