Yob 11:1-20
11 Ne a Namasma Sofar taki:
2 „Wan sma kan taktaki so furu, dan trawan no piki en?Wan sma abi leti, soso fu di a e taki so furu?*
3 Den soso sani di yu e taki o meki sma hori den mofo?
Yu o man meki spotu sondro taki wan sma pir’ai gi yu?
4 Yu taki: ’Den sani di mi e taki* truèn Gado e si mi leki wan krin sma.’
5 Ma efu Gado ben o opo en mofofu taigi yu wan sani!
6 Dan a ben o ferteri yu den koni di sma no sabi,bika den koni dati no makelek fu ferstan.
Yu ben o sabi taki Gado no e poti prakseri na ala den ogri di yu du.
7 Yu man kon sabi den dipi sani fu Gado?Yu man sabi ala sani fu na Almaktiwan?*
8 A hei moro hemel. San yu man du?
A dipi moro Grebi.* San yu sabi?
9 A bigi moro grontapuèn a bradi moro ala den se.
10 Efu Gado kon teki wan sma èn a tyari en na fesi krutu,dan suma o man tapu en?
11 Bika a sabi te sma e bedrigi trawan.
Te a si wan ogri e psa, yu denki taki a no o poti prakseri na dati?
12 Wan don man no man kisi ferstan,neleki fa wan sabanaburiki no kan gebore leki libisma.*
13 Yu musu sreka yu atièn yu musu opo yu anu go na loktu fu begi en.
14 Efu yu e du wan ogri, dan no du en noiti moro.No meki nowan ogri psa na ini den tenti fu yu.
15 Dan yu o man opo yu ede sondro fu syen,yu o man tnapu steifi èn yu no o frede.
16 Yu o fergiti ala den brok’ede fu yu.Yu o si den leki watra di lon psa yu.
17 Yu libi o kon krin moro mindridei.Awinsi a dungru now, a o kon de leki m’manten.
18 Yu o firi yusrefi bun, fu di yu o abi wan howpu.Te yu luku na yu lontu, ala sani o bun èn yu no o frede te yu o go sribi.
19 Yu o go d’don èn nowan sma o meki yu frede.Furu sma o wani de yu mati.
20 Ma den ai fu den ogrisma o kon dungru.Den no o abi nowan presi fu lowe go.A wan-enkri howpu fu den na fu dede.”
Futuwortu
^ Noso: „Wan man di e meki bigi kan abi leti?”
^ Noso: „Den leri fu mi”.
^ Noso: „Yu man sabi o kfalek na Almaktiwan de?”
^ Noso: „neleki fa wan sabanaburiki no kan meki wan libisma”.
