Yob 39:1-30
39 Yu sabi o ten den bergikrabita e meki den pkin fu den?
Yu si fa den dia e meki pkin?
2 Yu sabi omeni mun den de nanga bere fosi den meki wan pkin?
Yu sabi o ten den e meki den pkin?
3 Den e beni te den e meki den pkin.Baka dati den no abi pen moro.
4 Den pkin fu den e kon tranga èn den e gro kon bigi na ini a sabana.Dan den e gwe èn den no e drai kon baka.
5 Suma meki den sabanaburiki* lon fri na ini a sabana?Suma lusu den t’tei fu den sabanaburiki?
6 Mi gi den a sabana leki tanpresièn mi meki den tan na presi pe a gron sowtu.
7 A sabanaburiki e tan farawe fu a dyugudyugu na ini a foto.A no e yere a b’bari fu den sma di wani basi en.
8 A e wakawaka na den bergi fu suku n’nyan.A e suku ala grun grasi di de.
9 Yu man basi wan mankaw fu a sabana?
A o tan na ini yu kawpen na neti?
10 Yu man tai en na wan t’tei èn seni en fu meki pkin gotro na ini yu gron?A o waka na yu baka na ini yu gron fu drai a doti gi yu?*
11 Yu o fertrow tapu a bigi krakti fu en?Yu o meki a du a hebi wroko fu yu?
12 Yu kan fertrow na en tapu taki a o tyari a n’nyan* fu den gron konèn taki a o tyari en go na a presi pe yu e masi aleisi?
13 Nanga prisiri a stroisfowru e naki den frei fu en.Ma tòg den frei fu en no e doro di fu wan ooievaar.*
14 A stroisfowru e libi den eksi fu en na tapu a gronèn a doti e meki den tan waran.
15 A e fergiti taki wan sma futu kan masi den brokoèn taki wan busimeti kan trapu na den tapu.
16 A grofu nanga den pkin fu en. A e du leki den no de fu en.A no e span efu na fu soso a wroko so tranga fu kisi den.
17 Gado no gi en nowan koni.*A no gi en wan pkinso ferstan srefi.
18 Ma te a e dyompo opo èn a e naki nanga den frei fu en,a e lafu na asi nanga a sma di e rèi na tapu.
19 Na yu na a sma di e gi na asi krakti?
Yu man poti moi langa w’wiri na en bakaneki?
20 Yu man meki a dyompo leki wan sprenka?
Te a e blo hebi yu musu fu frede en.
21 A e prisiri te a e stampu nanga ala en krakti na a lagipresi.A e lon go na ini a feti.*
22 A e lafu te a e si ogri èn a no e frede nowan sani.
A no e wai gi nowan fet’owru.
23 Na en seibere wan peirikokro e seki.Na en seibere na isri fu wan peiri nanga wan lansri e brenki.
24 A e stampu fu prisiri èn a e bigin lon.*A no man tan tnapu* te a yere a tutu.
25 Te a yere a tutu, a e bari fu prisiri.
Fu farawe a man smeri a feti kbaèn a e yere a b’bari fu den edeman nanga den srudati di e go na a feti.
26 Na yu koni so fu meki a pkin aka* bradi en frei go na zuidsei,so taki a man opo go na loktu?
27 Na yu taigi a bigi aka fu frei so heièn fu bow en nesi na wan hei presi?
28 Na yu e meki taki a e tan na wan stonbergi te neti?Na yu e meki taki a e tan na a moro hei pisi fu a stonbergi?
29 Na drape a e sdon luku teleki a si wan sani fu nyan.Den ai fu en e si bun fara.
30 Den pkin fu en e dringi brudu.Pe dedeskin de, na drape a de tu.”
Futuwortu
^ Noso: „onager”.
^ Noso: „A o waka na yu baka fu plugu a gron gi yu?”
^ Hebrewtongo: „siri”.
^ Hebrewtongo: „Gado meki a fergiti ala sani”.
^ Hebrewtongo: „A e lon go miti den fetsani”.
^ Hebrewtongo: „a e nyan doti”.
^ Noso kande: „A no e bribi”.
^ Noso: „valk”.
