Yob 16:1-22
16 Dan Yob taki:
2 „Den sortu sani disi mi yere furu leisi kba.
Na presi fu trowstu mi, unu de wan hebi gi mi!
3 O ten unu o tapu nanga den soso sani* di unu e taki?
San e meki taki unu e taigi mi den sani disi?
4 Mi srefi ben o man taki leki unu tu.
Efu unu ben de na mi presi,dan mi ben kan krutu unu tuèn mi ben kan seki mi ede gi unu.
5 Ma na presi fu dati, mi ben o taigi unu sani fu meki unu firi bun.Mi ben o taki sani fu trowstu unu.
6 Efu mi e taki, mi e firi pen.Awinsi mi tan pî, tòg mi e firi pen.
7 Ma now Gado meki mi kon weri.A puru ala den sma fu mi* na pasi.
8 Ai Gado, yu grabu mi hori tu èn ala sma si dati.Ala sma e si fa mi kon mangri. Mi srefi e si dati.
9 Nanga atibron a priti mi pispisi èn a abi bita-ati gi mi.
Na fu mi ede meki a e kaw en tifi.
Mi feanti e piri en ai e luku mi.
10 Den bradi den mofo opo fu swari mi.Den naki mi na ini mi fesi fu gi mi syen.Wan lo fu den kon makandra fu du mi ogri.
11 Gado libi mi gi yongu boi.A trowe mi na ini den anu fu ogriman.
12 Di mi ben de sondro brok’ede, a naki mi broko pispisi.A grabu mi na mi bakaneki, dan a masi mi.A sutu den peiri fu en kon na mi tapu.
13 Den man fu en di e sutu nanga bo, lontu mi.A e boro den niri fu mi èn a no abi nowan sar’ati.A e kanti mi gari trowe na gron.
14 A wan olo baka a trawan a e naki na ini mi skin.A e lon kon na mi tapu leki wan tranga fetman.
15 Mi meki rowkrosi fu tapu mi skin.Mi kon swaki èn mi kon lagi so te, taki mi e sdon na ini doti.*
16 Mi fesi kon redi, fu di mi e tan kreièn ala mi ondro-ai kon dungru.*
17 Ma mi no du nowan ogri,èn nanga wan krin ati mi e begi.
18 Ai grontapu, no tapu a brudu fu mi!
Nowan kibripresi musu de gi a b’bari fu mi!
19 Nownow srefi mi kotoigi de na hemel.A sma di o opo taki gi mi de na loktu.
20 Den mati fu mi e spotu mialadi mi e krei gi Gado.*
21 Mi winsi taki wan sma ben kan koti krutu gi mi nanga Gadoneleki fa wan sma e koti krutu gi tu libisma.
22 Bika mi o libi soso wan tu yari ete,dan mi o waka gwe na tapu a pasi pe sma no man drai kon baka.
Futuwortu
^ Noso: „sani di de leki winti”.
^ Noso: „den sma di e kon makandra nanga mi”.
^ Hebrewtongo: „Mi trowe mi tutu na ini a doti.”
^ Noso: „a skaduw fu dede de na mi ondro-ai”.
^ Noso kande: „aladi mi e luku Gado sondro fu sribi”.
