Yob 29:1-25
29 Ne Yob taki moro fara:
2 „Mi winsi taki sani ben de baka leki fosidi Gado ben e luku mi,
3 di a ben e meki en lampu skèin na tapu mi edeèn di a ben e meki en leti skèin gi mi te mi ben e waka na ini dungru.
4 Mi winsi taki sani ben de baka leki di mi ben yongu,*di Gado ben de wan bun mati fu mi èn di a ben de na ini mi tenti.
5 Na a ten dati na Almaktiwan ben de nanga mi eteèn den pkin* fu mi ben de na mi lontu.
6 Mi ben e waka na ini botroèn liba fu oli ben e kmoto na ini bigi ston gi mi.
7 Mi ben gwenti go na a portu fu a foto,na a pren* pe mi ben abi mi sdonpresi.
8 Te den yongu man ben e si mi, den ben e meki pasi gi mi*èn srefi den owru man ben e opo tnapu gi mi.
9 Granman srefi ben e tan pî.Den ben e poti den anu na tapu den mofo.
10 A sten fu heihei man no ben de fu yere.Nowan wortu ben e kmoto na ini den mofo.*
11 Den sma di ben e arki mi, ben e taki soso bun fu mièn den sma di ben e si mi, ben e prèise mi.
12 Bika mi ben gwenti fu ferlusu den pôtisma di ben e bari suku yepi,den pkin di no abi papa èn iniwan tra sma di no ben abi wan sma fu yepi den.
13 Den sma di ben de fu dede ben e taki mi tangièn mi ben e prisiri na ati fu den uma di masra dede kba.
14 Mi ben weri retidu leki wan krosi.Retidu ben de leki wan langa dyakti* nanga wan tai-ede gi mi.
15 Mi ben de den ai fu den breniwanèn den futu fu den lanwan.
16 Gi den pôtiwan mi ben de wan papa.Awinsi mi no ben sabi wan sma di ben tyari wan tori na fesi krutu, tòg mi ben ondrosuku a tori fu en finfini.
17 Mi ben e broko den kaak fu ogrimanfu ferlusu den wan di ben de na mindri den tifi fu den.
18 Mi ben lobi taki: ’Na ini mi oso* mi o dedeèn den dei fu mi o furu leki aisanti.
19 Den rutu fu mi o dringi furu watraèn heri neti dow o fadon na tapu den taki fu mi.
20 Ibri tron baka mi e kisi furu grani.Ala yuru mi e sutu a bo di de na ini mi anu.’
21 Sma ben e wakti fu arki mi.Den ben e tan pî fu arki den rai fu mi.
22 Baka te mi ben taki, den no ben e taki moro.Den wortu fu mi ben e dropu safrisafri na den tapu.
23 Den ben e wakti mi neleki fa gronman e wakti na alen fu konèn den ben e opo den mofo bradi fu dringi den wortu fu mi leki alen di e fadon na bakayari.
24 Te mi ben e lafu nanga den, den no ben man bribi.Te mi ben e prisiri nanga den, dan den ben e kisi dek’ati.*
25 Na mi ben e sori den a pasi di den musu waka èn mi ben de leki wan fesiman gi den.Mi ben e libi leki wan kownu na mindri den legre fu enèn leki wan sma di ben e trowstu den wan di e sari.
Futuwortu
^ Noso: „di mi ben de na ini mi ten”.
^ Noso: „futuboi”.
^ Hebrewtongo: „ben go kibri gi mi”.
^ Noso: „Den tongo ben fasi na tapsei fu den inmofo”.
^ Noso: „dyakti sondro mow”.
^ Hebrewtongo: „Na ini mi nesi”.
^ Noso kande: „den no ben e meki a leti fu mi fesi kon dungru”.
