Yob 19:1-29
19 Ne Yob taki:
2 „O langa unu o ferferi mi ete?O langa unu o fon mi nanga den wortu fu unu?
3 Tin leisi kba unu pir’ai gi mi.*Unu no e syen fu libi so takru nanga mi noh?
4 Efu mi du wan sani di no bun,dan na mi o abi fu teki frantwortu fu dati.
5 Ma efu unu feni nomonomo taki un bun moro mièn unu feni taki mi e ferdini den sani di e miti mi,
6 dan un musu sabi taki na Gado kori mièn na en trowe wan nèt na mi tapu fu fanga mi.
7 Awinsi mi e bari: ’Wan ogri psa nanga mi!’, tòg nowan sma e arki.Awinsi mi e bari suku yepi, tòg nowan sma e yepi mi.
8 A tapu mi pasi nanga wan ston skotu èn mi no man psa go doro.A meki den pasi fu mi kon dungru.
9 A puru ala grani fu mièn a puru mi kroon na mi ede.
10 Na ala sei a e broko mi pispisi teleki mi no de moro.A e rutu mi howpu puru neleki fa wan sma e rutu wan bon puru.
11 En ati e bron nanga mi.A e si mi leki en feanti.
12 Den legre fu en e kon makandra fu feti nanga mi.Den seti kampu lontu mi tenti.
13 Mi eigi brada a puru na mi seièn den sma di sabi mi drai baka gi mi.
14 Den bun mati fu mi* gwe libi mièn den sma di mi sabi bun fergiti mi.
15 Den sma di mi ben teki na ini oso èn den umasrafu fu mi e du leki den no sabi mi.Mi tron leki wan trakondre sma gi den.
16 Mi e kari mi futuboi, ma a no e piki.Nanga mi mofo mi e begi en fu sari mi.
17 Mi frow e fisti gi a blo fu mièn mi tron wan tingi sani gi den brada fu mi.*
18 Srefi pkin-nengre e si mi leki wan soso sani.Te mi opo, dan den e bari mi.
19 Ala den bun mati fu mi e fisti gi mièn den sma di mi ben lobi, drai baka gi mi.
20 Mi mangri so te, taki mi bonyo de fu si.Bijna mi dede.*
21 Un sari mi. Mi e begi unu, un sari mi, mi mati,bika Gado naki mi nanga en anu.
22 Fu san ede unu e pina mi neleki Gado?Fu san ede unu e tan feti nanga mi?
23 Mi winsi taki sma ben o skrifi den sani di mi e taki!Meki den skrifi den na ini wan buku!
24 Meki den krabu den sani disi na ini ston nanga wan isri skrifitikièn meki den furu en nanga loto, so taki a tan fu ala ten!
25 Ma mi sabi heri bun taki mi ferlusuman* de na libi.A o kon bakaten èn a o opo tnapu na grontapu.*
26 Awinsi mi buba pori gwe,tòg mi o si Gado na ini a skin disi.
27 Mi srefi o si en nanga mi eigi ai.A no wan tra sma, na mi srefi o si en.
Ma ala mi inbere e trubu!*
28 Unu e taki: ’Fa wi e pina en?’
Unu e du leki na mi na a rutu fu a problema.
29 Ma unu srefi musu frede a fet’owru,bika a fet’owru o strafu den sma di e du sondu.Un musu sabi taki wan krutuman de.”
Futuwortu
^ Noso: „gi mi syen”.
^ Noso: „Den famiri fu mi”.
^ Noso: „den manpkin fu mi m’ma bere”.
^ Hebrewtongo: „Nanga a buba fu mi tifi mi lowe gi dede”.
^ Noso: „a sma di bai mi baka”.
^ Hebrewtongo: „na tapu a doti”.
^ Hebrewtongo: „Mi niri no e wroko moro”.
