Yob 15:1-35
15 Dan a Teimansma Elifas taki:
2 „Yu denki taki wan koni sma o taki soso sani?*A o furu en bere nanga a winti fu owstusei?
3 Nowan bun o kon te a e taki sani nomo fu pir’ai gi sma.Nowan wini o de te a e taki sani di no wani taki noti.
4 Bika yu e meki taki sma no abi lespeki gi Gado moroèn yu e meki taki sma no feni en prenspari moro fu prakseri Gado.
5 Na a sondu fu yu e meki yu taki den sani disi.*Yu e taki sani fu kori sma.
6 A no mi, ma na yu eigi mofo e krutu yu.Na yu eigi mofo e taki dati yu ogri.
7 Yu denki taki yu na a fosi libisma di gebore?Yu ben gebore kba fosi den bergi ben de?
8 Yu e yere te Gado e taki fu den inbere tori fu en?Na yu w’wan abi koni?
9 San yu sabi di wi no sabi?
Yu e ferstan sani moro wi?
10 Sma de na wi mindri di owru èn di bigi moro yu.Den owru moro yu papa srefi.
11 A no sari gi yu taki Gado e suku fu trowstu yunoso taki sma e taki nanga yu na wan switi fasi?
12 Fu san ede yu e meki yu ati kori yu?Fu san ede yu e koti sker-ai gi wi?
13 Yu ati e bron nanga Gadoèn yu e taki wan lo ogri nanga yu mofo.
14 Nowan libisma kan de sondro fowtuèn nowan libisma di wan umasma meki kan du san reti.
15 Efu Gado no e fertrow den santawan fu enèn efu hemel srefi no krin gi en,
16 dan a no o fertrow wan sma tu di e du morsu sani nanga ogri sani,wan sma di e dringi kruktudu leki watra!
17 Meki mi taigi yu. Arki mi!
Mi o ferteri yu san mi si.
18 Meki mi taigi yu san koniman leri fu den papaèn san den no hori gi densrefi.
19 Na den w’wan ben tan na ini a kondre di den kisièn nowan tra sma ben psa na den mindri.
20 Wan ogri sma e pina ala den dei fu en libi.Wan sma di e pina trawan e kisi problema ala den yari di a de na libi.
21 A e yere sani di e meki a frede.Te sani e waka bun gi en, sma o kon roof en.
22 A no e denki taki a o man lowe gi a dungru.Wan fet’owru e wakti fu kiri en.
23 A e waka lontu e suku n’nyan,* ma a no e feni noti.
A sabi heri bun taki a dei fu dungru de krosbei.
24 Bruya nanga problema e frede en.Den e kon na en tapu leki wan kownu di seti ensrefi fu go na feti.
25 A e opo ensrefi teige Gado srefi.A wani strei nanga na Almaktiwan.*
26 Fu di a tranga-ede, meki a e lon go feti nanga Ennanga en deki, tranga schild.*
27 En fesi fatuèn en bere bigi.
28 Ma a e tan na ini foto di o kisi porièn na ini oso pe sma no o tan moro,fu di den oso dati o tron ip’ipi broko ston.
29 A no o kon gudu èn a no o kisi ip’ipi gudu.A no o abi nowan sani na ini a kondre.
30 A no o man lowe gi a dungru.Wan faya o bron den pransun fu en.*Wan blo fu Gado en mofo o meki a lasi libi.
31 A no musu lasi pasi èn a no musu fertrow tapu soso sani,bika na soso sani a o kisi leki pai.
32 Na dati o psa nanga en fosi en ten doro.Den taki fu en noiti no o gro bun.
33 A o lasi ala san a abi neleki wan droifibon di e trowe den droifi grungrunèn neleki wan olèifbon di e meki den bromki fu en fadon.
34 Bika den ogrisma* no o abi bun bakapisi.Faya o bron den tenti pe sma e teki tyuku.
35 Den hori bere fu problema èn den e kisi ogri leki pkin.Soso bedrigifasi de na ini den bere.”
Futuwortu
^ Noso: „sani di de leki winti”.
^ Noso: „Na a sondu fu yu e leri yu mofo san fu taki”.
^ Hebrewtongo: „brede”.
^ Noso: „A e pruberi fu wini na Almaktiwan”.
^ Hebrewtongo: „nanga en schild di abi wan deki kundu na mindrisei”.
^ Sobun, noiti a o kon bun baka.
^ Noso: „den sma di drai baka gi Gado”.
