Yob 18:1-21
18 Dan a Suwasma Bildad taki:
2 „O langa yu o taki go doro?
Yu musu ferstan sani bun fosi, dan wi kan taki.
3 Fu san ede yu e si wi leki meti?Fu san ede yu e si wi leki don sma?*
4 Awinsi yu e priti yusrefi pispisi nanga na atibron di yu abi,yu denki taki na fu yu ede nowan sma o libi na grontapu moro,noso taki wan bigi ston o kmoto na en presi?
5 A leti fu wan ogri sma no o skèin moroèn a faya fu en o dede.
6 A leti na ini en tenti o kon dungru.A lampu di e skèin na en tapu o dede.
7 A no abi krakti moro fu waka.En eigi rai o meki a fadon.
8 En eigi futu o tyari en go fasi na ini wan nèt.Iya, a o waka langalanga go fasi na ini wan nèt.
9 Wan val o kisi en na en bakafutu.Wan krafana o fanga en.
10 Wan t’tei kibri na gron fu fanga en.Wan val de na en pasi.
11 A e frede ala sani na en lontu.Den e meki a lon neleki wan sma de na en baka.
12 A lasi krakti.Wan rampu o meki a kon malengri.*
13 En buba e pori gwe.Wan takru siki pori en heri skin.
14 Den o hari en puru na ini en tenti pe a no ben frede.Den o meki a waka go na a kownu fu frede.*
15 Freimdesma* o tan na ini en tenti.Faya* o bron en oso.
16 Na ondrosei den rutu fu en o kon dreièn na tapsei den taki fu en o kon drei tu.
17 Nowan sma na grontapu o prakseri enèn nowan sma na strati o sabi en nen.*
18 Den o pusu en fu a leti go na ini a dungruèn den o yagi en gwe fu den gron.
19 A no o abi nowan pkin èn nowan bakapkin na mindri a pipel.Nowan sma fu en o tan na libi na a presi pe a e tan.*
20 Te a dei fu en doro, den sma fu den kondre na west-sei o luku nanga opo mofoèn den sma fu den kondre na owstusei o skreki srefsrefi.
21 Na dati e psa nanga den tenti fu wan ogri man.Na dati e psa nanga na oso fu wan sma di no sabi Gado.”
Futuwortu
^ Noso kande: „sma di no krin”.
^ Noso: „o meki a degedege”.
^ Noso: „A o dede na wan ogr’ati fasi”.
^ Hebrewtongo: „Wan sani di no de fu en”.
^ Hebrewtongo: „a no o abi wan nen”.
^ Noso: „a presi pe a ben libi fu wan pisi ten”.
