Yob 13:1-28
13 Mi ai si ala den sani disi.Mi yesi yere èn mi ferstan en.
2 San unu sabi, mi sabi tu.Unu no koni moro mi.
3 Mi winsi taki mi ben man taki nanga na Almaktiwan srefi.Mi wani ferteri en fa mi e denki.
4 Ma na soso lei unu e ferteri fu pori mi nen.Un alamala na datra di no warti noti.
5 Efu unu ben o tapu un mofo,dan unu ben o du wan koni sani!
6 Mi e aksi unu fu arki te mi o opo taki gi misrefi.Un poti prakseri na san mi abi fu taki.
7 Na ini Gado nen unu e taki sani di no bun?Unu denki taki unu e du Gado wan bun te unu e lei?
8 Na en sei unu e teki?Unu wani opo taki gi a tru Gado na ini a tori disi?
9 Unu denki taki sani ben o waka bun gi unu efu a ben o ondrosuku unu?
Unu denki taki un man kori en leki fa unu e kori libisma?
10 A o pir’ai gi unu,efu unu e hoigri na ini un ati.
11 A glori fu en no e meki unu beifi gi en?Unu no e frede en noh?
12 Den koni sani di unu e taki de leki asisi. Den no warti noti.Den wortu fu unu no abi krakti. Den swaki leki schild di meki fu tokotoko.
13 Un tapu un mofo meki mi taki.
Efu wan sani musu psa nanga mi, dan meki a psa nanga mi!
14 Fu san ede mi e suku fu dede?*Fu san ede mi e du sani di kan meki mi lasi mi libi?
15 Mi ben o tan wakti en, awinsi a ben o kiri mi.Mi ben o tan taki nanga en.*
16 Dan a ben o ferlusu mi,bika nowan ogri sma* man kon na en fesi.
17 Un arki bun san mi e takièn poti prakseri na den wortu fu mi.
18 Un arki mi. Mi sreka misrefi fu taki na fesi krutuèn mi sabi taki mi abi leti.
19 Suma o man hartaki nanga mi?
Efu mi ben o tapu mi mofo now, mi ben o dede!*
20 Mi Gado, na tu sani nomo mi wani aksi yu.*Dan mi no o suku fu kibri gi yu moro:
21 Puru yu hebi anu na mi tapuèn no du sani di e meki mi frede.
22 Kari mi, dan mi o piki yu.Noso meki mi taki, dan yu piki mi.
23 Sortu fowtu mi meki èn sortu sondu mi du?
Taigi mi meki mi sabi sortu ogri nanga sondu mi du.
24 Fu san ede yu drai baka gi mi?*Fu san ede yu e si mi leki yu feanti?
25 Mi de leki wan blad di winti e wai gwe, dan fu san ede yu e meki mi frede?Mi de leki drei grasi, dan fu san ede yu e lon na mi baka?
26 Yu e skrifi soso ogri fu mièn yu e strafu mi fu den fowtu di mi meki sensi di mi ben yongu.
27 Yu fasi mi futu na ini wan udu fu strafu mi,*yu e luku ala san mi e duèn yu e marki ala presi pe mi e poti mi futu.
28 Wan libisma* de leki wan pori sanièn leki wan pisi krosi di woron* nyan.
Futuwortu
^ Hebrewtongo: „Fu san ede mi e tyari mi skin na mindri mi tifi?”
^ Noso: „Mi o opo taki gi misrefi”.
^ Noso: „nowan sma di drai baka gi en”.
^ Noso kande: „Efu wan sma man, dan mi o tapu mi mofo èn dede”.
^ Hebrewtongo: „na tu sani nomo yu no musu du nanga mi”.
^ Hebrewtongo: „Fu san ede yu e kibri yu fesi gi mi?”
^ Disi ben de wan udu sani di sma ben e gebroiki fu fasi den futu, den anu nanga a neki fu wan strafman.
^ Hebrewtongo: „A man”. Kande Yob e taki fu ensrefi dyaso.
^ Hebrewtongo: „mot”. Wan mot gersi wan vlinder, ma efu a no kon bigi ete a e gersi wan woron èn a e nyan krosi.
