Yesaya 9:1-21
9 Ma a no o dungru so, leki fosten di a kondre ben de na nowtu èn di sma ben wiswasi a kondre fu Seibulon nanga a kondre fu Naftali. Ma bakaten Gado o meki a kondre kisi grani. A kondre disi de na a pasi di e waka na a se, na ini a kontren fu Yordan-liba, na ini Galilea pe den trakondre sma e tan.
2 Den sma di ben e waka na ini dungrusi wan bigi leti.
Leti skèinna tapu den sma di ben e tan na ini a kondre di dungru srefsrefi.
3 Yu meki a pipel kon bigi.Yu meki den de nanga bigi prisiri.
Den e prisiri srefsrefineleki te sma e koti n’nyan na den gronnoso te sma e prati den gudu fu den feanti, baka te den wini den.
4 Bika neleki na a ten di Midian lasi a feti,na so yu broko a tyatyari di a pipel ben e gebroiki fu tyari hebi lai.Yu broko a tiki di ben e naki den na tapu den skowru èn a tiki fu a sma di ben dwengi den fu wroko.
5 Den srudati ben e stampu so tranga nanga den susu, taki a gron ben e seki.Den dyakti fu den ben lai nanga brudu.Ma now ibri susu nanga ibri dyakti fu den o tron sani di sma e gebroiki fu leti faya.
6 Wan pkin gebore gi wi.Wi kisi wan manpkin.A o du a wroko fu wan tiriman.*
Den o kari en Gran Raiman, Tranga Gado, Têgo Papa èn Granman fu Freide.
7 Na ala sei a o tiri*èn ala ten freide o dete a e sdon na tapu a kownusturu fu Davidèn te a e tiri en kownukondre.Nanga wan krin ati èn na wan reti fasia o tiri now èn fu ala ten.
Yehovah di e tiri den legre o meki a sani disi psa nomonomo.
8 Yehovah seni wan warskow gi Yakobèn a abi fu du nanga Israel.
9 Ala sma o sabi dati.Iya, ala sma fu Efrayim nanga Samaria o sabi dati.Fu di den abi heimemre èn fu di den no abi syen meki den e taki:
10 „Awinsi den ston oso fu wi fadon broko,tòg wi o bow den baka nanga ston.
Awinsi den koti den figabon fu wi,wi o poti sedrebon na den presi.”
11 Yehovah o seni sma fu gens Resinèn a o gi den feanti fu en dek’ati fu go feti nanga en.
12 Siria o kon fu owstusei èn den Filisteasma o kon fu west-sei.*Dan den o opo den mofo èn den o nyan Israel lalalala.
Na fu di den e tan du ogri, meki en ati e bron nanga den eteèn te now ete a e naki den.
13 Ma a pipel no drai go baka na a sma di naki denèn den no suku Yehovah di e tiri den legre.
14 Na ini wán dei Yehovah o koti na ede nanga a tere fu Israel puru.A o koti a pransun* nanga a warimbo* fu den puru tu.
15 Den owru sma nanga den lespeki heihei man, na a ede.Den profeiti di e gi falsi leri, na a tere.
16 Den sma di e tiri a pipel, e meki a pipel lasi pasi.Den sma di e meki trawan tiri den, e bruya.
17 Dati meki Yehovah no o prisiri nanga den yongu man fu denèn a no o sori sar’ati gi den pkin di no abi p’pa èn gi den uma di masra dede kba.Den alamala drai baka gi en, den na ogrimanèn ibriwan fu den e taki dondon sani.
Na fu di den e tan du ogri, meki en ati e bron nanga den eteèn te now ete a e naki den.
18 Ogridu panya na ala sei neleki wan faya.A e bron den makabusi, den takru w’wiri,
nanga den grangran na ini a busi.Leki smoko den o wai gwe.
19 A kondre e bron,fu di Yehovah di e tiri den legre abi bigi atibron.Den sma drape o tron drei udu gi a faya.
Nowan sma o sori sar’ati gi en eigi brada srefi.
20 Na a ret’anusei wan sma o koti wan sani fu nyan,ma tòg angri o kiri en.Na kruktu-anusei wan sma o nyan wan sani,ma tòg a no o sari en.
Ibri sma o nyan a meti fu en eigi anu.
21 Manase o nyan Efrayimèn Efrayim o nyan Manase.
Den ala tu o feti nanga Yuda.
Na fu di den e tan du ogri, meki en ati e bron nanga den eteèn te now ete a e naki den.
Futuwortu
^ Noso: „granman”.
^ Noso: „a o tiri leki granman”.
^ Hebrewtongo: „fu bakasei”.
^ Noso kande: „a palmtaki”.
^ Wan sortu hei grasi. Furu tron a e gro na presi pe watra de.
