Tori 1

1. Fu pe ala bun sani komopo, èn yu man gi wan eksempre fu dati?

2. San na a fosi sani di Gado ben meki?

3. Fu san ede a fosi engel ben de wan aparti engel?

4. Fruteri fa grontapu ben de na a bigin. (Luku a prenki.)

5. San Gado ben bigin du fu sreka grontapu gi meti nanga libisma?

Ete wan tu aksi:

1. Leisi Yeremia 10:12.

   Sortu fasi fu Gado wi e si te wi e luku den sani di a meki? (Yes. 40:26; Rom. 11:33)

2. Leisi Kolosesma 1:15-17.

   Sortu prati Yesus ben abi na a wroko fu meki sani? Fa wi musu si en fu dati ede? (Kol. 1:15-17)

3. Leisi Genesis 1:1-10.

   1. Fa grontapu du kon? (Gen. 1:1)

   2. San ben pasa na tapu a fosi dei di Gado meki sani? (Gen. 1:3-5)

   3. Fruteri san ben pasa na a di fu tu dei di Gado meki sani. (Gen. 1:7, 8)

Tori 2

1. Fa Gado ben sreka sani na grontapu so taki wi kan tan na tapu?

2. Fruteri fu den difrenti sortu meti di Gado meki. (Luku a prenki.)

3. Fu san ede a dyari fu Eden ben de wan spesrutu presi?

4. Fa Gado ben wani taki a heri grontapu ben musu tron?

Ete wan tu aksi:

1. Leisi Genesis 1:11-25.

   1. San Gado ben meki na a di fu dri dei di a meki sani? (Gen. 1:12)

   2. San ben kon de na a di fu fo dei di Gado meki sani? (Gen. 1:16)

   3. Sortu meti Gado ben meki na a di fu feifi dei nanga a di fu siksi dei? (Gen. 1:20, 21, 25)

2. Leisi Genesis 2:8, 9.

   San na den tu spesrutu bon di Gado ben poti na ini a dyari, èn san den bon disi ben agersi?

Tori 3

1. San de tra fasi na tapu a prenki fu Tori 3 te yu e agersi dati nanga a prenki fu Tori 2?

2. Suma ben meki a fosi man, èn fa a man dati ben nen?

3. Sortu wroko Gado ben gi Adam fu du?

4. Fu san ede Gado meki Adam fadon na wan dipi sribi?

5. O langa Adam nanga Eva ben o man libi, èn sortu wroko Yehovah ben wani den fu du?

Ete wan tu aksi:

1. Leisi Psalm 83:18.

   San na a nen fu Gado, èn sortu posisi en wawan abi na grontapu? (Yer. 16:21; Dan. 4:17)

2. Leisi Genesis 1:26-31.

   1. San na a moro prenspari sani di Gado ben meki na a di fu siksi dei? Fa a sani disi ben difrenti fu den meti di a meki? (Gen. 1:26)

   2. San Gado ben seti gi libisma nanga meti? (Gen. 1:30)

3. Leisi Genesis 2:7-25.

   1. San Adam ben musu du fu kan gi den meti wan nen? (Gen. 2:19)

   2. Fa Genesis 2:24 e yepi wi fu frustan fa Yehovah e si en te tu sma trow, te sma e prati, èn te sma e broko trow? (Mat. 19:4-6, 9)

Tori 4

1. San e pasa nanga Adam nanga Eva, te yu e luku a prenki?

2. Fu san ede Yehovah strafu den?

3. San wan sneki ben taigi Eva?

4. Suma ben meki a sneki taki nanga Eva?

5. Fu san ede Adam nanga Eva ben lasi den tanpe na ini a Paradijs?

Ete wan tu aksi:

1. Leisi Genesis 2:16, 17 nanga 3:1-13, 24.

   1. Fa na aksi di a sneki ben poti gi Eva, ben sori taki a ben fruteri lei fu Yehovah? (Gen. 3: 1-5; 1 Yoh. 5:3)

   2. Fa na eksempre fu Eva de leki wan warskow gi wi? (Fil. 4:8; Yak. 1:14, 15; 1 Yoh. 2:16)

   3. Fa Adam nanga Eva sori taki den no ben wani teki a frantwortu fu den sani di den du? (Gen. 3:12, 13)

   4. Fa den cherub na a owstusei fu a dyari fu Eden, horibaka gi a reti di Yehovah abi fu tiri? (Gen. 3:24)

2. Leisi Openbaring 12:9.

   O furu sma Satan ben man kisi fu drai baka gi a tiri fu Gado? (1 Yoh. 5:19)

Tori 5

1. Fa a libi fu Adam nanga Eva ben de dorosei fu a dyari fu Eden?

2. San ben bigin pasa nanga Adam nanga Eva, èn fu san ede dati ben pasa nanga den?

3. Fu san ede den pikin fu Adam nanga Eva ben o kon owru èn dede?

4. Efu Adam nanga Eva ben gi yesi na Yehovah, dan fa a libi ben o de gi den nanga den pikin fu den?

5. Fa a trangayesi di Eva ben trangayesi meki taki a ben abi pen?

6. Fa den fosi tu manpikin fu Adam nanga Eva ben nen?

7. Suma na den tra pikin na tapu a prenki?

Ete wan tu aksi:

1. Leisi Genesis 3:16-23 nanga 4:1, 2.

   1. Di a fluku ben kon tapu a gron, dan sortu bakapisi dati ben abi gi a libi fu Adam? (Gen. 3:17-19; Rom. 8:20, 22)

   2. A nen Eva wani taki „Libiwan”. Fu san ede a nen dati ben fiti? (Gen. 3:20)

   3. Fa Yehovah sori taki a ben hori Adam nanga Eva na prakseri, srefi baka di den sondu? (Gen. 3:7, 21)

2. Leisi Openbaring 21:3, 4.

   San na wan tu fu den „fositen sani” di yu no e howpu fu si moro?

Tori 6

1. Sortu wroko Kain nanga Abel e du?

2. Sortu presenti Kain nanga Abel e tyari gi Yehovah?

3. Fu san ede Yehovah e prisiri nanga a presenti fu Abel, èn fu san ede a no e prisiri nanga di fu Kain?

4. Sortu fasi Kain abi, èn fa Yehovah e pruberi fu meki a kenki a fasi fu en?

5. San Kain e du te en nanga en brada wawan de na gron?

6. Fruteri san ben pasa nanga Kain baka di a kiri en brada.

Ete wan tu aksi:

1. Leisi Genesis 4:2-26.

   1. San Yehovah ben taki fu sori taki takru bakapisi ben o miti Kain? (Gen. 4:7)

   2. Fa Kain sori san ben de na ini en ati? (Gen. 4:9)

   3. Fa Yehovah e si en te wan sma e kiri wan trawan di no du noti? (Gen. 4:10; Yes. 26:21)

2. Leisi 1 Yohanes 3:11, 12.

   1. Fu san ede Kain kisi bigi atibron, èn fa disi de leki wan warskow gi wi na ini a ten disi? (Gen. 4:4, 5; Odo 14:30; 28:22)

   2. Fa Bijbel e sori taki wi man tan hori wi soifri retifasi awansi ala den famiriman fu wi de teige Yehovah? (Ps. 27:10; Mat. 10:21, 22)

3. Leisi Yohanes 11:25.

   Sortu dyaranti Yehovah e gi ala den sma di dede fu regtfardikifasi ede? (Yoh. 5:24)

Tori 7

1. Fa Heinok de difrenti fu tra sma?

2. Fu san ede den sma na ini a ten fu Heinok ben e du someni ogri sani?

3. Sortu ogri sani den sma ben e du? (Luku a prenki.)

4. Fu san ede Heinok ben musu abi deki-ati?

5. O langa den libisma na ini a ten dati ben e libi, ma o langa Heinok libi?

6. San ben pasa baka di Heinok dede?

Ete wan tu aksi:

1. Leisi Genesis 5:21-24, 27.

   1. Fa a banti ben de na mindri Heinok nanga Yehovah? (Gen. 5:24)

   2. Soleki fa Bijbel e sori, dan suma ben de a moro owru man di oiti ben libi, èn omeni yari a ben abi di a dede? (Gen. 5:27)

2. Leisi Genesis 6:5.

   O takru a situwâsi ben kon de na grontapu baka di Heinok dede, èn fa dati gersi a ten fu wi? (2 Tim. 3:13)

3. Leisi Hebrewsma 11:5.

   Sortu fasi fu Heinok „ben plisi Gado”, èn san ben de a bakapisi fu dati? (Gen. 5:22)

4. Leisi Yudas 14, 15.

   Fa Kresten na ini a ten disi kan sori a srefi deki-ati leki Heinok te den e warskow sma fu a feti fu Armagedon di o kon? (2 Tim. 4:2; Hebr. 13:6)

Tori 8

1. San ben pasa di sonwan fu den engel fu Gado arki Satan?

2. Fu san ede sonwan fu den engel tapu nanga a wroko fu den na ini hemel fu kon na grontapu?

3. Fu san ede a ben de wan fowtu sani taki den engel ben kon na grontapu èn taki den ben meki libisma skin gi densrefi?

4. Fa den pikin fu den engel ben de tra fasi leki tra pikin?

5. Soleki fa yu kan si na tapu a prenki, dan san den pikin fu den engel ben e du di den tron langa bigi-skin sma?

6. Baka di Heinok dede, dan sortu bun man ben libi na grontapu, èn fu san ede Gado ben lobi en?

Ete wan tu aksi:

1. Leisi Genesis 6:1-8.

   Fa Genesis 6:6 e sori taki a fasi fa wi e tyari wisrefi kan abi krakti tapu den firi fu Yehovah? (Ps. 78:40, 41; Odo 27:11)

2. Leisi Yudas 6.

   Fa den engel di „no ben hori a posisi fu den di den ben abi biginbigin” na ini a ten fu Noa, de leki wan warskow gi wi na ini a ten disi? (1 Kor. 3:5-9; 2 Petr. 2:4, 9, 10)

Tori 9

1. Omeni sma ben de na ini na osofamiri fu Noa, èn fa den dri manpikin fu en ben nen?

2. Sortu aparti sani Gado aksi Noa fu du, èn fu san ede?

3. San den birtisma fu Noa ben du di a fruteri den fu na ark?

4. San Gado ben taigi Noa fu du nanga den meti?

5. Baka di Gado tapu a doro fu na ark, dan san Noa nanga en osofamiri ben abi fu du?

Ete wan tu aksi:

1. Leisi Genesis 6:9-22.

   1. San meki taki Noa ben de wan tumusi bun anbegiman fu a tru Gado? (Gen. 6:9, 22)

   2. Fa Yehovah e feni en te sma e handri na wan ogri-ati fasi nanga trawan? Fa disi musu abi krakti tapu den sani di wi e du, di wi e luku, noso di wi e arki na ini wi prisiriten? (Gen. 6:11, 12; Ps. 11:5)

   3. Fa wi kan de leki Noa te wi e kisi rai nanga yepi fu Yehovah en organisâsi? (Gen. 6:22; 1 Yoh. 5:3)

2. Leisi Genesis 7:1-9.

   Yehovah ben si Noa, wan man di no ben de volmaakti, leki wan regtfardikisma. Fa a sani dati e gi wi deki-ati na ini a ten disi? (Gen. 7:1; Odo 10:16; Yes. 26:7)

Tori 10

1. Fu san ede nowan sma ben kan go na ini na ark di alen bigin fadon?

2. Omeni dei nanga neti Yehovah ben meki alen fadon, èn te o fara a watra ben doro?

3. San ben pasa nanga na ark di a watra bigin fu tapu grontapu?

4. Den langa sma ben pasa a Frudu libilibi? San ben pasa nanga den papa fu den langa sma?

5. San ben pasa nanga na ark baka feifi mun?

6. Fu san ede Noa lusu wan blaka fowru meki a gowe fu na ark?

7. Fa Noa ben sabi taki a watra na grontapu ben saka?

8. San Gado ben taigi Noa baka di en nanga en osofamiri ben de moro langa leki wan yari na ini na ark?

Ete wan tu aksi:

1. Leisi Genesis 7:10-24.

   1. O bigi a pori ben de na grontapu? (Gen. 7:23)

   2. O langa a ben teki fosi a watra fu a Frudu saka? (Gen. 7:24)

2. Leisi Genesis 8:1-17.

   Fa Genesis 8:17 e sori taki Yehovah no kenki a prakseri di a ben abi biginbigin gi grontapu? (Gen. 1:22)

3. Leisi 1 Petrus 3:19, 20.

   1. Di den engel di ben opo densrefi teige Gado drai go baka na hemel, dan sortu krutu den ben kisi? (Yud. 6)

   2. Fa a tori fu Noa nanga en osofamiri e tranga a frutrow di wi abi taki Yehovah man frulusu en pipel? (2 Petr. 2:9)

Tori 11

1. Soleki fa a prenki e sori, dan san na a fosi sani di Noa du di a komoto na ini na ark?

2. Sortu komando Gado ben gi Noa nanga en osofamiri baka a Frudu?

3. Sortu pramisi Gado ben meki?

4. Te wi e si wan alenbo, dan na san dati musu memre wi?

Ete wan tu aksi:

1. Leisi Genesis 8:18-22.

   1. Fa wi na ini a ten disi kan gi „wan switismeri” na Yehovah? (Gen. 8:21; Hebr. 13:15, 16)

   2. San Yehovah ben taki fu na ati fu libisma? Fu dati ede, gi sortu sani wi musu luku bun? (Gen. 8:21; Mat. 15:18, 19)

2. Leisi Genesis 9:9-17.

   1. Sortu frubontu Yehovah ben meki nanga ala libisani na grontapu? (Gen. 9:10, 11)

   2. O langa a frubontu fu na alenbo sa tan? (Gen. 9:16)

Tori 12

1. Suma ben de Nimrod, èn fa Gado ben denki fu en?

2. Fu san ede den sma na tapu a prenki ben e meki ston?

3. Fu san ede a bow-wroko no ben plisi Gado?

4. Fa Gado ben meki den sma tapu nanga a bow fu a toren?

5. Sortu nen a foto ben kisi, èn san a nen dati wani taki?

6. San ben pasa nanga den sma baka di Gado meki den taki difrenti tongo?

Ete wan tu aksi:

1. Leisi Genesis 10:1, 8-10.

   Sortu fasi Nimrod ben abi? Sortu warskow wi e kisi fu dati? (Odo 3:31)

2. Leisi Genesis 11:1-9.

   Fu san ede den sma ben wani bow a toren, ma fu san ede den no ben o man du dati kwetikweti? (Gen. 11:4; Odo 16:18; Yoh. 5:44)

Tori 13

1. Fa den sma ben de di ben libi na ini a foto Ur?

2. Suma na a man na tapu a prenki, o ten en mama ben meki en, èn pe a ben libi?

3. San Gado ben taigi Abraham fu du?

4. Fu san ede sma ben kari Abraham wan mati fu Gado?

5. Suma ben go makandra nanga Abraham di a gowe libi Ur?

6. San Gado ben taigi Abraham di a doro na a kondre Kanan?

7. San Gado ben pramisi Abraham di a ben abi 99 yari?

Ete wan tu aksi:

1. Leisi Genesis 11:27-32.

   1. Suma Lot ben de fu Abraham? (Gen. 11:27)

   2. Aladi a skrifi taki Tera ben froisi en famiri go na Kanan, toku fa wi du sabi taki na Abraham ben de a sma di bigin seti sani fu froisi? Fu san ede Abraham ben du dati? (Gen. 11:31; Tori. 7:2-4)

2. Leisi Genesis 12:1-7.

   San Yehovah ben taki moro fara na ini a frubontu di a ben meki nanga Abraham, baka di Abraham doro na a kondre Kanan? (Gen. 12:7)

3. Leisi Genesis 17:1-8, 15-17.

   1. Sortu tra nen Abram kisi di a ben abi 99 yari, èn fu san ede en nen ben kenki? (Gen. 17:5)

   2. Sortu blesi Yehovah ben pramisi fu gi Sara bakaten? (Gen. 17:15, 16)

4. Leisi Genesis 18:9-19.

   1. Sortu frantwortu papa abi soleki fa skrifi na ini Genesis 18:19? (Deut. 6:6, 7; Ef. 6:4)

   2. Sortu sani di Sara ben ondrofeni, e sori taki wi no man kibri nowan sani gi Yehovah? (Gen. 18:12, 15; Ps. 44:21)

Tori 14

1. San Gado ben pramisi Abraham, èn san Gado du fu meki a pramisi kon tru?

2. Soleki fa a prenki e sori, dan fa Gado ben tesi a bribi fu Abraham?

3. San Abraham du, aladi a no ben frustan fu san ede Gado ben gi en so wan komando?

4. San ben pasa di Abraham teki a nefi fu kiri en manpikin?

5. O tranga Abraham ben bribi na ini Gado?

6. San Gado ben poti gi Abraham fu gi leki ofrandi, èn fa Gado ben du dati?

Ete wan tu aksi:

1. Leisi Genesis 21:1-7.

   Fu san ede Abraham besnèi en manpikin na tapu a di fu aiti dei? (Gen. 17:10-12; 21:4)

2. Leisi Genesis 22:1-18.

   Fa Isak sori taki a saka ensrefi na ondro en papa Abraham? Fa disi ben sori go na wan moro prenspari sani di ben o pasa bakaten? (Gen. 22:7-9; 1 Kor. 5:7; Fil. 2:8, 9)

Tori 15

1. Fu san ede Abraham nanga Lot go libi aparti fu makandra?

2. Fu san ede Lot ben wani go libi na Sodom?

3. Fa den sma fu Sodom ben de?

4. Sortu warskow den tu engel ben gi Lot?

5. Fu san ede a wefi fu Lot ben tron wan sowtu postu?

6. San wi kan leri fu a tori fu a wefi fu Lot?

Ete wan tu aksi:

1. Leisi Genesis 13:5-13.

   Fa na eksempre fu Abraham kan leri wi fa fu lusu problema na mindri sma? (Gen. 13:8, 9; Rom. 12:10; Fil. 2:3, 4)

2. Leisi Genesis 18:20-33.

   Te wi e luku a fasi fa Yehovah handri nanga Abraham, dan fa dati e meki wi abi a frutrow taki Yehovah nanga Yesus sa krutu sani na wan reti fasi? (Gen. 18:25, 26; Mat. 25:31-33)

3. Leisi Genesis 19:1-29.

   1. San a Bijbel tori disi e sori wi fu a fasi fa Gado e si homo-sekslibi? (Gen. 19:5, 13; Lef. 20:13)

   2. San na a difrenti na mindri a fasi fa Lot nanga Abraham ben handri di Gado taigi den san den ben musu du? San wi kan leri fu disi? (Gen. 19:15, 16, 19, 20; 22:3)

4. Leisi Lukas 17:28-32.

   Fa a wefi fu Lot ben prakseri fu gudu, èn fa disi de leki wan warskow gi wi? (Luk. 12:15; 17:31, 32; Mat. 6:19-21, 25)

5. Leisi 2 Petrus 2:6-8.

   Efu wi e teki na eksempre fu Lot, dan fa wi musu si den sma lontu wi di no e du a wani fu Gado? (Esek. 9:4; 1 Yoh. 2:15-17)

Tori 16

1. Suma na a man nanga na uma na tapu a prenki?

2. San Abraham ben du fu feni wan wefi gi en manpikin, èn fu san ede a ben du dati?

3. Fa a futuboi fu Abraham ben kisi piki tapu a begi fu en?

4. San Rebeka piki di den aksi en efu a ben wani trow nanga Isak?

5. San meki taki Isak ben de koloku baka?

Ete wan tu aksi:

1. Leisi Genesis 24:1-67.

   1. San na wan tu moi fasi di Rebeka ben sori di a miti a futuboi fu Abraham na a peti? (Gen. 24:17-20; Odo 31:17, 31)

   2. Sortu moi sani Kresten na ini a ten disi kan leri fu a fasi fa Abraham ben seti sani gi Isak? (Gen. 24:37, 38; 1 Kor. 7:39; 2 Kor. 6:14)

   3. Fu san ede wi musu meki ten fri fu denki dipi, soleki fa Isak ben du? (Gen. 24:63; Ps. 77:12; Fil. 4:8)

Tori 17

1. Suma ben de Esau nanga Yakob, èn san ben de a difrenti na mindri den boi disi?

2. Omeni yari Esau nanga Yakob ben abi di den granpapa Abraham dede?

3. San Esau ben du di meki taki en mama nanga papa ben sari srefisrefi?

4. Fu san ede Esau ben atibron srefisrefi nanga en brada Yakob?

5. San Isak ben taigi en manpikin Yakob fu du?

Ete wan tu aksi:

1. Leisi Genesis 25:5-11, 20-34.

   1. San Yehovah ben taki na fesi fu den tu manpikin fu Rebeka? (Gen. 25:23)

   2. Fa Yakob nanga Esau ben difrenti na ini a fasi fa den ben e prakseri fu a reti fu a fosi geborewan? (Gen. 25:31-34)

2. Leisi Genesis 26:34, 35; 27:1-46; nanga 28:1-5.

   1. San ben sori krin taki Esau no ben abi warderi gi yeye sani? (Gen. 26:34, 35; 27:46)

   2. San Isak ben taigi Yakob fu du so taki Yakob ben kan kisi blesi fu Gado? (Gen. 28:1-4)

3. Leisi Hebrewsma 12:16, 17.

   Soleki fa na eksempre fu Esau e sori, dan san o de a bakapisi gi den sma di e wisiwasi santa sani?

Tori 18

1. Suma na a yongu uma na tapu a prenki, èn san Yakob ben du gi en?

2. San Yakob ben de klariklari fu du fu man trow nanga Rakel?

3. San Laban ben du di a ten doro fu Yakob trow nanga Rakel?

4. San Yakob ben agri fu du so taki Rakel ben kan tron en wefi?

Ete wan tu aksi:

1. Leisi Genesis 29:1-30.

   1. Fa Yakob tan tyari ensrefi na wan lespeki fasi, aladi Laban ben kori en? San wi kan leri fu dati? (Gen. 25:27; 29:26-28; Mat. 5:37)

   2. Fa na eksempre fu Yakob e sori a difrenti na mindri trutru lobi nanga a lobi firi di wan sma kan abi gi wan trawan fu wan syatu pisi ten nomo? (Gen. 29:18, 20, 30; Singi. 8:6)

   3. Suma na den fo uma di ben tron memre fu na osofamiri fu Yakob èn di ben kisi manpikin nanga en? (Gen. 29:23, 24, 28, 29)

Tori 19

1. San na den nen fu den siksi manpikin di Yakob ben meki nanga en fosi wefi Lea?

2. Suma na den tu manpikin di Silpa, na uma-futuboi fu Lea, ben kisi nanga Yakob?

3. San na den nen fu den tu manpikin di Bilha, na uma-futuboi fu Rakel, ben kisi nanga Yakob?

4. Suma na den tu manpikin di Rakel ben meki, ma san ben pasa di a meki a di fu tu manpikin?

5. Soleki fa a prenki e sori, dan omeni manpikin Yakob ben abi, èn san ben komoto fu den?

Ete wan tu aksi:

1. Leisi Genesis 29:32-35; 30:1-26; nanga 35:16-19.

   Soleki fa a ben de nanga den 12 manpikin fu Yakob, dan fa den Hebrew boi fu owruten ben kisi den nen furu tron?

2. Leisi Genesis 37:35.

   Fa wi du sabi taki Yakob ben abi moro leki wán umapikin, aladi na Dina wawan kari na ini Bijbel? (Gen. 37:34, 35)

Tori 20

1. Fu san ede Abraham nanga Isak no ben wani taki den pikin fu den trow nanga sma fu a kondre Kanan?

2. Yakob ben feni en bun taki en umapikin ben meki mati nanga den umapikin fu Kanan?

3. Suma na a man na tapu a prenki di e luku Dina, èn sortu ogri sani a man disi ben du?

4. San Simeon nanga Leifi, den brada fu Dina, du di den yere san ben pasa?

5. Yakob ben feni a sani bun di Simeon nanga Leifi ben du?

6. Fa ala den problema na ini na osofamiri ben bigin?

Ete wan tu aksi:

1. Leisi Genesis 34:1-31.

   1. Na wán leisi nomo Dina ben abi demakandra nanga den umapikin fu Kanan? Tyari disi kon na krin. (Gen. 34:1)

   2. Fu san ede Dina ben de frantwortu sosrefi fu a lasi di a lasi en nyunwenke-fasi? (Gal. 6:7)

   3. Fa yonguwan na ini a ten disi kan sori taki den teki a warskow di de fu feni na ini a tori fu Dina? (Odo 13:20; 1 Kor. 15:33; 1 Yoh. 5:19)

Tori 21

1. Fu san ede den brada fu Yosef ben dyarusu tapu en, èn san den ben du?

2. San den brada fu Yosef wani du nanga en, ma san Ruben e taki?

3. San e pasa te den Ismaelsma di e du bisnis e waka pasa?

4. San den brada fu Yosef e du fu meki a papa fu den denki taki Yosef dede?

Ete wan tu aksi:

1. Leisi Genesis 37:1-35.

   1. Fa Kresten kan teki na eksempre fu Yosef fu taki wan sani te wan sma na ini a gemeente e du ogri? (Gen. 37:2; Lef. 5:1; 1 Kor. 1:11)

   2. San meki taki den brada fu Yosef handri na wan bedrigi fasi nanga en? (Gen. 37:11, 18; Odo 27:4; Yak. 3:14-16)

   3. Yakob ben du wan sani di sma e du furu tron te den e sari. San na dati? (Gen. 37:35)

Tori 22

1. Omeni yari Yosef abi te den e tyari en go na Egepte, èn san e pasa te a doro drape?

2. Fa a du kon taki Yosef de na ini dungru-oso?

3. Sortu frantwortu Yosef e kisi na ini a dungru-oso?

4. Te Yosef de na ini dungru-oso, dan san a e du gi a bakriman fu Farao èn gi a man di e kanti win gi Farao?

5. San e pasa baka te a man di e kanti win gi Farao e komoto na dungru-oso?

Ete wan tu aksi:

1. Leisi Genesis 39:1-23.

   Na ini a ten fu Yosef, Gado no ben meki sma skrifi nowan wet di ben krutu hurudu. We, dan san ben meki Yosef lowe gowe fu a wefi fu Potifar? (Gen. 2:24; 20:3; 39:9)

2. Leisi Genesis 40:1-23.

   1. Taki syatu san ben pasa na ini a dren fu a man di ben kanti win gi Farao, èn fruteri nanga wan tu wortu san a dren wani taki, soleki fa Yehovah ben taigi Yosef. (Gen. 40:9-13)

   2. San a bakriman ben dren, èn san a dren ben wani taki? (Gen. 40:16-19)

   3. Fa a getrow èn koni srafu na ini a ten disi sori taki den abi a srefi fasi fu denki leki Yosef? (Gen. 40:8; Ps. 36:9; Yoh. 17:17; Tori. 17:2, 3)

   4. Fa Genesis 40:20 e meki wi frustan moro krin fa Kresten e si friyari-oso? (Preik. 7:1; Mark. 6:21-28)

Tori 23

1. San e pasa nanga Farao wan neti?

2. Fa a du kon taki now fosi a man di e kanti win gi Farao e memre Yosef?

3. Soleki fa a prenki e sori, dan san na den tu dren di Farao abi?

4. San den dren wani taki, soleki fa Yosef e sori?

5. Fa a du kon taki Yosef e tron a moro prenspari man baka Farao na ini Egepte?

6. Fu san ede den brada fu Yosef e kon na Egepte, èn fu san ede den no sabi taki na en?

7. Sortu dren Yosef e memre baka, èn san disi e meki en frustan?

Ete wan tu aksi:

1. Leisi Genesis 41:1-57.

   1. Fa Yosef ben meki sma poti prakseri na Yehovah, èn na sortu fasi Kresten na ini a ten disi kan teki na eksempre fu en? (Gen. 41:16, 25, 28; Mat. 5:16; 1 Petr. 2:12)

   2. Den yari di furu nyanyan ben de na ini Egepte èn den yari fu angriten di ben kon baka dati, e sori krin fa a yeye situwâsi fu Yehovah en pipel na ini a ten disi e difrenti fu a di fu Krestenhèit. Fa so? (Gen. 41:29, 30; Amos 8:11, 12)

2. Leisi Genesis 42:1-8 nanga 50:20.

   Efu a de a gwenti na ini wan kondre fu boigi fesi wan sma fu sori lespeki gi a posisi fu en, dan a de wan fowtu sani te anbegiman fu Yehovah e du dati? (Gen. 42:6)

Tori 24

1. Fu san ede Yosef e taki dati den brada fu en na spion?

2. Fu san ede Yakob e meki Benyamin, a moro yongu manpikin fu en, go na Egepte?

3. Fa a du kon taki a solfru kan fu Yosef de na ini a saka fu Benyamin?

4. San Yuda wani du fu meki taki Benyamin kon fri?

5. Fa den brada fu Yosef kenki?

Ete wan tu aksi:

1. Leisi Genesis 42:9-38.

   Fa a piki di Yosef ben gi na ini Genesis 42:18, de wan moi sani fu hori na prakseri gi den wan di abi frantwortu na ini Yehovah en organisâsi na ini a ten disi? (Neh. 5:15; 2 Kor. 7:1, 2)

2. Leisi Genesis 43:1-34.

   1. Aladi Ruben ben de a fosi geborewan, toku fa a de krin fu si dati Yuda ben e taki gi den brada fu en? (Gen. 43:3, 8, 9; 44:14, 18; 1 Kron. 5:2)

   2. Fa Yosef ben tesi den brada fu en, èn fu san ede? (Gen. 43:33, 34)

3. Leisi Genesis 44:1-34.

   1. Leki suma Yosef ben e du, fu kori den brada fu en so taki den no kon sabi taki na en? (Gen. 44:5, 15; Lef. 19:26)

   2. Fa den brada fu Yosef ben sori taki den no ben dyarusu moro tapu a brada fu den? (Gen. 44:13, 33, 34)

Tori 25

1. San e pasa te Yosef e taigi den brada fu en suma na en?

2. San Yosef e fruteri den brada fu en na wan switi fasi?

3. San Farao e taki te a e yere taki den brada fu Yosef kon?

4. O bigi na osofamiri fu Yakob ben de di den froisi go na Egepte?

5. Fa sma ben kari na osofamiri fu Yakob, èn fu san ede?

Ete wan tu aksi:

1. Leisi Genesis 45:1-28.

   Fa a Bijbel tori fu Yosef e sori taki Yehovah kan meki wan sani di ben o du den futuboi fu en ogri, kon abi bun bakapisi gi den? (Gen. 45:5-8; Yes. 8:10; Fil. 1:12-14)

2. Leisi Genesis 46:1-27.

   Sortu dyaranti Yehovah ben gi Yakob baka, di a ben de na pasi fu go na Egepte? (Gen. 46:1-4)

Tori 26

1. Suma ben de Yob?

2. San Satan ben pruberi fu du, ma sani ben pasa soleki fa a ben wani?

3. San Yehovah ben gi Satan primisi fu du, èn fu san ede?

4. Fu san ede a wefi fu Yob ben taigi en fu ’fluku Gado èn dede’? (Luku a prenki.)

5. Soleki fa yu e si na tapu a tra prenki, dan fa Yehovah ben blesi Yob, èn fu san ede?

6. Efu wi de getrow na Yehovah neleki Yob, dan sortu blesi wi sa kisi?

Ete wan tu aksi:

1. Leisi Yob 1:1-22.

   Fa Kresten na ini a ten disi kan teki na eksempre fu Yob? (Yob 1:1; Fil. 2:15; 2 Petr. 3:14)

2. Leisi Yob 2:1-13.

   Fa Yob nanga en wefi handri na tu difrenti fasi di den kisi tesi fu Satan? (Yob 2:9, 10; Odo 19:3; Mika 7:7; Mal. 3:14)

3. Leisi Yob 42:10-17.

   1. San de a srefi na a pai di Yob ben kisi èn a pai di Yesus kisi fu di den tan getrow den heri libi langa? (Yob 42:12; Fil. 2:9-11)

   2. Sortu deki-ati wi e kisi te wi e luku den blesi di Yob kisi fu di a tan hori en soifri retifasi na Gado? (Yob 42:10, 12; Hebr. 6:10; Yak. 1:2-4, 12; 5:11)

Tori 27

1. Suma na a man nanga a wipi na tapu a prenki, èn suma a e fon?

2. San ben pasa nanga den Israelsma baka di Yosef dede?

3. Fu san ede meki den Egeptesma ben kon frede den Israelsma?

4. Sortu komando Farao ben gi den uma di ben yepi den Israel uma te den ben e meki pikin?

Ete wan tu aksi:

1. Leisi Exodus 1:6-22.

   1. Na sortu fasi Yehovah bigin meki a sani di a ben pramisi Abraham kon tru? (Ex. 1:7; Gen. 12:2; Tori. 7:17)

   2. Fa den Hebrew uma, di ben abi a wroko fu yepi tra umasma di ben de fu meki pikin, ben sori lespeki gi a santafasi fu libi? (Ex. 1:17; Gen. 9:6)

   3. Sortu blesi den uma dati ben kisi fu di den tan getrow na Yehovah? (Ex. 1:20, 21; Odo 19:17)

   4. Fa Satan ben pruberi fu meki a pramisi fu Yehovah di abi fu du nanga a Siri fu Abraham no kon tru? (Ex. 1:22; Mat. 2:16)

Tori 28

1. Suma na a beibi na tapu a prenki, èn suma finga a e hori?

2. San Moses mama ben du so taki sma no kiri Moses?

3. Suma na a pikin meisje na tapu a prenki, èn san a ben du?

4. Di na umapikin fu Farao ben feni a beibi, dan san Miryam taigi en?

5. San na umapikin fu a kownu ben taigi a mama fu Moses?

Ete wan aksi:

1. Leisi Exodus 2:1-10.

   Sortu okasi a mama fu Moses ben abi fu gi Moses leri na ini en pikin-nengreten? San papa nanga mama na ini a ten disi kan leri fu na eksempre disi? (Ex. 2:9, 10; Deut. 6:6-9; Odo 22:6; Ef. 6:4; 2 Tim. 3:15)

Tori 29

1. Pe Moses gro kon bigi, ma san a ben sabi fu en papa nanga mama?

2. San Moses du di a ben abi 40 yari?

3. San Moses ben taigi wan Israelman di ben e feti, èn san a man piki en?

4. Fu san ede Moses ben lowe komoto na Egepte?

5. Na sortu presi Moses lowe go, èn suma a ben miti drape?

6. San Moses ben du na ini den 40 yari baka di a lowe komoto na Egepte?

Ete wan tu aksi:

1. Leisi Exodus 2:11-25.

   Aladi Moses ben kisi leri furu yari langa fu den Egeptesma, toku fa a sori taki a ben de loyaal na Yehovah èn na a pipel fu en? (Ex. 2:11, 12; Hebr. 11:24)

2. Leisi Tori fu den Apostel 7:22-29.

   San wi kan leri fu Moses di ensrefi ben pruberi fu meki den Israelsma kon fri fu katibo na ini Egepte? (Tori. 7:23-25; 1 Petr. 5:6, 10)

Tori 30

1. San na a nen fu a bergi di de na tapu a prenki?

2. Fruteri sortu aparti sani Moses ben si di a go na a bergi nanga en skapu.

3. San wan sten na ini a busibusi ben taki, èn fu suma a sten dati ben de?

4. San Moses ben piki di Gado taigi en taki a ben o tyari a pipel fu Gado komoto na Egepte?

5. San Gado ben taigi Moses fu taki, efu a pipel ben o aksi en suma seni en kon?

6. Fa Moses ben o man buweisi taki na Gado seni en kon?

Ete wan tu aksi:

1. Leisi Exodus 3:1-22.

   Fa na eksempre fu Moses e gi wi a dyaranti taki Yehovah sa horibaka gi wi, srefi te wi e denki taki wi no bun nofo fu du wan wroko di Gado gi wi fu du? (Ex. 3:11, 13; 2 Kor. 3:5, 6)

2. Leisi Exodus 4:1-20.

   1. Fa Moses kenki den fasi fu en na ini den 40 yari di a ben de na ini Midian? San disi e leri den sma di e meki muiti fu kisi grani na ini a gemeente? (Ex. 2:11, 12; 4:10, 13; Mika 6:8; 1 Tim. 3:1, 6, 10)

   2. Srefi te wi e kisi trangaleri nanga yepi fu Yehovah en organisâsi, toku sortu dyaranti wi kan abi te wi e luku na eksempre fu Moses? (Ex. 4:12-14; Ps. 103:14; Hebr. 12:4-11)

Tori 31

1. Sortu krakti a ben abi tapu den Israelsma di den si den wondru di Moses nanga Aron ben du?

2. San Moses nanga Aron ben taigi Farao, èn san Farao piki den?

3. Soleki fa a prenki e sori, dan san ben pasa di Aron trowe en tiki na gron?

4. San Yehovah ben du fu leri Farao wan sani, èn fa Farao ben handri?

5. San ben pasa baka a di fu tin plaag?

Ete wan tu aksi:

1. Leisi Exodus 4:27-31 nanga 5:1-23.

   San Farao ben wani sori di a taki: „Mi no sabi Yehovah kwetikweti”? (Ex. 5:2; 1 Sam. 2:12; Rom. 1:21)

2. Leisi Exodus 6:1-13, 26-30.

   1. Na sortu fasi Yehovah no ben meki Abraham, Isak, nanga Yakob sabi en? (Ex. 3:13, 14; 6:3; Gen. 12:8)

   2. Sortu firi a e gi wi fu sabi taki Yehovah tan gebroiki Moses, aladi Moses ben feni taki a no ben bun nofo fu du a wroko di a ben kisi? (Ex. 6:12, 30; Luk. 21:13-15)

3. Leisi Exodus 7:1-13.

   1. Fa den futuboi fu Gado na ini a ten disi kan teki na eksempre fu Moses nanga Aron di ben tyari a krutuboskopu fu Yehovah gi Farao sondro fu frede? (Ex. 7:2, 3, 6; Tori. 4:29-31)

   2. Fa Yehovah sori taki a hei moro den gado fu Egepte? (Ex. 7:12; 1 Kron. 29:12)

Tori 32

1. Gebroiki den prenki dyaso fu fruteri san na den fosi dri plaag di Yehovah ben tyari kon tapu Egepte.

2. San ben de a difrenti na mindri den fosi dri plaag nanga den tra plaag?

3. San ben de a di fu fo, a di fu feifi, nanga a di fu siksi plaag?

4. Fruteri san ben pasa na a di fu seibi, a di fu aiti, nanga a di fu neigi plaag.

5. San Yehovah ben taigi den Israelsma fu du bifo a di fu tin plaag kon?

6. San ben de a di fu tin plaag, èn san ben pasa baka dati?

Ete wan tu aksi:

1. Leisi Exodus 7:19–8:23.

   1. Den priester fu Egepte di ben e du towfruwroko, ben man du a srefi sani di Yehovah ben du na ini den fosi tu plaag, ma san den ben musu fu taki baka a di fu dri plaag? (Ex. 8:18, 19; Mat. 12:24-28)

   2. Fa a di fu fo plaag ben sori taki Yehovah man kibri en pipel? Now di a pipel fu Gado sabi disi, dan sortu firi dati e gi den te den e prakseri a „bigi banawtu” di o miti den? (Ex. 8:22, 23; Openb. 7:13, 14; 2 Kron. 16:9)

2. Leisi Exodus 8:24; 9:3, 6, 10, 11, 14, 16, 23-25; nanga 10:13-15, 21-23.

   1. Sortu tu grupu ben kisi fu du nanga den Tin Plaag? Fa disi abi krakti tapu a fasi fa wi e si den tu grupu dati na ini a ten disi? (Ex. 8:10, 18, 19; 9:14)

   2. Fa Exodus 9:16 e yepi wi fu frustan fu san ede Yehovah gi pasi taki Satan de te now ete? (Rom. 9:21, 22)

3. Leisi Exodus 12:21-32.

   Fa a Paska ofrandi meki taki furu sma ben man kisi frulusu? Na sortu sani a Paska ofrandi ben sori go? (Ex. 12:21-23; Yoh. 1:29; Rom. 5:18, 19, 21; 1 Kor. 5:7)

Tori 33

1. Omeni mansma fu Israel, èn sosrefi umasma nanga pikin, ben gowe libi Egepte? Suma ben go makandra nanga den?

2. Fa Farao ben e firi baka di a meki den Israelsma gowe, èn san a ben du?

3. San Yehovah ben du fu meki taki den Egeptesma no du a pipel fu en ogri?

4. San ben pasa di Moses langa en tiki abra a Redi Se, èn san de Israelsma ben du?

5. San ben pasa di den Egeptesma ben hari go na baka den Israelsma na ini a se?

6. Fa den Israelsma ben sori taki den ben prisiri èn taki den ben de Yehovah tangi taki a kibri den libi?

Ete wan tu aksi:

1. Leisi Exodus 12:33-36.

   Fa Yehovah sorgu taki en pipel ben kisi pai gi ala den yari di den wroko leki srafu fu den Egeptesma? (Ex. 3:21, 22; 12:35, 36)

2. Leisi Exodus 14:1-31.

   Fa den wortu fu Moses di skrifi na ini Exodus 14:13, 14 abi krakti tapu den disiten futuboi fu Yehovah di o kisi fu du nanga a feti fu Armagedon na ini a ten di e kon? (2 Kron. 20:17; Ps. 91:8)

3. Leisi Exodus 15:1-8, 20, 21.

   1. Fu san ede den futuboi fu Yehovah musu singi prèisesingi gi en? (Ex. 15:1, 2; Ps. 105:2, 3; Openb. 15:3, 4)

   2. Fa Miryam nanga den tra uma na a Redi Se de wan eksempre gi Kresten uma na ini a ten disi fu prèise Yehovah? (Ex. 15:20, 21; Ps. 68:11)

Tori 34

1. San den sma na tapu a prenki e piki na tapu a gron, èn fa a sani dati nen?

2. San Moses e taigi a pipel fu a mana di den e piki?

3. San Yehovah e taigi a pipel fu du tapu a di fu siksi dei, èn fu san ede?

4. Sortu wondru Yehovah e du te den sma e kibri a mana teleki a di fu seibi dei?

5. O langa Yehovah e gi a pipel mana fu nyan?

Ete wan tu aksi:

1. Leisi Exodus 16:1–36 nanga Numeri 11:7-9.

   1. Fa Exodus 16:8 e sori taki wi musu lespeki den wan di Gado poti fu tyari frantwortu na ini a Kresten gemeente? (Hebr. 13:17)

   2. Di den Israelsma ben de na ini a sabana, dan fa Yehovah ben e meki den memre ibri dei taki den abi en fanowdu? (Ex. 16:14-16, 35; Deut. 8:2, 3)

   3. Na sortu sani a mana ben sori go, soleki fa Yesus ben taki? Fa wi kan kisi wini fu ’a brede disi fu hemel’? (Yoh. 6:31-35, 40)

2. Leisi Yosua 5:10-12.

   Omeni yari langa den Israelsma ben e nyan mana, èn san dati ben tyari kon na krin? San wi kan leri fu a tori disi? (Ex. 16:35; Num. 11:4-6; 1 Kor. 10:10, 11)

Tori 35

1. Pe den Israelsma opo den tenti, tu mun baka di den gowe libi Egepte?

2. San Yehovah wani taki a pipel musu du, èn san den e piki?

3. Fu san ede Yehovah e gi Moses tu plata ston?

4. Sortu tra wet Yehovah ben gi den Israelsma boiti den Tin Komando?

5. Sortu tu wet na den moro bigi wet soleki fa Yesus ben taki?

Ete wan tu aksi:

1. Leisi Exodus 19:1-25; 20:1-21; 24:12-18; nanga 31:18.

   Fa den wortu di skrifi na ini Exodus 19:8 e yepi wi fu frustan san a wani taki dati wan Kresten e gi ensrefi abra na Gado? (Mat. 16:24; 1 Petr. 4:1-3)

2. Leisi Deuteronomium 6:4-6; Lefitikus 19:18; nanga Mateyus 22:36-40.

   Fa Kresten e sori taki den lobi Gado nanga tra sma? (Markus 6:34; Tori. 4:20; Rom. 15:2)

Tori 36

1. San a pipel na tapu a prenki e du, èn fu san ede?

2. Fu san ede Yehovah e atibron? San Moses e du te a e si san a pipel e du?

3. San Moses e taigi wan tu man fu du?

4. San wi musu leri fu a tori disi?

Ete wan tu aksi:

1. Leisi Exodus 32:1-35.

   1. Soleki fa a tori disi e sori, dan fa Yehovah e feni en te falsi anbegi moksi nanga tru anbegi? (Ex. 32:4-6, 10; 1 Kor. 10:7, 11)

   2. Nanga sortu sani Kresten musu luku bun te den abi prisiriten, soleki singi noso dansi? (Ex. 32:18, 19; Ef. 5:15, 16; 1 Yoh. 2:15-17)

   3. Fa a lo fu Leifi gi wan moi eksempre fu di den ben e horibaka gi san regtfardiki? (Ex. 32:25-28; Ps. 18:25)

Tori 37

1. San na a nen fu a tenti di de fu si na tapu a prenki, èn gi sortu sani den sma e gebroiki en?

2. Fu san ede Yehovah ben taigi Moses fu meki a tenti na so wan fasi taki a ben kan lusu makriki?

3. San na a kisi di de na ini a pikin kamra na a kaba fu a tenti, èn san de na ini a kisi?

4. Suma Yehovah e poti leki granpriester, èn san a granpriester musu du?

5. Kari den dri sani di de na ini a moro bigi kamra fu a tenti.

6. San na den tu sani di de na ini a dyari fu a tabernakel, èn gi sortu sani sma e gebroiki den?

Ete wan tu aksi:

1. Leisi Exodus 25:8-40; 26:1-37; 27:1-8; nanga 28:1.

   San den cherub na tapu „na ark fu a kotoigi” ben sori? (Ex. 25:20, 22; Num. 7:89; 2 Kow. 19:15)

2. Leisi Exodus 30:1-10, 17-21; 34:1, 2; nanga Hebrewsma 9:1-5.

   1. Fu san ede Yehovah ben taki dati a de prenspari taki den priester di ben e wroko na ini a tabernakel ben musu tan krin na skin fasi? Sortu krakti disi musu abi tapu wi na ini a ten disi? (Ex. 30:18-21; 40:30, 31; Hebr. 10:22)

   2. Fa na apostel Paulus sori taki a tabernakel nanga a Wet frubontu no ben de fanowdu moro na a ten di a skrifi a brifi fu en gi den Hebrew Kresten? (Hebr. 9:1, 9; 10:1)

Tori 38

1. San yu e feni aparti na a bosu droifi na tapu a prenki, èn fu pe a komoto?

2. Fu san ede Moses e seni 12 spion go na ini a kondre Kanan?

3. San tin spion e taigi Moses te den drai kon baka?

4. Fa tu spion e sori taki den e frutrow tapu Yehovah, èn fa den nen?

5. Fu san ede Yehovah e atibron, èn san a e taigi Moses?

Ete wan tu aksi:

1. Leisi Numeri 13:1-33.

   1. Suma Yehovah ben teki fu go leki spion na ini a kondre, èn sortu moi okasi den sma dati ben abi? (Num. 13:2, 3, 18-20)

   2. Fu san ede Yosua nanga Kaleb ben e si sani heri tra fasi leki den tra spion? San disi e leri wi? (Num. 13:28-30; Mat. 17:20; 2 Kor. 5:7)

2. Leisi Numeri 14:1-38.

   1. Na sortu warskow wi musu gi yesi, di e sori taki wi no musu krutukrutu teige den wan di e teki presi gi Yehovah na grontapu? (Num. 14:2, 3, 27; Mat. 25:40, 45; 1 Kor. 10:10)

   2. Fa Numeri 14:24 e sori taki Yehovah e poti prakseri na ibriwan fu den futuboi fu en? (1 Kow. 19:18; Odo 15:3)

Tori 39

1. Suma e opo densrefi teige a posisi fu Moses nanga Aron, èn san den sma dati e taigi Moses?

2. San Moses e taki dati Korak nanga den 250 bakaman man fu en musu du?

3. San Moses e taigi a pipel, èn san e pasa wantewante te a kaba taki?

4. San e pasa nanga Korak èn nanga den 250 bakaman fu en?

5. San Eleasar, a manpikin fu Aron, e du nanga den patu di ben hori faya èn di ben de fu den man di dede? Fu san ede a e du dati?

6. Fu san ede Yehovah e meki bromki gro na a tiki fu Aron? (Luku a prenki.)

Ete wan tu aksi:

1. Leisi Numeri 16:1-49.

   1. San Korak nanga den bakaman fu en ben du? Fu san ede disi e sori taki den opo densrefi teige Yehovah? (Num. 16:9, 10, 18; Lef. 10:1, 2; Odo 11:2)

   2. Sortu fowtu denki Korak nanga den 250 „edeman fu a konmakandra” ben kon abi? (Num. 16:1-3; Odo 15:33; Yes. 49:7)

2. Leisi Numeri 17:1-11 nanga 26:10.

   1. Di a tiki fu Aron sproiti, dan san dati ben sori? Fu san ede Yehovah ben gi a komando taki a tiki ben musu tan na ini na ark? (Num. 17:5, 8, 10)

   2. Sortu prenspari sani wi kan leri fu a tiki fu Aron di ben de leki wan marki? (Num. 17:10; Tori. 20:28; Fil. 2:14; Hebr. 13:17)

Tori 40

1. Fa Yehovah e sorgu gi den Israelsma aladi den de na ini a sabana?

2. Fa den Israelsma e kragi te den e opo den tenti na Kades?

3. Fa Yehovah e sorgu taki a pipel nanga den meti fu den e kisi watra?

4. Suma na a man na tapu a prenki di e sori go na ensrefi, èn fu san ede a e du dati?

5. Fu san ede Yehovah e atibron nanga Moses èn nanga Aron, èn fa a e strafu den?

6. San e pasa na Hor-bergi, èn suma e tron a granpriester fu Israel?

Ete wan tu aksi:

1. Leisi Numeri 20:1-13, 22-29 nanga Deuteronomium 29:5.

   1. San wi kan leri fu a fasi fa Yehovah ben e sorgu gi den Israelsma na ini a sabana? (Deut. 29:5; Mat. 6:31; Hebr. 13:5; Yak. 1:17)

   2. Fa Yehovah ben si a fowtu di Moses nanga Aron meki fu no santa en na fesi Israel? (Num. 20:12; 1 Kor. 10:12; Openb. 4:11)

   3. San wi kan leri fu a fasi fa Moses ben handri di a kisi trangaleri fu Yehovah? (Num. 12:3; 20:12, 27, 28; Deut. 32:4; Hebr. 12:7-11)

Tori 41

1. Soleki fa a prenki e sori, dan san na a sani di lolo lontu a postu? Fu san ede Yehovah ben taigi Moses fu poti a sani dati drape?

2. Fa a pipel e sori taki den no de nanga tangi gi ala den sani di Gado du gi den?

3. San a pipel e aksi Moses fu du baka te Yehovah e seni ogri sneki fu strafu den?

4. Fu san ede Yehovah e taigi Moses fu meki wan kopro sneki?

5. San wi kan leri fu a tori disi?

Ete wan tu aksi:

1. Leisi Numeri 21:4-9.

   1. Sortu warskow wi e kisi te wi e luku fa den Israelsma ben e kragi fu den sani di Yehovah ben gi den? (Num. 21:5, 6; Rom. 2:4)

   2. Fa den Israelsma ben gebroiki a kopro sneki na ini den yarihondro na baka, èn san Kownu Heskia du nanga en? (Num. 21:9; 2 Kow. 18:1-4)

2. Leisi Yohanes 3:14, 15.

   Fa a kopro sneki di ben poti na wan postu leki wan marki, ben de wan bun fasi fu prenki Yesus Krestes di ben spikri na wan postu? (Gal. 3:13; 1 Petr. 2:24)

Tori 42

1. Suma na Balak, èn fu san ede a e seni kari Bileam?

2. Fu san ede a buriki fu Bileam e go didon na tapu a pasi?

3. San Bileam e yere a buriki e taki?

4. San wan engel e taigi Bileam?

5. San e pasa te Bileam e pruberi fu fluku Israel?

Ete wan tu aksi:

1. Leisi Numeri 21:21-35.

   Fu san ede Israel ben wini a feti teige Kownu Sihon fu den Amoriet nanga Kownu Og fu Basan? (Num. 21:21, 23, 33, 34)

2. Leisi Numeri 22:1-40.

   San Bileam ben abi na prakseri di a ben pruberi fu fluku Israel? San wi kan leri fu a tori disi? (Num. 22:16, 17; Odo 6:16, 18; 2 Petr. 2:15; Yud. 11)

3. Leisi Numeri 23:1-30.

   Bileam ben e taki leki a ben de wan anbegiman fu Yehovah, ma fa den sani di a ben e du ben sori taki dati no tru? (Num. 23:3, 11-14; 1 Sam. 15:22)

4. Leisi Numeri 24:1-25.

   Fa a Bijbel tori disi e tranga a bribi fu wi taki den sani di Yehovah abi na prakseri sa kon tru? (Num. 24:10; Yes. 54:17)

Tori 43

1. Suma na den tu man na tapu a prenki di e tanapu nanga Moses?

2. San Yehovah e taigi Yosua?

3. Fu san ede Moses e kren go na a ede fu Nebo-bergi, èn san Yehovah e taigi en?

4. Omeni yari Moses ben abi di a dede?

5. Fu san ede a pipel e sari, ma fu san ede den kan breiti?

Ete wan tu aksi:

1. Leisi Numeri 27:12-23.

   Sortu bigi wroko Yehovah ben gi Yosua fu du? San e sori taki Yehovah e sorgu en pipel na ini a ten disi? (Num. 27:15-19; Tori. 20:28; Hebr. 13:7)

2. Leisi Deuteronomium 3:23-29.

   Fu san ede Yehovah no gi Moses nanga Aron pasi fu koti abra go na a pramisi kondre? San wi kan leri fu a tori disi? (Deut. 3:25-27; Num. 20:12, 13)

3. Leisi Deuteronomium 31:1-8, 14-23.

   Fa den lasti sani di Moses ben taigi Israel, e sori taki a teki a trangaleri fu Yehovah nanga sakafasi? (Deut. 31:6-8, 23)

4. Leisi Deuteronomium 32:45-52.

   Fa a Wortu fu Gado musu abi krakti tapu wi libi? (Deut. 32:47; Lef. 18:5; Hebr. 4:12)

5. Leisi Deuteronomium 34:1-12.

   Moses noiti no ben si Yehovah trutru, ma san Deuteronomium 34:10 e sori fu a banti di a ben abi nanga Yehovah? (Ex. 33:11, 20; Num. 12:8)

Tori 44

1. Pe Rakab e libi?

2. Suma na den tu man na tapu a prenki, èn fu san ede den de na ini Yerikow?

3. Sortu komando a kownu fu Yerikow e gi Rakab, èn san Rakab e piki en?

4. Fa Rakab e yepi den tu man, èn san a e aksi den fu du gi en?

5. San den tu spion e pramisi Rakab?

Ete wan tu aksi:

1. Leisi Yosua 2:1-24.

   Fa a pramisi fu Yehovah di skrifi na ini Exodus 23:28, kon tru di den Israelsma go feti nanga Yerikow? (Yos. 2:9-11)

2. Leisi Hebrewsma 11:31.

   Fa na eksempre fu Rakab e sori krin o prenspari a de fu abi bribi? (Rom. 1:17; Hebr. 10:39; Yak. 2:25)

Tori 45

1. Sortu wondru Yehovah e du so taki den Israelsma man koti a Yordanliba abra?

2. San den Israelsma musu du fu sori taki den abi bribi, so taki den man koti a Yordanliba abra?

3. Fu san ede Yehovah e taigi Yosua fu teki 12 ston fu a liba?

4. San e pasa wantronso te den priester e komoto na ini a Yordanliba?

Ete wan tu aksi:

1. Leisi Yosua 3:1-17.

   1. Soleki fa a tori disi e sori, dan san wi musu du fu kisi yepi nanga blesi fu Yehovah? (Yos. 3:13, 15; Odo 3:5; Yak. 2:22, 26)

   2. Fa a Yordanliba ben de di den Israelsma ben koti abra fu go na a Pramisi Kondre? Fa disi ben gi glori na Yehovah en nen? (Yos. 3:15; 4:18; Ps. 66:5-7)

2. Leisi Yosua 4:1-18.

   Fu san ede den ben teki den 12 ston fu a Yordanliba poti na tapu makandra na Gilgal? (Yos. 4:4-7)

Tori 46

1. San Yehovah e taigi den fetiman nanga den priester fu du siksi dei langa?

2. San den man musu du na tapu a di fu seibi dei?

3. Soleki fa yu kan si na tapu a prenki, dan san e pasa nanga den skotu fu Yerikow?

4. Fu san ede wan redi titei e anga na a fensre?

5. San Yosua e taigi den fetiman fu du nanga a pipel èn nanga a foto? Ma san musu pasa nanga a solfru, a gowtu, a kopro, nanga na isri?

6. San den tu spion musu du?

Ete wan tu aksi:

1. Leisi Yosua 6:1-25.

   1. Fa a waka di den Israelsma ben e waka lontu Yerikow tapu a di fu seibi dei, de a srefi leki a preikiwroko di Yehovah Kotoigi e du na ini den lasti dei disi? (Yos. 6:15, 16; Yes. 60:22; Mat. 24:14; 1 Kor. 9:16)

   2. Fa a profeititori di skrifi na ini Yosua 6:26 kon tru sowan 500 yari na baka? San disi e leri wi fu den sani di Yehovah e pramisi? (1 Kow. 16:34; Yes. 55:11)

Tori 47

1. Suma na a man na tapu a prenki di e beri den gudu di a ben teki fu Yerikow? Suma na den sma di e yepi en?

2. Fu san ede a de so wan seryusu sani san Akan nanga en osofamiri du?

3. San Yehovah e taki te Yosua e aksi en fu san ede den Israelsma ben lasi a feti teige Ai?

4. San e pasa nanga Akan èn nanga en osofamiri baka di sma e tyari den kon na Yosua?

5. Sortu prenspari sani wi e leri fu a strafu di Akan kisi?

Ete wan tu aksi:

1. Leisi Yosua 7:1-26.

   1. San den begi fu Yosua ben sori fu a matifasi di a ben abi nanga en Mekiman? (Yos. 7:7-9; Ps. 119:145; 1 Yoh. 5:14)

   2. San na eksempre fu Akan e sori, èn fa disi de leki wan warskow gi wi? (Yos. 7:11, 14, 15; Odo 15:3; 1 Tim. 5:24; Hebr. 4:13)

2. Leisi Yosua 8:1-29.

   Sortu frantwortu ibriwan fu wi abi na a Kresten gemeente na ini a ten disi? (Yos. 7:13; Lef. 5:1; Odo 28:13)

Tori 48

1. Fa a pipel fu Gibeon e difrenti fu den sma fu Kanan di e libi na ini den krosibei foto?

2. Soleki fa a prenki e sori, dan san den Gibeonsma e du, èn fu san ede den e du dati?

3. San Yosua nanga den tra tiriman fu Israel e pramisi den Gibeonsma, ma san den e kon sabi baka dri dei?

4. San e pasa te kownu fu tra foto e yere taki den Gibeonsma meki vrede nanga Israel?

Ete wan tu aksi:

1. Leisi Yosua 9:1-27.

   1. Aladi Yehovah ben gi a nâsi Israel a komando „fu wai ala sma di e libi na ini a kondre puru”, toku a no kiri den Gibeonsma. We, sortu fasi fu Yehovah a sani disi e tyari kon na fesi? (Yos. 9:22, 24; Mat. 9:13; Tori. 10:34, 35; 2 Petr. 3:9)

   2. Fa Yosua de wan moi eksempre gi Kresten na ini a ten disi fu di a hori ensrefi na a frubontu di a ben meki nanga den Gibeonsma? (Yos. 9:18, 19; Mat. 5:37; Ef. 4:25)

2. Leisi Yosua 10:1-5.

   Fa a bigi ipi na ini a ten disi de leki den Gibeonsma? San sma e suku fu du nanga den fu dati ede? (Yos. 10:4; Sak. 8:23; Mat. 25:35-40; Openb. 12:17)

Tori 49

1. Te wi e luku a prenki, dan san Yosua e taki, èn fu san ede a e taki dati?

2. Fa Yehovah e yepi Yosua nanga den fetiman fu en?

3. Omeni kownu di de feanti fu Israel, Yosua e wini? O langa a e teki fu wini den?

4. Fu san ede Yosua e prati a kondre Kanan?

5. Omeni yari Yosua abi te a e dede, èn san e pasa baka dati nanga a pipel?

Ete wan tu aksi:

1. Leisi Yosua 10:6-15.

   Sortu dyaranti wi abi na ini a ten disi, fu di wi sabi taki Yehovah ben meki son nanga mun tan tanapu gi Israel? (Yos. 10:8, 10, 12, 13; Ps. 18:3; Odo 18:10)

2. Leisi Yosua 12:7-24.

   Suma na trutru a sma di ben wini den 31 kownu fu Kanan, èn fu san ede disi de prenspari gi wi na ini a ten disi? (Yos. 12:7; 24:11-13; Deut. 31:8; Luk. 21:9, 25-28)

3. Leisi Yosua 14:1-5.

   Fa a kondre ben prati na mindri den lo fu Israel, èn san disi e sori fu den famirigudu di sma o kisi na ini Paradijs? (Yos. 14:2; Yes. 65:21; Esek. 47:21-23; 1 Kor. 14:33)

4. Leisi Krutuman 2:8-13.

   Soleki fa Yosua ben du na ini Israel, dan suma na ini a ten disi e sorgu taki sma di fadon komopo na bribi no pori a tru anbegi? (Krut. 2:8, 10, 11; Mat. 24:45-47; 2 Tes. 2:3-6; Tit. 1:7-9; Openb. 1:1; 2:1, 2)

Tori 50

1. Suma na den krutuman, èn san na den nen fu wan tu fu den?

2. Sortu spesrutu grani Debora abi, èn sortu wroko a e du fu di a abi a grani disi?

3. Te Kownu Yabin nanga Sisera, a legre-edeman fu en, e pramisi fu du Israel ogri, dan sortu boskopu Yehovah e meki Debora gi Krutuman Barak? Suma sa kisi a grani soleki fa Debora taki?

4. Fa Yael e sori taki en na wan uma di abi deki-ati?

5. San e pasa baka te Kownu Yabin dede?

Ete wan tu aksi:

1. Leisi Krutuman 2:14-22.

   San den Israelsma du fu meki Yehovah atibron na den tapu? San wi kan leri fu a tori disi? (Krut. 2:20; Odo 3:1, 2; Esek. 18:21-23)

2. Leisi Krutuman 4:1-24.

   San Kresten uma na ini a ten disi kan leri fu a bribi nanga a deki-ati di Debora nanga Yael ben abi? (Krut. 4:4, 8, 9, 14, 21, 22; Odo 31:30; 1 Kor. 16:13)

3. Leisi Krutuman 5:1-31.

   Fa wi kan gebroiki a singi di Barak nanga Debora ben singi di den wini a feti, leki wan begi te wi e prakseri a feti di o de na Har–Magedon? (Krut. 5:3, 31; 1 Kron. 16:8-10; Openb. 7:9, 10; 16:16; 19:19-21)

Tori 51

1. Fa a du kon taki Naomi de na ini a kondre Moab?

2. Suma na Rut nanga Orpa?

3. San Rut e du èn san Orpa e du te Naomi e taigi den fu drai go baka na den eigi pipel?

4. Suma na Boas, èn fa a e yepi Rut nanga Naomi?

5. San na a nen fu a pikin di Boas nanga Rut e meki, èn fu san ede wi no musu frigiti en nen?

Ete wan tu aksi:

1. Leisi Rut 1:1-17.

   1. Sortu moi wortu di Rut e taki, e sori a loyaal lobi fu en? (Rut 1:16, 17)

   2. Te wi e luku a fasi fa Rut ben e denki, dan fa dati e sori krin fa den „tra skapu” na ini a ten disi e denki fu den salfuwan na grontapu? (Yoh. 10:16; Sak. 8:23)

2. Leisi Rut 2:1-23.

   Fa Rut de wan moi eksempre gi yongu uma na ini a ten disi? (Rut 2:17, 18; Odo 23:22; 31:15)

3. Leisi Rut 3:5-13.

   1. Fa Boas ben feni en taki Rut ben wani trow nanga en, na presi fu wan man di ben moro yongu?

   2. San wi kan leri fu loyaal lobi te wi e luku a fasi fa Rut ben tyari ensrefi? (Rut 3:10; 1 Kor. 13:4, 5)

4. Leisi Rut 4:7-17.

   Fa Kresten man na ini a ten disi kan de leki Boas? (Rut 4:9, 10; 1 Tim. 3:1, 12, 13; 5:8)

Tori 52

1. Na ini sortu problema den Israelsma de? Fu san ede den de na ini bigi problema?

2. Fu san ede Yehovah e taigi Gideon taki a abi tumusi furu man na ini en legre?

3. Omeni man e tan abra baka te Gideon e taigi den man di frede, fu go baka na oso?

4. Fruteri nanga yepi fu a prenki fa Yehovah e saka a nomru fu fetiman na ini a legre fu Gideon teleki 300 man nomo e tan abra.

5. San Gideon e du fu sreka den 300 man fu en gi a feti, èn fa Israel e wini a feti?

Ete wan tu aksi:

1. Leisi Krutuman 6:36-40.

   1. San Gideon ben du fu sabi seiker taki a ben e du a wani fu Yehovah?

   2. Fa wi na ini a ten disi kan kon sabi san na a wani fu Yehovah? (Odo 2:3-6; Mat. 7:7-11; 2 Tim. 3:16, 17)

2. Leisi Krutuman 7:1-25.

   1. San wi kan leri fu den 300 man di ben de na ai, te yu e teki den gersi nanga den man di no ben e broko den ede nanga san ben pasa lontu den? (Krut. 7:3, 6; Rom. 13:11, 12; Ef. 5:15-17)

   2. Soleki fa den 300 man ben teki leri fu di den luku Gideon, dan fa wi kan teki leri fu di wi e luku a Moro Bigi Gideon, Yesus Krestes? (Krut. 7:17; Mat. 11:29, 30; 28:19, 20; 1 Petr. 2:21)

   3. Fa Krutuman 7:21 e yepi wi fu prisiri fu dini awansi pe Yehovah e poti wi na wroko na ini en organisâsi? (1 Kor. 4:2; 12:14-18; Yak. 4:10)

3. Leisi Krutuman 8:1-3.

   Te wi musu lusu wan kesekese di wi abi nanga wan brada noso wan sisa, dan san wi kan leri fu a fasi fa Gideon ben lusu a kesekese nanga den Efraimsma? (Odo 15:1; Mat. 5:23, 24; Luk. 9:48)

Tori 53

1. Suma na Yefta, èn na ini sortu ten a ben libi?

2. San Yefta e pramisi Yehovah?

3. Fu san ede Yefta e sari te a e drai kon baka na oso fu a feti di den wini teige den Amonsma?

4. San na umapikin fu Yefta e taki te a yere san en papa pramisi?

5. Fu san ede a pipel lobi na umapikin fu Yefta?

Ete wan tu aksi:

1. Leisi Krutuman 10:6-18.

   Fa historia fu den Israelsma di no ben de getrow na Yehovah musu de leki wan warskow gi wi? (Krut. 10:6, 15, 16; Rom. 15:4; Openb. 2:10)

2. Leisi Krutuman 11:1-11, 29-40.

   1. Fa wi du sabi taki di Yefta gi en umapikin leki „wan bron ofrandi”, dan dati no ben wani taki dati a bron en nanga faya leki wan libisma ofrandi? (Krut. 11:31; Lef. 16:24; Deut. 18:10, 12)

   2. Na sortu fasi Yefta ben gi en umapikin leki wan ofrandi?

   3. San wi kan leri fu a fasi fa Yefta ben si a pramisi di a meki na Yehovah? (Krut. 11:35, 39; Preik. 5:4, 5; Mat. 16:24)

   4. Fa na umapikin fu Yefta de leki wan moi eksempre gi yongu Kresten fu meki muiti fu du a furuten diniwroko? (Krut. 11:36; Mat. 6:33; Fil. 3:8)

Tori 54

1. San na a nen fu a moro tranga man di ben libi wan ten, èn suma ben gi en a krakti di a ben abi?

2. San Simson e du wan leisi nanga wan bigi lew, soleki fa yu kan si na tapu a prenki?

3. Sortu kibritori Simson e fruteri Delaila te yu e luku a prenki, èn fa disi e meki den Filistiasma kisi en?

4. Fa Simson meki taki 3000 Filistia feanti lasi den libi na tapu a dei di ensrefi dede?

Ete wan tu aksi:

1. Leisi Krutuman 13:1-14.

   Fa Manoa nanga en wefi de wan bun eksempre gi papa nanga mama na ini a fasi fa den e kweki den pikin fu den? (Krut. 13:8; Ps. 127:3; Ef. 6:4)

2. Leisi Krutuman 14:5-9 nanga 15:9-16.

   1. Bijbel e fruteri fu a fasi fa Simson kiri a lew, fa a ben koti den nyun titei di ben tai na en anu, èn fa a ben gebroiki wan kakumbe-bonyo fu wan man-buriki fu kiri 1000 man. San den tori disi e sori fu a fasi fa Yehovah en santa yeye e wroko?

   2. Fa a santa yeye e yepi wi na ini a ten disi? (Krut. 14:6; 15:14; Sak. 4:6; Tori. 4:31)

3. Leisi Krutuman 16:18-31.

   Fa takru kompe ben abi krakti tapu Simson, èn san wi kan leri fu disi? (Krut. 16:18, 19; 1 Kor. 15:33)

Tori 55

1. San na a nen fu a pikin boi na tapu a prenki, èn suma na den tra sma?

2. San Hana e begi wan dei te a e go na a tabernakel fu Yehovah, èn fa Yehovah e piki a begi fu en?

3. Omeni yari Samuel abi te den e tyari en fu go dini na a tenti fu Yehovah? San en mama e du gi en ibri yari?

4. Fa den manpikin fu Eli nen, èn fa den man disi e tyari densrefi?

5. Fa Yehovah e kari Samuel, èn sortu boskopu A e gi en?

6. San Samuel e tron te a kon bigi, èn san e pasa te a e kon grani?

Ete wan tu aksi:

1. Leisi 1 Samuel 1:1-28.

   1. Sortu moi eksempre Elkana e gi osofamiri edeman fu di a teki fesi na ini a tru anbegi? (1 Sam. 1:3, 21; Mat. 6:33; Fil. 1:10)

   2. San wi kan leri fu fasi fa Hana ben handri di a ben abi wan problema di ben bruya en? (1 Sam. 1:10, 11; Ps. 55:22; Rom. 12:12)

2. Leisi 1 Samuel 2:11-36.

   Na sortu fasi Eli ben gi moro grani na en manpikin leki na Yehovah, èn fa disi kan de leki wan warskow gi wi? (1 Sam. 2:22-24, 27, 29; Deut. 21:18-21; Mat. 10:36, 37)

3. Leisi 1 Samuel 4:16-18.

   San na den fo takru nyunsu di a boskopuman e tyari kon fu a presi pe den ben e feti, èn san e pasa nanga Eli te a e yere disi?

4. Leisi 1 Samuel 8:4-9.

   Fa Israel ben afrontu Yehovah seryusu, èn fa wi kan horibaka gi a Kownukondre fu en na wan getrow fasi na ini a ten disi? (1 Sam. 8:5, 7; Yoh. 17:16; Yak. 4:4)

Tori 56

1. San Samuel e du na tapu a prenki, èn fu san ede a e du dati?

2. Fu san ede Yehovah lobi Saul, èn fa a man disi de?

3. Fa a manpikin fu Saul nen, èn san a manpikin disi e du?

4. Fu san ede Saul e tyari wan ofrandi na presi fu wakti Samuel di musu du dati?

5. Sortu sani wi kan leri fu a tori fu Saul?

Ete wan tu aksi:

1. Leisi 1 Samuel 9:15-21 nanga 10:17-27.

   Fa sakafasi ben yepi Saul fu no handri na wan don fasi di wan tu man no ben taki na wan lespeki fasi fu en? (1 Sam. 9:21; 10:21, 22, 27; Odo 17:27)

2. Leisi 1 Samuel 13:5-14.

   Sortu sondu Saul ben du na Gilgal? (1 Sam. 10:8; 13:8, 9, 13)

3. Leisi 1 Samuel 15:1-35.

   1. Sortu seryusu sondu Saul ben du ini a tori fu Agag, a kownu fu Amalek? (1 Sam. 15:2, 3, 8, 9, 22)

   2. Fa Saul ben pruberi fu gi ensrefi leti fu san a du, èn fa a ben pruberi fu skoifi a fowtu tapu trawan? (1 Sam. 15:24)

   3. Na sortu warskow wi musu gi yesi na ini a ten disi te wi e kisi rai? (1 Sam. 15:19-21; Ps. 141:5; Odo 9:8, 9; 11:2)

Tori 57

1. San na a nen fu a boi na tapu a prenki, èn fa wi du sabi taki a abi deki-ati?

2. Pe David e libi, èn san na a nen fu en papa nanga en granpapa?

3. Fu san ede Yehovah e taigi Samuel fu go na a oso fu Isai na ini Betlehem?

4. San e pasa te Isai e tyari seibi fu en manpikin go na Samuel?

5. San Yehovah e taigi Samuel te den e tyari David kon na inisei?

Ete wan tu aksi:

1. Leisi 1 Samuel 17:34, 35.

   Fa den tori disi e sori krin taki David ben abi deki-ati èn taki a ben frutrow tapu Yehovah? (1 Sam. 17:37)

2. Leisi 1 Samuel 16:1-14.

   1. Fa den wortu fu Yehovah na ini 1 Samuel 16:7 e yepi wi fu no teki sma sei èn fu no denki takru fu sma soso fu di wi luku den fesi? (Tori. 10:34, 35; 1 Tim. 2:4)

   2. Fa na eksempre fu Saul e sori taki te Yehovah e puru en santa yeye fu wan sma, dan wan ogri yeye, noso a tranga firi fu du ogri, kan kon na ini a sma ati? (1 Sam. 16:14; Mat. 12:43-45; Gal. 5:16)

Tori 58

1. Fa Goliat e tyalensi a legre fu Israel?

2. O bigi Goliat de, èn san Kownu Saul e pramisi fu gi a man di e kiri Goliat?

3. San David e taki te Saul e taigi en taki a no kan go feti nanga Goliat fu di David na wan boi ete?

4. Fa David e sori nanga a fasi fa a e piki Goliat, taki a e frutrow tapu Yehovah?

5. Soleki fa yu kan si na tapu a prenki, dan san David e gebroiki fu kiri Goliat, èn san e pasa baka dati nanga den Filistiasma?

Ete wan tu aksi:

1. Leisi 1 Samuel 17:1-54.

   1. San meki taki David no ben frede, èn fa wi kan abi deki-ati neleki en? (1 Sam. 17:37, 45; Ef. 6:10, 11)

   2. Fu san ede Kresten musu luku bun fu no de neleki Goliat fu di den e strei nanga trawan te den e prei noso te den e du tra sani fu abi prisiri? (1 Sam. 17:8; Gal. 5:26; 1 Tim. 4:8)

   3. Fa den wortu fu David e sori taki a ben bribi taki Gado ben e horibaka gi en? (1 Sam. 17:45-47; 2 Kron. 20:15)

   4. Na presi taki a tori disi e fruteri nomo fu wan feti na mindri tu legre, dan fa a e sori taki a feti ben de trutru na mindri den kruktugado nanga a tru Gado, Yehovah? (1 Sam. 17:43, 46, 47)

   5. Fa a salfu fikapisi e sori taki den e frutrow tapu Yehovah, neleki fa David ben du dati? (1 Sam. 17:37; Yer. 1:17-19; Openb. 12:17)

Tori 59

1. Fu san ede Saul e dyarusu tapu David, ma fa Saul en manpikin Yonatan de heri tra fasi?

2. San e pasa wan dei te David e prei harpu gi Saul?

3. San Saul e taigi David fu du fosi a kan kisi Saul en umapikin Mikal leki wefi? Fu san ede Saul e taigi David disi?

4. Te David e prei harpu gi Saul, dan san e pasa fu a di fu dri tron, soleki fa a prenki e sori?

5. Fa Mikal e yepi David fu tan na libi? Baka dati, san David musu du seibi yari langa?

Ete wan tu aksi:

1. Leisi 1 Samuel 18:1-30.

   1. Fa a tranga lobi di Yonatan ben abi gi David, e prenki a lobi na mindri den „tra skapu” nanga a „pikin ipi”? (1 Sam. 18:1; Yoh. 10:16; Luk. 12:32; Sak. 8:23)

   2. Te yu e luku en bun, dan na Yonatan ben sa musu tron kownu baka Saul, ma fa 1 Samuel 18:4 e sori taki Yonatan ben saka ensrefi na wan tumusi moi fasi ondro a sma di Gado ben teki leki kownu?

   3. Fa na eksempre fu Saul e sori taki dyarusu kan meki wan sma du seryusu sondu, èn fa disi de leki wan warskow gi wi? (1 Sam. 18:7-9, 25; Yak. 3:14-16)

2. Leisi 1 Samuel 19:1-17.

   Di Yonatan taigi Saul sortu ogri Saul du, dan fa a tyari en eigi libi na ini kefar? (1 Sam. 19:1, 4-6; Odo 16:14)

Tori 60

1. San na a nen fu na uma di e waka kon miti David na tapu a prenki, èn sortu sma na uma disi de?

2. Suma na Nabal?

3. Fu san ede David e seni wan tu fu den man fu en fu go aksi Nabal wan bun?

4. San Nabal e taigi den man fu David, èn san David e du te a yere dati?

5. Fa Abigail e sori taki a de wan koni uma?

Ete wan tu aksi:

1. Leisi 1 Samuel 22:1-4.

   Fa a famiri fu David de wan heri moi eksempre di e sori fa wi musu horibaka gi makandra leki Kresten brada nanga sisa? (Odo 17:17; 1 Tes. 5:14)

2. Leisi 1 Samuel 25:1-43.

   1. Fu san ede Bijbel no e taki na wan lespeki fasi fu Nabal? (1 Sam. 25:2-5, 10, 14, 21, 25)

   2. San Kresten wefi na ini a ten disi kan leri fu na eksempre fu Abigail? (1 Sam. 25:32, 33; Odo 31:26; Ef. 5:24)

   3. Abigail ben tapu David fu du sortu tu ogri sani? (1 Sam. 25:31, 33; Rom. 12:19; Ef. 4:26)

   4. Te wi e luku a fasi fa David handri di Abigail taki nanga en, dan fa dati e yepi mansma na ini a ten disi fu si umasma soleki fa Yehovah e si den? (Tori. 21:8, 9; Rom. 2:11; 1 Petr. 3:7)

Tori 61

1. San David nanga Abisai du aladi Saul ben e sribi na ini en kampu?

2. Sortu aksi David e poti gi Saul?

3. Pe David e go, baka te a gowe libi Saul?

4. San e meki taki David sari srefisrefi, so taki a e skrifi wan tumusi moi singi?

5. Omeni yari David abi te a e tron kownu na ini Hebron? Fa wan tu fu den manpikin fu en nen?

6. Pe David e tiri leki kownu bakaten?

Ete wan tu aksi:

1. Leisi 1 Samuel 26:1-25.

   1. San den wortu fu David na ini 1 Samuel 26:11 e sori fu a fasi fa a ben e si theokrasia seti? (Ps. 37:7; Rom. 13:2)

   2. Fa den wortu fu David na ini 1 Samuel 26:23 kan yepi wi fu tan si sani na wan yoisti fasi, te wan sma no e sori warderi gi na opregti muiti di wi e meki fu sori lobi bun-ati? (1 Kow. 8:32; Ps. 18:20)

2. Leisi 2 Samuel 1:26.

   Fa Kresten na ini a ten disi kan kweki a srefi sortu „tranga lobi gi makandra” neleki fa David ben lobi Yonatan? (1 Petr. 4:8; Kol. 3:14; 1 Yoh. 4:12)

3. Leisi 2 Samuel 5:1-10.

   1. Omeni yari langa David tiri leki kownu, èn fa a pisi ten disi ben prati? (2 Sam. 5:4, 5)

   2. Fa a du kon taki David ben kon abi so furu makti nanga glori, èn na san disi e memre wi na ini a ten disi? (2 Sam. 5:10; 1 Sam. 16:13; 1 Kor. 1:31; Fil. 4:13)

Tori 62

1. San e pasa te fu kaba nanga a kondre Kanan, nanga yepi fu Yehovah?

2. San e pasa wan neti te David de na tapu a daki fu en palèisi?

3. Fu san ede Yehovah ati e bron srefisrefi nanga David?

4. Te yu e luku a prenki, dan suma Yehovah e seni go fu taigi David fu den sondu fu en? San o pasa nanga David soleki fa a man dati e taki?

5. Sortu problema David abi?

6. Suma e tron kownu fu Israel baka David?

Ete wan tu aksi:

1. Leisi 2 Samuel 11:1-27.

   1. Fa wi e kisi kibri te wi tan abi furu fu du na ini a diniwroko fu Yehovah?

   2. Fa a du kon taki David fadon na ini sondu, èn fa disi de leki wan warskow gi den futuboi fu Yehovah na ini a ten disi? (2 Sam. 11:2; Mat. 5:27-29; 1 Kor. 10:12; Yak. 1:14, 15)

2. Leisi 2 Samuel 12:1-18.

   1. San owruman èn papa nanga mama kan leri fu a fasi fa Natan ben go na David fu gi en rai? (2 Sam. 12:1-4; Odo 12:18; Mat. 13:34)

   2. Fu san ede Yehovah ben sori sari-ati gi David? (2 Sam. 12:13; Ps. 32:5; 2 Kor. 7:9, 10)

Tori 63

1. San Yehovah e aksi Salomo, èn san Salomo e piki?

2. San Yehovah e pramisi fu gi Salomo fu di a breiti nanga san Salomo aksi en?

3. Nanga sortu bigi problema tu uma e kon na Salomo?

4. Soleki fa yu kan si na tapu a prenki, dan fa Salomo e lusu a problema?

5. Fa sani e waka te Salomo e tiri, èn fu san ede dati de so?

Ete wan tu aksi:

1. Leisi 1 Kownu 3:3-28.

   1. do na ini a ten disi, kan leri fu den wortu na ini 1 Kownu 3:7 di Salomo ben taki nanga en heri ati? (Ps. 119:105; Odo 3:5, 6)

   2. Fa a sani di Salomo ben aksi, na wan moi eksempre fu sani di fiti fu aksi na ini begi? (1 Kow. 3:9, 11; Odo 30:8, 9; 1 Yoh. 5:14)

   3. Te wi e luku a fasi fa Salomo lusu a kesekese na mindri den tu uma, dan sortu dyaranti dati e gi wi fu a ten te a Moro Bigi Salomo, Yesus Krestes, sa tiri? (1 Kow. 3:28; Yes. 9:6, 7; 11:2-4)

2. Leisi 1 Kownu 4:29-34.

   1. Fa Yehovah piki a begi fu Salomo di ben aksi en wan ati di e gi yesi? (1 Kow. 4:29)

   2. Te wi e luku a muiti di sma ben meki fu yere a koni fu Salomo, dan fa wi musu feni en fu studeri a Wortu fu Gado? (1 Kow. 4:29, 34; Yoh. 17:3; 2 Tim. 3:16)

Tori 64

1. O langa a e teki Salomo fu bow a tempel fu Yehovah, èn fu san ede a bow fu a tempel e kostu so furu moni?

2. Omeni prenspari kamra de na ini a tempel, èn san den e poti na ini a bakasei kamra?

3. San Salomo e taki na ini a begi fu en te den kaba bow a tempel?

4. Fa Yehovah e sori taki a breiti nanga a begi fu Salomo?

5. San den uma fu Salomo e meki a du, èn san e pasa nanga Salomo?

6. Fu san ede Yehovah e atibron nanga Salomo, èn san Yehovah e taigi en?

Ete wan tu aksi:

1. Leisi 1 Kroniki 28:9, 10.

   Te wi e luku den wortu fu David di skrifi na ini 1 Kroniki 28:9, 10, dan sortu muiti wi musu meki na ini wi aladei libi? (Ps. 19:14; Fil. 4:8, 9)

2. Leisi 2 Kroniki 6:12-21, 32-42.

   1. Fa Salomo ben sori taki nowan oso di libisma meki man hori a Moro Hei Gado? (2 Kron. 6:18; Tori. 17:24, 25)

   2. San den wortu fu Salomo na ini 2 Kroniki 6:32, 33 e sori fu Yehovah? (Tori. 10:34, 35; Gal. 2:6)

3. Leisi 2 Kroniki 7:1-5.

   Den manpikin fu Israel ben prèise Yehovah di den si a glori fu en. Te wi e prakseri den blesi di Yehovah gi en pipel, dan fa dati musu abi krakti tapu wi na ini a ten disi? (2 Kron. 7:3; Ps. 22:22; 34:1; 96:2)

4. Leisi 1 Kownu 11:9-13.

   Fa a fasi fa a libi fu Salomo ben waka e sori wi o prenspari a de fu tan getrow te na a kaba? (1 Kow. 11:4, 9; Mat. 10:22; Openb. 2:10)

Tori 65

1. San na den nen fu den tu man na tapu a prenki, èn suma na den man disi?

2. San Ahia e du nanga a mantel di a weri, èn san dati wani taki?

3. San Salomo e pruberi fu du nanga Yerobeam?

4. Fu san ede a pipel e meki Yerobeam tron kownu fu den tin lo?

5. Fu san ede Yerobeam e meki tu pikin kaw fu gowtu, èn san e pasa nanga a kondre wan syatu pisi ten baka dati?

6. San e pasa nanga a tu-lo kownukondre èn nanga a tempel fu Yehovah na ini Yerusalem?

Ete wan tu aksi:

1. Leisi 1 Kownu 11:26-43.

   Sortu sma Yerobeam ben de? San Yehovah ben pramisi en efu a ben o hori ensrefi na den wet fu Gado? (1 Kow. 11:28, 38)

2. Leisi 1 Kownu 12:1-33.

   1. Te wi e luku a takru eksempre fu Rehabeam, dan san papa nanga mama èn owruman kan leri fu a fowtu fasi fa sma kan gebroiki a makti di den abi? (1 Kow. 12:13; Preik. 7:7; 1 Petr. 5:2, 3)

   2. Na suma yonguwan na ini a ten disi kan go fu feni bun rai te den musu teki seryusu bosroiti na ini a libi? (1 Kow. 12:6, 7; Odo 1:8, 9; 2 Tim. 3:16, 17; Hebr. 13:7)

   3. Fu san ede Yerobeam ben seti tu presi pe sma ben kan go fu anbegi den pikin kaw? Fa disi e sori taki a no ben abi bribi kwetikweti na ini Yehovah? (1 Kow. 11:37; 12:26-28)

   4. Suma ben meki a pipel fu a tin-lo kownukondre opo densrefi teige a tru anbegi? (1 Kow. 12:32, 33)

Tori 66

1. Suma na Iseibel?

2. Fu san ede Kownu Akab e sari wan dei?

3. San Iseibel e du fu kan kisi a droifidyari fu Nabot gi en masra Akab?

4. Suma Yehovah e seni fu strafu Iseibel?

5. Soleki fa yu kan si na tapu a prenki, dan san e pasa te Yehu e doro na a palèisi fu Iseibel?

Ete wan tu aksi:

1. Leisi 1 Kownu 16:29-33 nanga 18:3, 4.

   O takru a situwâsi ben de na ini Israel na a ten fu Kownu Akab? (1 Kow. 14:9)

2. Leisi 1 Kownu 21:1-16.

   1. Fa Nabot sori taki a ben abi deki-ati èn taki a ben de loyaal na Yehovah? (1 Kow. 21:1-3; Lef. 25:23-28)

   2. San wi kan leri fu na eksempre fu Akab te wi lasi-ati fu di sani no waka soleki fa wi fruwakti? (1 Kow. 21:4; Rom. 5:3-5)

3. Leisi 2 Kownu 9:30-37.

   San wi kan leri fu a faya di Yehu ben abi fu du a wani fu Yehovah? (2 Kow. 9:4-10; 2 Kor. 9:1, 2; 2 Tim. 4:2)

Tori 67

1. Suma na Yosafat, èn na ini sortu pisi ten a e libi?

2. Fu san ede den Israelsma frede, èn san furu fu den e du?

3. Fa Yehovah e gi piki tapu a begi fu Yosafat?

4. San Yehovah e meki pasa bifo a feti?

5. San wi kan leri fu Yosafat?

Ete wan tu aksi:

1. Leisi 2 Kroniki 20:1-30.

   1. Fa Yosafat ben sori san getrow futuboi fu Gado musu du te den de na ini kefar? (2 Kron. 20:12; Ps. 25:15; 62:1)

   2. Ala ten Yehovah ben abi wan fasi fu taki nanga en pipel. San a e gebroiki na ini a ten disi fu taki nanga en pipel? (2 Kron. 20:14, 15; Mat. 24:45-47; Yoh. 15:15)

   3. Fa a situwâsi fu wi sa de a srefi leki di fu Yosafat, te Gado sa bigin „a feti fu a bigi dei fu Gado na Almaktiwan”? (2 Kron. 20:15, 17; 32:8; Openb. 16:14, 16)

   4. Neleki den Leifisma, dan na sortu fasi den pionier nanga zendeling e yepi fu du a preikiwroko na heri grontapu na ini a ten disi? (2 Kron. 20:19, 21; Rom. 10:13-15; 2 Tim. 4:2)

Tori 68

1. Suma na den dri sma na tapu a prenki, èn san e pasa nanga a pikin boi?

2. San Elia e begi Gado fu du gi a boi, èn san e pasa baka dati?

3. Fa a yepiman fu Elia nen?

4. Fu san ede wan uma fu Sunem kari Elisa kon na en oso?

5. San Elisa e du, èn san e pasa nanga a pikin di dede?

6. Sortu makti Yehovah abi, soleki fa a sori nanga yepi fu Elia nanga Elisa?

Ete wan tu aksi:

1. Leisi 1 Kownu 17:8-24.

   1. Sortu tesi Elia ben kisi, pe a ben musu sori taki a e gi yesi na Gado èn taki a abi bribi? (1 Kow. 17:9; 19:1-4, 10)

   2. Fu san ede a bribi fu a weduwe fu Sarfat ben de so aparti? (1 Kow. 17:12-16; Luk. 4:25, 26)

   3. Fa na ondrofenitori fu a weduwe fu Sarfat e sori taki den wortu fu Yesus na ini Mateyus 10:41, 42 de tru? (1 Kow. 17:10-12, 17, 23, 24)

2. Leisi 2 Kownu 4:8-37.

   1. Fa na uma fu Sunem e leri wi fu sori switifasi? (2 Kow. 4:8; Luk. 6:38; Rom. 12:13; 1 Yoh. 3:17)

   2. Sortu sani wi kan du fu sori switifasi gi den futuboi fu Gado na ini a ten disi? (Tori. 20:35; 28:1, 2; Gal. 6:9, 10; Hebr. 6:10)

Tori 69

1. San a yongu umapikin na tapu a prenki e taigi a misi?

2. Suma na a misi na tapu a prenki, èn san a yongu umapikin e du na a oso fu a misi?

3. San Elisa e meki a futuboi fu en taigi Na-aman, èn fu san ede Na-aman e atibron?

4. San e pasa te Na-aman e arki den futuboi fu en?

5. Fu san ede Elisa no wani teki a presenti fu Na-aman, ma san Gehasi e du?

6. San e pasa nanga Gehasi, èn san wi kan leri fu disi?

Ete wan tu aksi:

1. Leisi 2 Kownu 5:1-27.

   1. Fa na eksempre fu a yongu Israel meisje kan gi deki-ati na yonguwan na ini a ten disi? (2 Kow. 5:3; Ps. 8:2; 148:12, 13)

   2. Fu san ede a bun fu hori na eksempre fu Na-aman na prakseri te wi e kisi rai fu Bijbel? (2 Kow. 5:15; Hebr. 12:5, 6; Yak. 4:6)

   3. San wi kan leri te wi e teki na eksempre fu Elisa gersi nanga di fu Gehasi? (2 Kow. 5:9, 10, 14-16, 20; Mat. 10:8; Tori. 5:1-5; 2 Kor. 2:17)

Tori 70

1. Suma na Yona, èn san Yehovah e taigi en fu du?

2. San Yona e du fu di a no wani go na a presi pe Yehovah seni en?

3. San Yona e taigi den matrosi fu du fu meki a bigi winti tapu?

4. Soleki fa yu kan si na tapu a prenki, dan san e pasa te Yona e sungu gowe na ini a watra?

5. O langa Yona de na ini a bere fu a bigi fisi, èn san a e du drape?

6. Pe Yona e go baka te a komopo na ini a bere fu a bigi fisi, èn san disi e leri wi?

Ete wan tu aksi:

1. Leisi Yona 1:1-17.

   Soleki fa a sori, dan fa Yona ben feni a wroko di a ben kisi fu preiki gi den Ninefeisma? (Yona 1:2, 3; Odo 3:7; Preik. 8:12)

2. Leisi Yona 2:1, 2, 10.

   Fa na ondrofenitori fu Yona e gi wi a dyaranti taki Yehovah sa piki den begi fu wi? (Ps. 22:24; 34:6; 1 Yoh. 5:14)

3. Leisi Yona 3:1-10.

   1. Sortu deki-ati wi e kisi te wi si taki Yehovah tan gebroiki Yona aladi biginbigin a no ben du a wroko fu en? (Ps. 103:14; 1 Petr. 5:10)

   2. Fa na ondrofeni di Yona ben abi nanga den Ninefeisma e leri wi taki wi no musu krutu sma na fesi na ini a kontren fu wi? (Yona 3:6-9; Preik. 11:6; Tori. 13:48)

Tori 71

1. Suma ben de Yesaya, èn o ten a ben libi? San Yehovah ben sori en?

2. San a wortu „paradijs” wani taki, èn san yu e memre te yu e yere a wortu disi?

3. San Yehovah ben taigi Yesaya fu skrifi fu a nyun Paradijs?

4. Fu san ede Adam nanga Eva ben lasi a moi tanpresi fu den?

5. San Yehovah e pramisi den wan di lobi en?

Ete wan tu aksi:

1. Leisi Yesaya 11:6-9.

   1. San a Wortu fu Gado e taki fu a vrede di sa de na mindri meti nanga libisma na ini a nyun grontapu? (Ps. 148:10, 13; Yes. 65:25; Esek. 34:25)

   2. Fa den wortu fu Yesaya e kon tru na yeye fasi, te wi e luku san e feni presi na mindri a pipel fu Yehovah na ini a ten disi? (Rom. 12:2; Ef. 4:23, 24)

   3. Suma musu kisi grani fu a kenki di libisma e kenki den fasi fu den nownow kaba èn na ini a nyun grontapu? (Yes. 48:17, 18; Gal. 5:22, 23; Fil. 4:7)

2. Leisi Openbaring 21:3, 4.

   1. Fa Bijbel e sori taki a tan di Gado e tan nanga a libisma famiri, no wani taki dati a de nanga den na grontapu trutru, ma taki a de na den mindri na wan agersi fasi? (Lef. 26:11, 12; 2 Kron. 6:18; Yes. 66:1; Openb. 21:2, 3, 22-24)

   2. Sortu watra-ai èn sortu pen no sa de moro? (Luk. 8:49-52; Rom. 8:21, 22; Openb. 21:4)

Tori 72

1. Suma na a man na tapu a prenki, èn fu san ede a de na ini bigi problema?

2. San na den brifi di Heskia poti na fesi Gado, èn san Heskia e begi?

3. Fa Heskia e tyari ensrefi leki kownu? Sortu boskopu Yehovah e seni gi en nanga yepi fu a profeiti Yesaya?

4. San na engel fu Yehovah e du nanga den Asiriasma, soleki fa a prenki e sori?

5. Aladi a tu-lo kownukondre abi vrede fu wan pisi ten, toku san e pasa baka te Heskia dede?

Ete wan tu aksi:

1. Leisi 2 Kownu 18:1-36.

   1. Fa Rabsakei, a man di ben e taki gi den Asiriasma, suku fu meki a bribi fu den Israelsma kon swaki? (2 Kow. 18:19, 21; Ex. 5:2; Ps. 64:3)

   2. Fa Yehovah Kotoigi e teki na eksempre fu Heskia te den e kisi fu du nanga gensman? (2 Kow. 18:36; Ps. 39:1; Odo 26:4; 2 Tim. 2:24)

2. Leisi 2 Kownu 19:1-37.

   1. Fa a pipel fu Yehovah na ini a ten disi e du leki Heskia te den de na ini banawtu? (2 Kow. 19:1, 2; Odo 3:5, 6; Hebr. 10:24, 25; Yak. 5:14, 15)

   2. Na sortu dri fasi Kownu Sanherib ben lasi a feti? Suma a kownu disi e prenki soleki fa profeititori taki na fesi? (2 Kow. 19:32, 35, 37; Openb. 20:2, 3)

3. Leisi 2 Kownu 21:1-6, 16.

   Fu san ede wi kan taki dati Manase ben de wan fu den moro ogri kownu di oiti ben tiri na Yerusalem? (2 Kron. 33:4-6, 9)

Tori 73

1. Omeni yari Yosia abi te a e tron kownu, èn san a e bigin du baka di a tiri seibi yari leki kownu?

2. San yu e si taki Yosia e du na tapu a fosi prenki?

3. San a granpriester e feni te den man e meki a tempel kon bun baka?

4. Fu san ede Yosia e priti en krosi?

5. Sortu boskopu na umaprofeiti Hulda e kisi fu Yehovah fu tyari gi Yosia?

Ete wan tu aksi:

1. Leisi 2 Kroniki 34:1-28.

   1. Fa Yosia de wan eksempre gi den wan di kande ben abi en muilek na ini den pikin-nengreten? (2 Kron. 33:21-25; 34:1, 2; Ps. 27:10)

   2. Sortu prenspari sani Yosia ben du fu meki a tru anbegi go na fesi na ini a di fu 8 yari, a di fu 12 yari, nanga a di fu 18 yari fu en tiri? (2 Kron. 34:3, 8)

   3. San wi kan leri fu na eksempre di Kownu Heskia nanga Granpriester Helkia gi wi fu sorgu bun gi den presi pe wi e kon makandra fu anbegi? (2 Kron. 34:9-13; Odo 11:14; 1 Kor. 10:31)

Tori 74

1. Suma na a yonkuman na tapu a prenki?

2. Fa Yeremia e feni en taki a tron wan profeiti? Ma san Yehovah e taigi en?

3. San Yeremia e tan taigi a pipel?

4. Fa den priester e pruberi fu tapu Yeremia, ma fa a e sori taki a no e frede?

5. San e pasa te den Israelsma no e kenki den ogri fasi fu den?

Ete wan tu aksi:

1. Leisi Yeremia 1:1-8.

   1. Soleki fa na eksempre fu Yeremia e sori, dan san e meki taki wan sma bun fu du diniwroko gi Yehovah? (2 Kor. 3:5, 6)

   2. Sortu deki-ati na eksempre fu Yeremia e gi Kresten yonguwan na ini a ten disi? (Preik. 12:1; 1 Tim. 4:12)

2. Leisi Yeremia 10:1-5.

   Sortu moi agersitori Yeremia e gebroiki fu sori krin taki a de wan soso sani fu frutrow tapu popki di sma e anbegi? (Yer. 10:5; Yes. 46:7; Hab. 2:19)

3. Leisi Yeremia 26:1-16.

   1. Te a salfu fikapisi e meki a warskow boskopu bekènti na ini a ten disi, dan fa den e sori taki den gi yesi na a komando di Yehovah ben gi Yeremia fu „no puru nowan wortu”? (Yer. 26:2; Deut. 4:2; Tori. 20:27)

   2. Fa Yeremia de wan moi eksempre gi Yehovah Kotoigi na ini a ten disi na ini a fasi fa den musu meki a warskow fu Yehovah bekènti na den nâsi? (Yer. 26:8, 12, 14, 15; 2 Tim. 4:1-5)

4. Leisi 2 Kownu 24:1-17.

   Sortu sari bakapisi den sma fu Yuda ben abi fu di den no ben de getrow na Yehovah? (2 Kow. 24:2-4, 14)

Tori 75

1. Suma na den fo boi na tapu a prenki, èn fu san ede den de na ini Babilon?

2. San Nebukadnesar abi na prakseri fu du nanga den fo boi, èn sortu komando a e gi den futuboi fu en?

3. Sortu nyanyan nanga dringi Danièl e aksi gi ensrefi nanga den dri mati fu en?

4. Baka te Danièl nanga den dri mati fu en nyan gruntu tin dei langa, dan sortu difrenti de na mindri den nanga den tra yonkuman?

5. Fa a du kon taki Danièl nanga den dri mati fu en de na ini a palèisi fu a kownu? Na sortu fasi den boi disi bun moro den priester nanga den koniman?

Ete wan tu aksi:

1. Leisi Danièl 1:1-21.

   1. Sortu muiti wi musu meki efu wi wani kakafutu gi tesi èn efu wi wani wini den swakifasi fu wi? (Dan. 1:8; Gen. 39:7, 10; Gal. 6:9)

   2. Na sortu fasi yonguwan na ini a ten disi kan kisi tesi, èn fa sma kan dwengi den fu teki prati na san son sma e si leki „switisani”? (Dan. 1:8; Odo 20:1; 2 Kor. 6:17–7:1)

   3. San a Bijbel tori fu den fo Hebrew yonguwan e yepi wi fu frustan te wi e teki grontapu leri? (Dan. 1:20; Yes. 54:13; 1 Kor. 3:18-20)

Tori 76

1. San e pasa nanga Yerusalem èn nanga den Israelsma soleki fa a prenki e sori?

2. Suma na Esekièl, èn san Yehovah e sori en fu den ogri sani di pasa?

3. San Yehovah e pramisi fu du fu di den Israelsma no abi lespeki gi en?

4. San Kownu Nebukadnesar e du baka di den Israelsma opo densrefi teige en?

5. Fu san ede Yehovah e gi pasi taki so wan ogri pori kon tapu den Israelsma?

6. Fa a du kon taki a kondre Israel kon de sondro sma, èn o langa disi ben o tan so?

Ete wan tu aksi:

1. Leisi 2 Kownu 25:1-26.

   1. Suma ben de Sedekia? San ben pasa nanga en, èn fa dati ben meki Bijbel profeititori kon tru? (2 Kow. 25:5-7; Esek. 12:13-15)

   2. Suma Yehovah ben aksi frantwortu gi ala den ogri di den Israelsma ben du? (2 Kow. 25:9, 11, 12, 18, 19; 2 Kron. 36:14, 17)

2. Leisi Esekièl 8:1-18.

   Fa Krestenhèit de leki den Israelsma di fadon komoto na bribi èn di ben anbegi a son? (Esek. 8:16; Yes. 5:20, 21; Yoh. 3:19-21; 2 Tim. 4:3)

Tori 77

1. Sortu komando Nebukadnesar, a kownu fu Babilon, gi a pipel?

2. Fu san ede den dri mati fu Danièl no e boigi gi a gowtu popki?

3. Fa den dri Hebrew yonguman e sori taki den e frutrow tapu Yehovah te Nebukadnesar e gi den wan tra okasi fu boigi gi a popki?

4. San Nebukadnesar e meki den man fu en du nanga Sadrak, Meisak, nanga Abedneikow?

5. San Nebukadnesar e si te a e luku go na ini na onfu?

6. Fu san ede a kownu e prèise a Gado fu Sadrak, Meisak, nanga Abedneikow, èn sortu eksempre den e gi wi?

Ete wan tu aksi:

1. Leisi Danièl 3:1-30.

   1. Fa ala den futuboi fu Gado musu de leki den dri Hebrew yonkuman te den e kisi tesi tapu a soifri retifasi fu den? (Dan. 3:17, 18; Mat. 10:28; Rom. 14:7, 8)

   2. San na a prenspari sani di Yehovah Gado ben leri Nebukadnesar? (Dan. 3:28, 29; 4:34, 35)

Tori 78

1. San e pasa te a kownu fu Babilon e hori wan bigi fesa pe a e gebroiki den kan nanga preti di a teki puru fu a tempel fu Yehovah na ini Yerusalem?

2. San Belsasar e taigi den koniman fu en, ma san den man disi no man du?

3. San a mama fu a kownu e taigi en fu du?

4. Soleki fa Danièl e taigi a kownu, dan fu san ede Gado seni na anu fu skrifi na a skotu?

5. Fa Danièl e fruteri san den wortu na a skotu wani taki?

6. San e pasa aladi Danièl e taki ete?

Ete wan tu aksi:

1. Leisi Danièl 5:1-31.

   1. Sori fa frede gi Gado de tra fasi leki a frede di Belsasar ben abi di a si den wortu na a skotu. (Dan. 5:6, 7; Ps. 19:9; Rom. 8:35-39)

   2. Fa Danièl sori deki-ati di a ben e taki nanga Belsasar èn nanga den heihei-man fu en? (Dan. 5:17, 18, 22, 26-28; Tori. 4:29)

   3. Fa Danièl kapitel 5 e poti krakti tapu a reti di Yehovah abi fu tiri ala sani? (Dan. 4:17, 25; 5:21)

Tori 79

1. Suma na Darius, èn fa a e denki fu Danièl?

2. San wan tu dyarusu man e meki Darius du?

3. San Danièl e du te a e yere fu a nyun wet?

4. San e trobi Darius so te taki a no man sribi, èn san a e du a tra mamanten?

5. San Danièl e piki Darius?

6. San e pasa nanga den ogriman di ben pruberi fu kiri Danièl, èn san Darius e skrifi gi ala pipel na ini en kownukondre?

Ete wan tu aksi:

1. Leisi Danièl 6:1-28.

   1. Fa den sani di den man ben seti fu du Danièl ogri, e memre wi na san gensman du fu pruberi fu tapu a wroko fu Yehovah Kotoigi na ini a ten disi? (Dan. 6:7; Ps. 94:20; Yes. 10:1; Rom. 8:31)

   2. Fa disiten futuboi fu Gado kan teki na eksempre fu Danièl fu tan saka densrefi ondro „den hei tirimakti”? (Dan. 6:5, 10; Rom. 13:1; Tori. 5:29)

   3. Fa wi kan teki na eksempre fu Danièl fu tan dini Yehovah „doronomo”? (Dan. 6:16, 20; Fil. 3:16; Openb. 7:15)

Tori 80

1. San den Israelsma e du, soleki fa a prenki e sori?

2. Fa Sirus meki a profeititori kon tru di Yehovah ben taki nanga yepi fu Yesaya?

3. San Sirus e taigi den Israelsma di no man drai go baka na Yerusalem?

4. San Sirus e gi a pipel fu tyari go baka na Yerusalem?

5. O langa a e teki den Israelsma fu doro baka na Yerusalem?

6. Omeni yari pasa sensi a ten di nowan sma ben de na ini a kondre moro?

Ete wan tu aksi:

1. Leisi Yesaya 44:28 nanga 45:1-4.

   1. Fa Yehovah ben gi a dyaranti taki a profeititori di abi fu du nanga Sirus ben o kon tru seiker? (Yes. 55:10, 11; Rom. 4:17)

   2. San a profeititori fu Yesaya di abi fu du nanga Sirus, e sori fu a makti di Yehovah Gado abi fu taki na fesi san o pasa? (Yes. 42:9; 45:21; 46:10, 11; 2 Petr. 1:20)

2. Leisi Esra 1:1-11.

   Te wi e teki na eksempre fu den sma di no ben man drai go baka na Yerusalem, dan fa wi na ini a ten disi kan ’tranga den anu’ fu den wan di man go na ini a furuten diniwroko? (Esra 1:4, 6; Rom. 12:13; Kol. 4:12)

Tori 81

1. Omeni sma e waka a langa pasi fu Babilon go na Yerusalem, ma san den e si te den doro drape?

2. San den Israelsma e bigin bow baka te den doro drape, ma san den feanti fu den e du?

3. Suma na Hagai nanga Sakaria, èn san den e taigi a pipel?

4. Fu san ede Tatnai e seni wan brifi go na Babilon, èn sortu piki a e kisi?

5. San Esra e du te a e yere taki a de fanowdu fu sreka a tempel fu Gado?

6. Gi sortu sani Esra e begi na tapu a prenki? Fa a e kisi piki tapu a begi fu en, èn san dati e leri wi?

Ete wan tu aksi:

1. Leisi Esra 3:1-13.

   Efu oiti a de so taki wi wawan de na wan presi pe nowan gemeente fu Gado en pipel de, dan san wi musu tan du? (Esra 3:3, 6; Tori. 17:16, 17; Hebr. 13:15)

2. Leisi Esra 4:1-7.

   Sortu eksempre Serubabel gi a pipel fu Yehovah fu di a no moksi ensrefi nanga tra bribi? (Ex. 34:12; 1 Kor. 15:33; 2 Kor. 6:14-17)

3. Leisi Esra 5:1-5, 17 nanga 6:1-22.

   1. Fu san ede den gensman no ben man tapu den Israelsma fu bow a tempel? (Esra 5:5; Yes. 54:17)

   2. Fa a fasi fa den owru man fu den Dyu ben handri, e gi Kresten owruman deki-ati fu suku a tiri fu Yehovah te den e kisi fu du nanga gensman? (Esra 6:14; Ps. 32:8; Rom. 8:31; Yak. 1:5)

4. Leisi Esra 8:21-23, 28-36.

   Bifo wi e bigin fu du wan spesrutu sani, dan sortu eksempre fu Esra ben o bun gi wi fu waka na baka? (Esra 8:23; Ps. 127:1; Odo 10:22; Yak. 4:13-15)

Tori 82

1. Suma na Mordekai nanga Ester?

2. Fu san ede Kownu Ahasferos wani wan nyun wefi, èn suma a e teki?

3. Suma na Haman, èn san e meki taki a e atibron srefisrefi?

4. Sortu wet e meki, èn san Ester e du baka di a kisi wan boskopu fu Mordekai?

5. San e pasa nanga Haman, èn san e pasa nanga Mordekai?

6. Fa den Israelsma e kisi kibri fu den feanti fu den?

Ete wan tu aksi:

1. Leisi Ester 2:12-18.

   Fa Ester ben sori taki a de prenspari fu abi wan „tiri èn safri fasi”? (Ester 2:15; 1 Petr. 3:1-5)

2. Leisi Ester 4:1-17.

   Neleki fa Ester ben kisi na okasi fu du wan sani gi a tru anbegi, dan sortu okasi wi abi na ini a ten disi fu sori taki wi wani dini Yehovah fayafaya èn taki wi de loyaal na En? (Ester 4:13, 14; Mat. 5:14-16; 24:14)

3. Leisi Ester 7:1-6.

   Neleki Ester, san furu fu Gado en pipel du na ini a ten disi, di ben kan meki taki sma frufolgu den èn du den ogri? (Ester 7:4; Mat. 10:16-22; 1 Petr. 2:12)

Tori 83

1. Fa den Israelsma ben firi densrefi sondro den skotu lontu Yerusalem, a foto fu den?

2. Suma na Nehemia?

3. Sortu wroko Nehemia e du, èn fu san ede a wroko fu en de prenspari?

4. Sortu nyunsu e meki taki Nehemia e sari, èn san a e du?

5. Fa Kownu Artakserkses e sori switifasi gi Nehemia?

6. Fa Nehemia e seti a bow-wroko so taki den feanti fu den Israelsma no man tapu a wroko dati?

Ete wan tu aksi:

1. Leisi Nehemia 1:4-6 nanga 2:1-20.

   Fa Nehemia ben suku a tiri fu Yehovah? (Neh. 2:4, 5; Rom. 12:12; 1 Petr. 4:7)

2. Leisi Nehemia 3:3-5.

   San owruman nanga dinari ini a diniwroko kan leri fu a difrenti na mindri den Tekoa-sma nanga den „heihei-sma” fu den? (Neh. 3:5, 27; 2 Tes. 3:7-10; 1 Petr. 5:5)

3. Leisi Nehemia 4:1-23.

   1. San ben gi den Israelsma deki-ati fu tan go doro nanga a bow-wroko aladi den ben kisi fayafaya gens? (Neh. 4:6, 8, 9; Ps. 50:15; Yes. 65:13, 14)

   2. Na sortu fasi na eksempre fu den Israelsma e gi wi deki-ati na ini a ten disi?

4. Leisi Nehemia 6:15.

   Den skotu fu Yerusalem ben kaba na ini tu mun. We, fa dati e sori a krakti di bribi abi tapu sma? (Ps. 56:3, 4; Mat. 17:20; 19:26)

Tori 84

1. Suma na a uma na tapu a prenki?

2. San Gabrièl e taigi Maria?

3. Fa Gabrièl e fruteri Maria taki a sa kisi wan beibi aladi a no libi nanga wan man?

4. San e pasa te Maria e go luku en famiri Elisabet?

5. San Yosef e prakseri te a e yere taki Maria o kisi wan beibi, ma fu san ede a e kenki prakseri?

Ete wan tu aksi:

1. Leisi Lukas 1:26-56.

   1. Di Gado teki a libi fu en Manpikin na hemel poti abra na ini a muru fu Maria, dan soleki fa Lukas 1:35 e sori, san ben o pasa nanga iniwan onvolmaaktifasi di Maria ben abi na ini en muru leki bakapisi fu a sondu fu Adam? (Hag. 2:11-13; Yoh. 6:69; Hebr. 7:26; 10:5)

   2. Fa Yesus kisi grani srefi bifo a ben gebore?

   3. Sortu moi eksempre Maria e gi Kresten na ini a ten disi di kisi spesrutu grani na ini a diniwroko? (Luk. 1:38, 46-49; 17:10; Odo 11:2)

2. Leisi Mateyus 1:18-25.

   Aladi Yesus no ben kisi a nen Imanuel, toku a fasi fa a ben e tyari ensrefi leki libisma ben kruderi nanga san a nen disi wani taki. Fa so? (Mat. 1:22, 23; Yoh. 14:8-10; Hebr. 1:1-3)

Tori 85

1. Suma na a pikin beibi na tapu a prenki, èn pe Maria e poti en?

2. Fu san ede Yesus gebore na ini wan pen nanga den meti?

3. Suma na den man na tapu a prenki di e kon na ini a pen, èn san wan engel ben taigi den?

4. Fu san ede Yesus de so prenspari?

5. Fu san ede wi kan kari Yesus a Manpikin fu Gado?

Ete wan tu aksi:

1. Leisi Lukas 2:1-20.

   1. Sortu prati Caesar Augustus ben abi na ini a kontru fu a profeititori di abi fu du nanga a presi pe Yesus ben o gebore? (Luk. 2:1-4; Mika 5:2)

   2. Fa wan sma kan tron wan fu den ’sma di Gado feni bun’? (Luk. 2:14; Mat. 16:24; Yoh. 17:3; Tori. 3:19; Hebr. 11:6)

   3. Efu den sakafasi skapuman fu Yudea ben prisiri fu di wan Frulusuman ben gebore, dan fu san ede den futuboi fu Gado na ini a ten disi abi moro reide fu prisiri? (Luk. 2:10, 11; Ef. 3:8, 9; Openb. 11:15; 14:6)

Tori 86

1. Suma na den man na tapu a prenki, èn fu san ede wan fu den e sori go na wan stari di e skèin krin?

2. Fu san ede Kownu Herodes e atibron, èn san a e du?

3. Pe a stari di e skèin krin e tyari den man go? Ma fu san ede den e waka wan tra pasi te den e drai go baka na den eigi kondre?

4. Sortu komando Herodes e gi, èn fu san ede?

5. San Yehovah e taigi Yosef fu du?

6. Suma ben meki a nyun stari skèin, èn fu san ede?

Ete wan aksi:

1. Leisi Mateyus 2:1-23.

   Di den lukuman ben fisiti Yesus, dan omeni yari a ben abi èn pe a ben libi? (Mat. 2:1, 11, 16)

Tori 87

1. Omeni yari Yesus abi na tapu a prenki, èn pe a de?

2. San Yosef e du nanga en osofamiri ibri yari?

3. Baka di Yosef nanga Maria waka wan heri dei go baka na oso, dan fu san ede den e drai go baka na Yerusalem?

4. Pe Yosef nanga Maria e feni Yesus, èn fu san ede den sma drape e fruwondru?

5. San Yesus e taigi en mama Maria?

6. Fa wi kan de leki Yesus te wi e leri sani fu Gado?

Ete wan tu aksi:

1. Leisi Lukas 2:41-52.

   1. A Wet ben taki dati mansma wawan ben musu go na den alayari fesa, ma sortu moi eksempre Yosef nanga Maria gi papa nanga mama na ini a ten disi? (Luk. 2:41; Deut. 16:16; 31:12; Odo 22:6)

   2. Fa Yesus de wan moi eksempre gi yonguwan na ini a ten disi fu saka densrefi ondro den papa nanga mama? (Luk. 2:51; Deut. 5:16; Odo 23:22; Kol. 3:20)

2. Leisi Mateyus 13:53-56.

   Suma na den fo brada fu Yesus di Bijbel e kari na den nen, èn fa tu fu den brada disi ben kisi frantwortu bakaten na ini a Kresten gemeente? (Mat. 13:55; Tori. 12:17; 15:6, 13; 21:18; Gal. 1:19; Yak. 1:1; Yud. 1)

Tori 88

1. Suma na den tu man na tapu a prenki?

2. Fa wan sma e teki dopu?

3. Suma Yohanes e dopu moro furu?

4. Fu sortu aparti sani ede meki Yesus e aksi Yohanes fu dopu en?

5. Fa Gado e sori taki a e prisiri taki Yesus teki dopu?

6. San e pasa te Yesus e go 40 dei na wan presi pe sma no e libi?

7. Suma na wan tu fu den fosi bakaman, noso disipel, fu Yesus? San na a fosi wondru di a e du?

Ete wan tu aksi:

1. Leisi Mateyus 3:13-17.

   Sortu eksempre Yesus gi den disipel fu en fu a fasi fa wan sma musu teki dopu? (Ps. 40:7, 8; Mat. 28:19, 20; Luk. 3:21, 22)

2. Leisi Mateyus 4:1-11.

   Te wi e luku fa Yesus ben gebroiki den Buku fu Bijbel na wan koni fasi, dan fa dati e gi wi deki-ati fu studeri Bijbel doronomo? (Mat. 4:5-7; 2 Petr. 3:17, 18; 1 Yoh. 4:1)

3. Leisi Yohanes 1:29-51.

   Na suma Yohanes a Dopuman ben seni den disipel fu en go, èn fa wi kan teki na eksempre fu en na ini a ten disi? (Yoh. 1:29, 35, 36; 3:30; Mat. 23:10)

4. Leisi Yohanes 2:1-12.

   Fa a fosi wondru fu Yesus e sori taki Yehovah no e hori nowan bun sani na baka gi den futuboi fu En? (Yoh. 2:9, 10; Ps. 84:11; Yak. 1:17)

Tori 89

1. Fu san ede sma e seri meti na a tempel?

2. San e meki taki Yesus atibron?

3. San Yesus e du na tapu a prenki, èn sortu komando a e gi den man di e seri doifi?

4. Te den bakaman fu Yesus e si san a e du, dan na san dati e memre den?

5. Na sortu distrikt Yesus e pasa te a e drai go baka na Galilea?

Ete wan aksi:

1. Leisi Yohanes 2:13-25.

   Te wi e prakseri fa Yesus ben atibron nanga den sma di ben e meki moni na ini a tempel, dan san na a yoisti fasi fu si bisnis afersi na ini a Kownukondre zaal? (Yoh. 2:15, 16; 1 Kor. 10:24, 31-33)

Tori 90

1. Fu san ede Yesus waka kon na wan peti na ini Samaria, èn san a e taigi wan uma drape?

2. Fu san ede na uma e fruwondru? San Yesus e taigi en, èn fu san ede?

3. Fu sortu watra na uma e denki dati Yesus e taki, ma fu sortu watra Yesus e taki trutru?

4. Fu san ede na uma e fruwondru fu den sani di Yesus sabi fu en, èn fa Yesus kon sabi den sani disi?

5. San wi kan leri fu a tori fu na uma na a peti?

Ete wan tu aksi:

1. Leisi Yohanes 4:5-43.

   1. Te wi e teki na eksempre fu Yesus, dan fa wi musu handri nanga tra sma di de fu wan tra ras, noso di abi wan tra posisi na ini a libimakandra? (Yoh. 4:9; 1 Kor. 9:22; 1 Tim. 2:3, 4; Tit. 2:11)

   2. Sortu wini wan sma e kisi na yeye fasi te a e tron wan disipel fu Yesus? (Yoh. 4:14; Yes. 58:11; 2 Kor. 4:16)

   3. Fa wi kan sori warderi neleki a Samaria uma di ben de fayafaya fu fruteri trawan san a leri? (Yoh. 4:7, 28; Mat. 6:33; Luk. 10:40-42)

Tori 91

1. Soleki fa a prenki e sori, dan pe Yesus e gi leri, èn suma na den sma di e sidon moro krosibei fu en?

2. Fa den 12 apostel nen?

3. San na a Kownukondre fu san Yesus e preiki?

4. Fu sortu sani Yesus e leri den sma fu begi?

5. Fa sma musu handri nanga makandra soleki fa Yesus e taki?

Ete wan tu aksi:

1. Leisi Mateyus 5:1-12.

   Na sortu fasi wi kan sori taki wi abi Gado fanowdu? (Mat. 5:3; Rom. 10:13-15; 1 Tim. 4:13, 15, 16)

2. Leisi Mateyus 5:21-26.

   Fa Mateyus 5:23, 24 e sori krin taki a banti di wi abi nanga wi brada nanga sisa abi krakti tapu a banti di wi abi nanga Yehovah? (Mat. 6:14, 15; Ps. 133:1; Kol. 3:13; 1 Yoh. 4:20)

3. Leisi Mateyus 6:1-8.

   San na wan tu sani di sma e du fu di den abi a denki taki den bun moro trawan, èn di Kresten no musu du? (Luk. 18:11, 12; 1 Kor. 4:6, 7; 2 Kor. 9:7)

4. Leisi Mateyus 6:25-34.

   San Yesus ben leri fu a frutrow di wi musu abi taki Yehovah sa gi wi san wi abi fanowdu na skin fasi? (Ex. 16:4; Ps. 37:25; Fil. 4:6)

5. Leisi Mateyus 7:1-11.

   San wi e leri fu a krin agersitori di de fu feni na ini Mateyus 7:5? (Odo 26:12; Rom. 2:1; 14:10; Yak. 4:11, 12)

Tori 92

1. Suma na a papa fu a yongu umapikin na tapu a prenki, èn fu san ede en nanga en wefi e broko den ede srefisrefi?

2. San Yairus e du te a e feni Yesus?

3. San e pasa te Yesus e waka go na a oso fu Yairus, èn sortu boskopu Yairus e kisi te den de na pasi?

4. Fu san ede den sma na ini na oso fu Yairus e lafu Yesus?

5. Baka di Yesus teki den dri apostel èn a papa nanga a mama fu a yongu umapikin go na ini a kamra fu a yongu umapikin, dan san Yesus e du?

6. Sortu tra sma Yesus ben opo baka na dede, èn san disi e sori?

Ete wan tu aksi:

1. Leisi Lukas 8:40-56.

   Fa Yesus ben sori sari-ati gi na uma di ben e lasi brudu, èn fa a ben sori taki a e hori den firi fu en na prakseri? San Kresten owruman na ini a ten disi kan leri fu disi? (Luk. 8:43, 44, 47, 48; Lef. 15:25-27; Mat. 9:12, 13; Kol. 3:12-14)

2. Leisi Lukas 7:11-17.

   Fa den sma di lasi wan lobiwan fu den na ini dede, kan feni trutru trowstu na ini a fasi fa Yesus handri di a si a weduwe fu Nain? (Luk. 7:13; 2 Kor. 1:3, 4; Hebr. 4:15)

3. Leisi Yohanes 11:17-44.

   Fa Yesus ben sori taki a no de wan fowtu sani fu sari te wan lobiwan dede? (Yoh. 11:33-36, 38; 2 Sam. 18:33; 19:1-4)

Tori 93

1. Sortu tumusi ogri sani pasa nanga Yohanes a Dopuman, èn fa Yesus e firi te a e yere dati?

2. Fa Yesus e gi nyanyan na den ipi sma di waka na en baka, èn omeni nyanyan e tan abra?

3. Fu san ede den disipel e frede na netiten, èn san e pasa nanga Petrus?

4. Fa Yesus e gi nyanyan na dusundusun sma fu a di fu tu tron?

5. Fu san ede a sa de wan tumusi moi sani te Yesus sa tiri grontapu leki a Kownu di Gado poti?

Ete wan tu aksi:

1. Leisi Mateyus 14:1-32.

   1. Fa a tori di skrifi na ini Mateyus 14:23-32, e sori wi a fasi fa Petrus ben de?

   2. Fa Bijbel e sori taki Petrus ben kon tron wan lepisma èn taki a no ben du sani moro sondro fu denki fosi? (Mat. 14:27-30; Yoh. 18:10; 21:7; Tori. 2:14, 37-40; 1 Petr. 5:6, 10)

2. Leisi Mateyus 15:29-38.

   Fa Yesus ben sori lespeki gi den sani di en Tata ben gi en na skin fasi? (Mat. 15:37; Yoh. 6:12; Kol. 3:15)

3. Leisi Yohanes 6:1-21.

   Fa Kresten na ini a ten disi kan waka baka na eksempre fu Yesus fu sori lespeki gi tirimakti? (Yoh. 6:15; Mat. 22:21; Rom. 12:2; 13:1-4)

Tori 94

1. Fu sortu sani den apostel e krutu nanga makandra te den de na pasi e kon baka fu wan langa waka?

2. Fu san ede Yesus e kari wan yongu pikin kon èn e meki a tanapu na mindri den apostel?

3. Na sortu fasi den apostel musu leri fu de leki pikin-nengre?

4. Fa Yesus e sori wan tu mun baka dati taki a lobi pikin-nengre?

Ete wan tu aksi:

1. Leisi Mateyus 18:1-4.

   Fu san ede Yesus ben gebroiki agersitori fu gi sma leri? (Mat. 13:34, 36; Mark. 4:33, 34)

2. Leisi Mateyus 19:13-15.

   Sortu fasi fu pikin-nengre wi musu abi efu wi wani kisi den blesi fu a Kownukondre? (Ps. 25:9; 138:6; 1 Kor. 14:20)

3. Leisi Markus 9:33-37.

   San Yesus ben leri den disipel fu en fu a hei posisi nanga biginen di sma e suku gi densrefi? (Mark. 9:35; Mat. 20:25, 26; Gal. 6:3; Fil. 2:5-8)

4. Leisi Markus 10:13-16.

   A ben makriki gi sma fu taki nanga Yesus na wan fri fasi? San Kresten owruman kan leri fu na eksempre fu en? (Mark. 6:30-34; Fil. 2:1-4; 1 Tim. 4:12)

Tori 95

1. San wan man e aksi Yesus, èn fu san ede?

2. San Yesus e gebroiki son tron te a e gi sma leri, èn san wi ben leri kaba fu a fasi fa den Dyu ben si den Samariasma?

3. San e pasa nanga wan Dyu di de na pasi fu go na Yeriko, soleki fa Yesus e fruteri na ini a tori?

4. San e pasa te wan Dyu priester nanga wan Leifisma e waka na a pasi dati?

5. Suma na a man na tapu a prenki di e yepi a Dyu di kisi mankeri?

6. Baka di Yesus kaba fruteri a tori, dan sortu aksi a e poti, èn sortu piki a man e gi?

Ete wan tu aksi:

1. Leisi Lukas 10:25-37.

   1. Na presi fu gi wan piki wantewante, dan fa Yesus yepi wan man di ben kisi bun leri na ini a Wet, fu kon abi a yoisti denki fu wan tori? (Luk. 10:26; Mat. 16:13-16)

   2. Fa Yesus gebroiki agersitori fu leri den arkiman fu en fu no denki takru fu tra sma? (Luk. 10:36, 37; 18:9-14; Tit. 1:9)

Tori 96

1. San Yesus e du te a e waka pasa na ini a heri kondre?

2. San Yesus e fruteri den apostel fu en sowan dri yari baka di a teki dopu?

3. Suma na den sma na tapu a prenki, èn san Yesus e du gi na uma?

4. Fu san ede a piki fu Yesus e meki den kerki fesiman di e krutu en kisi syen?

5. Te Yesus nanga den apostel fu en de krosibei fu Yeriko, dan san Yesus e du gi tu begiman di breni?

6. Fu san ede Yesus e du wondru?

Ete wan tu aksi:

1. Leisi Mateyus 15:30, 31.

   Na sortu kefalek moi fasi Yehovah sori en krakti nanga yepi fu Yesus, èn san dati e meki wi frustan fu den sani di Yehovah pramisi fu du na ini a nyun grontapu? (Ps. 37:29; Yes. 33:24)

2. Leisi Lukas 13:10-17.

   Fa wan tu fu den moro bigi wondru di Yesus ben du na tapu Sabat-dei e sori sortu lusu a sa tyari kon gi a libisma famiri na a ten fu a Dusun Yari Tiri fu en? (Luk. 13:10-13; Ps. 46:9; Mat. 12:8; Kol. 2:16, 17; Openb. 21:1-4)

3. Leisi Mateyus 20:29-34.

   Fa a tori disi e sori wi taki Yesus noiti no ben abi so furu fu du taki a no ben man yepi sma, èn san wi kan leri fu disi? (Deut. 15:7; Yak. 2:15, 16; 1 Yoh. 3:17)

Tori 97

1. San Yesus e taigi den disipel fu en fu du te a doro na wan pikin dorpu krosibei fu Yerusalem?

2. Te yu e luku a prenki, dan san e pasa te Yesus e doro krosibei fu a foto Yerusalem?

3. San den yongu pikin e du te den e si taki Yesus e dresi sma di breni èn di malengri?

4. San Yesus e taigi den priester di e atibron?

5. Fa wi kan de leki den pikin di e prèise Yesus?

6. San den disipel wani sabi?

Ete wan tu aksi:

1. Leisi Mateyus 21:1-17.

   1. San ben difrenti na a fasi fa Yesus ben kon na ini Yerusalem leki Kownu, èn a fasi fa den legre-edeman ben du te den ben wini feti na a ten di Rome ben e tiri? (Mat. 21:4, 5; Sak. 9:9; Fil. 2:5-8; Kol. 2:15)

   2. San yonguwan kan leri fu den boi fu Israel di ben taki san skrifi na ini Psalm 118, di Yesus waka kon na ini a tempel? (Mat. 21:9, 15; Ps. 118:25, 26; 2 Tim. 3:15; 2 Petr. 3:18)

2. Leisi Yohanes 12:12-16.

   Di den sma gebroiki palmtaki fu prèise Yesus, dan san dati ben wani taki? (Yoh. 12:13; Fil. 2:10; Openb. 7:9, 10)

Tori 98

1. Sortuwan fu den man na tapu a prenki na Yesus, èn suma de nanga en?

2. San den priester ben pruberi fu du nanga Yesus na ini a tempel, èn san a ben taigi den?

3. San den apostel e aksi Yesus?

4. Fu san ede Yesus e fruteri den apostel fu en wan tu fu den sani di o pasa na grontapu te a e tiri leki Kownu na hemel?

5. Soleki fa Yesus taki, dan san o pasa bifo a tyari wan kaba kon na ala ogridu na grontapu?

Ete wan tu aksi:

1. Leisi Mateyus 23:1-39.

   1. Bijbel e sori taki a kan fiti fu kari wan sma na a nen di a kisi fu di a abi wan spesrutu posisi. Ma a ben o fiti fu gi sma spesrutu nen fu di den abi grani na ini a Kresten gemeente? San den wortu fu Yesus na ini Mateyus 23:8-11 e sori wi fu a tori disi? (Tori. 26:25; Rom. 13:7; 1 Petr. 2:13, 14)

   2. Na sortu fasi den Fariseiman pruberi fu tapu sma fu tron Kresten, èn fa kerki fesiman gebroiki den srefi sortu fasi dati na ini a ten disi? (Mat. 23:13; Luk. 11:52; Yoh. 9:22; 12:42; 1 Tes. 2:16)

2. Leisi Mateyus 24:1-14.

   1. Fa Mateyus 24:13 e sori krin o prenspari a de fu horidoro?

   2. San den wortu „a kaba” na ini Mateyus 24:13 wani taki? (Mat. 16:27; Rom. 14:10-12; 2 Kor. 5:10)

3. Leisi Markus 13:3-10.

   Sortu wortu na ini Markus 13:10 e sori taki a de tumusi prenspari fu preiki a bun nyunsu, èn fa den wortu fu Yesus musu abi krakti tapu wi? (Rom. 13:11, 12; 1 Kor. 7:29-31; 2 Tim. 4:2)

Tori 99

1. Soleki fa a prenki e sori, dan fu san ede Yesus de nanga den 12 apostel fu en na ini wan bigi kamra na sodro?

2. Suma na a man di e gowe, èn san a e go du?

3. Nanga sortu spesrutu nyanyan Yesus e bigin te den kaba nanga a Paska nyanyan?

4. Na sortu sani a Paskafesa ben memre den Israelsma, èn na sortu sani a spesrutu nyanyan disi e memre den bakaman fu Yesus?

5. San Yesus e taigi den bakaman fu en baka na Avondmaal fu Masra, èn san den e du?

Ete wan tu aksi:

1. Leisi Mateyus 26:14-30.

   1. Fa Mateyus 26:15 e sori taki Yudas ben tori Yesus fu espresi?

   2. A brudu di Yesus trowe, ben abi sortu tu marki? (Mat. 26:27, 28; Yer. 31:31-33; Ef. 1:7; Hebr. 9:19, 20)

2. Leisi Lukas 22:1-39.

   Na sortu fasi Satan ben go na ini Yudas? (Luk. 22:3; Yoh. 13:2; Tori. 1:24, 25)

3. Leisi Yohanes 13:1-20.

   1. Te wi e luku a tori na ini Yohanes 13:2, dan na Yudas ben abi a fowtu fu san a du? San den futuboi fu Gado kan leri fu disi? (Gen. 4:7; 2 Kor. 2:11; Gal. 6:1; Yak. 1:13, 14)

   2. Sortu prenspari sani Yesus leri wi nanga na eksempre di ensrefi ben gi? (Yoh. 13:15; Mat. 23:11; 1 Petr. 2:21)

4. Leisi Yohanes 17:1-26.

   Di Yesus begi gi den bakaman fu en taki den ben musu „de wán”, dan san a ben wani taki nanga dati? (Yoh. 17:11, 21-23; Rom. 13:8; 14:19; Kol. 3:14)

Tori 100

1. Pe Yesus nanga den apostel fu en e go, baka di den gowe libi a kamra na sodro, èn san a e taigi den fu du?

2. San Yesus e si te a e drai kon baka na a presi pe den apostel de, èn omeni tron a sani disi e pasa?

3. Suma e kon na ini a dyari, èn san Yudas Iskariot e du soleki fa a prenki e sori?

4. Fu san ede Yudas e bosi Yesus, èn san Petrus e du?

5. San Yesus e taigi Petrus, ma fu san ede Yesus no e aksi Gado fu seni engel kon?

Ete wan tu aksi:

1. Leisi Mateyus 26:36-56.

   1. San Kresten owruman na ini a ten disi kan leri fu a moi fasi fa Yesus ben gi rai na den disipel fu en? (Mat. 20:25-28; 26:40, 41; Gal. 5:17; Ef. 4:29, 31, 32)

   2. Fa Yesus ben denki fu a gebroiki di sma e gebroiki fetisani teige trawan? (Mat. 26:52; Luk. 6:27, 28; Yoh. 18:36)

2. Leisi Lukas 22:39-53.

   Di wan engel kon na Yesus fu gi en krakti na ini a dyari fu Getseimanei, dan disi e sori taki Yesus ben degedege na ini a bribi fu en? Fruklari disi. (Luk. 22:41-43; Yes. 49:8; Mat. 4:10, 11; Hebr. 5:7)

3. Leisi Yohanes 18:1-12.

   Fa Yesus ben kibri den disipel fu en gi den sma di ben gens en, èn san wi kan leri fu na eksempre disi? (Yoh. 10:11, 12; 18:1, 6-9; Hebr. 13:6; Yak. 2:25)

Tori 101

1. Suma na a sma di de frantwortu trutru gi a dede di Yesus dede?

2. San den apostel e du te den kerki fesiman e tyari Yesus gowe?

3. San e pasa na a oso fu a granpriester Kayafas?

4. Fu san ede Petrus e gowe èn e krei?

5. Di Yesus drai kon baka na Pilatus, dan san den edeman fu den priester e bari?

6. San e pasa nanga Yesus frukufruku freida bakadina, èn san a e pramisi wan ogriman di e anga na wan postu sei en?

7. Pe a Paradijs sa de fu san Yesus ben taki?

Ete wan tu aksi:

1. Leisi Mateyus 26:57-75.

   Na sortu fasi den memre fu a Dyu hei krutu ben sori taki den ati ben takru? (Mat. 26:59, 67, 68)

2. Leisi Mateyus 27:1-50.

   Fu san ede wi kan taki dati Yudas no ben abi berow trutru? (Mat. 27:3, 4; Mark. 3:29; 14:21; 2 Kor. 7:10, 11)

3. Leisi Lukas 22:54-71.

   San wi kan leri fu a taki di Petrus ben taki dati a no sabi Yesus na a neti di sma tori èn kisi Yesus? (Luk. 22:60-62; Mat. 26:31-35; 1 Kor. 10:12

4. Leisi Lukas 23:1-49.

   San Yesus du di sma no krutu en nanga leti, èn san wi kan leri fu disi? (Luk. 23:33, 34; Rom. 12:17-19; 1 Petr. 2:23)

5. Leisi Yohanes 18:12-40.

   Aladi Petrus no ben man du noti fu di a ben frede libisma, toku a ben kisi ensrefi baka èn a ben tron wan heri bun apostel. San dati e sori? (Yoh. 18:25-27; 1 Kor. 4:2; 1 Petr. 3:14, 15; 5:8, 9)

6. Leisi Yohanes 19:1-30.

   1. Fa Yesus ben e si gudu na a yoisti fasi? (Yoh. 2:1, 2, 9, 10; 19:23, 24; Mat. 6:31, 32; 8:20)

   2. Fa den wortu di Yesus taki di a ben de fu dede, e sori krin taki a tan horibaka gi a reti di Yehovah abi fu tiri ala sani? (Yoh. 16:33; 19:30; 2 Petr. 3:14; 1 Yoh. 5:4)

Tori 102

1. Suma na a uma na tapu a prenki, èn suma na den tu man? Pe den de?

2. Fu san ede Pilatus e taigi den priester fu seni srudati fu hori wakti na a grebikamra fu Yesus?

3. San wan engel e du frukufruku na a di fu dri dei baka di Yesus dede, ma san den priester e du?

4. Fu san ede wan tu uma e fruwondru te den e go na a grebikamra fu Yesus?

5. Fu san ede Petrus nanga Yohanes e lon go na a grebikamra fu Yesus, èn san den e si te den doro drape?

6. San ben pasa nanga a skin fu Yesus, ma san a e du fu sori den disipel taki a de na libi?

Ete wan tu aksi:

1. Leisi Mateyus 27:62-66 nanga 28:1-15.

   Fa den edeman fu den priester, den Fariseiman, nanga den owruman sondu teige a santa yeye na a ten di Yesus opo baka? (Mat. 12:24, 31, 32; 28:11-15)

2. Leisi Lukas 24:1-12.

   Fa a tori fu na opobaka fu Yesus e sori taki Yehovah e si umasma leki kotoigi di de fu frutrow? (Luk. 24:4, 9, 10; Mat. 28:1-7)

3. Leisi Yohanes 20:1-12.

   Fa Yohanes 20:8, 9 e yepi wi fu si taki wi musu abi pasensi te wi no man frustan a kontru fu wan Bijbel profeititori dorodoro? (Odo 4:18; Mat. 17:22, 23; Luk. 24:5-8; Yoh. 16:12)

Tori 103

1. San Maria e taigi wan man di a e si leki a dyariman, ma fa Maria e kon sabi taki a man na Yesus?

2. San e pasa nanga tu disipel di e waka go na a dorpu Ema-us?

3. Sortu fruwondru sani e pasa te tu disipel e taigi den apostel taki den ben si Yesus?

4. Omeni tron Yesus sori ensrefi na den bakaman fu en?

5. San Tomas e taki te a e yere taki den disipel si Masra, ma san e pasa aiti dei baka dati?

Ete wan tu aksi:

1. Leisi Yohanes 20:11-29.

   Yesus ben taki na ini Yohanes 20:23 dati libisma abi a makti fu gi pardon fu sondu? Fruklari dati. (Ps. 49:2, 7; Yes. 55:7; 1 Tim. 2:5, 6; 1 Yoh. 2:1, 2)

2. Leisi Lukas 24:13-43.

   Fa wi man sreka wi ati fu teki Bijbel waarheid? (Luk. 24:32, 33; Esra 7:10; Mat. 5:3; Tori. 16:14; Hebr. 5:11-14)

Tori 104

1. Omeni disipel e si Yesus na wan okasi, èn fu sortu sani a e taki nanga den?

2. San na a Kownukondre fu Gado, èn fa a libi sa de na grontapu te Yesus e tiri wan dusun yari leki Kownu?

3. Omeni dei Yesus sori ensrefi na den disipel fu en, ma now a ten doro gi en fu du sortu sani?

4. San Yesus e taigi den disipel fu en fu du, leti bifo a e gowe libi den?

5. San e pasa na tapu a prenki, èn fa a du kon taki den disipel no man si Yesus moro?

Ete wan tu aksi:

1. Leisi 1 Korentesma 15:3-8.

   Fu san ede na apostel Paulus ben man taki nanga overtoigi fu na opobaka fu Yesus, èn fu sortu sani Kresten na ini a ten disi man taki nanga overtoigi? (1 Kor. 15:4, 7, 8; Yes. 2:2, 3; Mat. 24:14; 2 Tim. 3:1-5)

2. Leisi Tori fu den Apostel 1:1-11.

   Te o fara a preikiwroko ben panya go, soleki fa ben taki na fesi na ini Tori fu den Apostel 1:8? (Tori. 6:7; 9:31; 11:19-21; Kol. 1:23)

Tori 105

1. Soleki fa a prenki e sori, dan san e pasa nanga den bakaman fu Yesus di ben e wakti na ini Yerusalem?

2. Fu san ede den sma di kon na Yerusalem e fruwondru?

3. San Petrus e tyari kon na krin gi den sma?

4. Fa den sma e firi baka di den arki Petrus, èn san a e taigi den fu du?

5. Omeni sma e teki dopu na tapu a dei fu a Pinksterfesa fu 33 G.T.?

Ete wan tu aksi:

1. Leisi Tori fu den Apostel 2:1-47.

   1. Fa den wortu fu Petrus na ini Tori fu den Apostel 2:23, 36 ben sori taki a heri Dyu nâsi ben de frantwortu gi a dede fu Yesus? (1 Tes. 2:14, 15)

   2. Fa Petrus gi wan bun eksempre fu taki-go-taki-kon nanga yepi fu den Buku fu Bijbel? (Tori. 2:16, 17, 29, 31, 36, 39; Kol. 4:6)

   3. Fa Petrus gebroiki a fosiwan fu „den sroto fu a kownukondre fu hemel”, di Yesus ben pramisi fu gi en? (Tori. 2:14, 22-24, 37, 38; Mat. 16:19)

Tori 106

1. San e pasa nanga Petrus èn nanga Yohanes wan bakadina te den e go na ini a tempel?

2. San Petrus e taigi wan malengriman, èn sortu sani Petrus e gi en di warti moro moni?

3. Fu san ede den kerki fesiman e atibron, èn san den e du nanga Petrus èn nanga Yohanes?

4. San Petrus e taigi den kerki fesiman, èn sortu warskow den apostel e kisi?

5. Fu san ede den kerki fesiman e dyarusu, ma san e pasa te den poti den apostel na ini dungru-oso fu a di fu tu tron?

6. San den apostel e piki te sma e tyari den go na ini a konmakandra presi fu a Sanhedrin?

Ete wan tu aksi:

1. Leisi Tori fu den Apostel 3:1-10.

   Fa den wortu fu Petrus di skrifi na Tori fu den Apostel 3:6 e yepi wi fu warderi a warti Kownukondre boskopu, aladi wi no abi a krakti fu du wondru na ini a ten disi? (Yoh. 17:3; 2 Kor. 5:18-20; Fil. 3:8)

2. Leisi Tori fu den Apostel 4:1-31.

   Te wi e kisi gens na ini a diniwroko, dan na sortu fasi wi musu de leki den fosi yarihondro Kresten brada fu wi? (Tori. 4:29, 31; Ef. 6:18-20; 1 Tes. 2:2)

3. Leisi Tori fu den Apostel 5:17-42.

   Fa son sma di no de Kotoigi, sori na ini a ten di pasa èn na ini a ten fu wi taki den no wani gens a preikiwroko? (Tori. 5:34-39)

Tori 107

1. Suma na Stefanus, èn san Gado ben yepi en fu du?

2. Sortu sani di Stefanus e taki e meki den kerki fesiman atibron srefisrefi?

3. San den man e du nanga Stefanus te den srepi en go na dorosei fu a foto?

4. Suma na a yonkuman na tapu a prenki di e tanapu sei den mantel?

5. San Stefanus e begi Yehovah bifo a e dede?

6. Neleki Stefanus, san wi musu du te wan sma e du wan ogri sani nanga wi?

Ete wan tu aksi:

1. Leisi Tori fu den Apostel 6:8-15.

   Sortu bedrigi sani kerki fesiman du fu pruberi fu tapu a preikiwroko fu Yehovah Kotoigi? (Tori. 6:9, 11, 13)

2. Leisi Tori fu den Apostel 7:1-60.

   1. San ben yepi Stefanus fu opo taki na wan bun fasi gi a bun nyunsu na fesi a Sanhedrin, èn san wi kan leri fu na eksempre fu en? (Tori. 7:51-53; Rom. 15:4; 2 Tim. 3:14-17; 1 Petr. 3:15)

   2. Sortu denki wi musu kon abi fu den sma di e gens a wroko fu wi? (Tori. 7:58-60; Mat. 5:44; Luk. 23:33, 34)

Tori 108

1. San Saulus e du baka di den kiri Stefanus?

2. Sortu wondru sani e pasa te Saulus de na pasi fu go na Damaskus?

3. San Yesus e taigi Saulus fu du?

4. San Yesus e taigi Ananias fu du, èn fa a du kon taki Saulus man si baka?

5. Sortu tra nen Saulus kon abi, èn fa Gado e gebroiki en?

Ete wan tu aksi:

1. Leisi Tori fu den Apostel 8:1-4.

   Fa a frufolgu di a nyun Kresten gemeente ben ondrofeni, ben meki taki a Kresten bribi panya go na ala sei? Fa a srefi sortu sani pasa na ini a ten disi? (Tori. 8:4; Yes. 54:17)

2. Leisi Tori fu den Apostel 9:1-20.

   Sortu dri sani Saulus ben abi fu du na ini a wroko di Yesus ben gi en? (Tori. 9:15; 13:5; 26:1; 27:24; Rom. 11:13)

3. Leisi Tori fu den Apostel 22:6-16.

   Fa wi kan de leki Ananias, èn fu san ede dati de prenspari? (Tori. 22:12; 1 Tim. 3:7; 1 Petr. 1:14-16; 2:12)

4. Leisi Tori fu den Apostel 26:8-20.

   Fa a teki di Saulus teki a Kresten bribi, de leki wan deki-ati gi den wan na ini a ten disi di abi wan patna di no de na bribi? (Tori. 26:11; 1 Tim. 1:14-16; 2 Tim. 4:2; 1 Petr. 3:1-3)

Tori 109

1. Te yu luku a prenki, dan suma na a man di e kindi?

2. San wan engel e taigi Kornelius?

3. San Gado e meki Petrus si te a de na tapu a daki fu Simon oso na ini Yope?

4. Fu san ede Petrus e taigi Kornelius taki a no musu boigi èn anbegi en?

5. Fu san ede den Dyu disipel di de nanga Petrus e fruwondru?

6. Sortu prenspari sani wi e leri fu Petrus fu di a go fisiti Kornelius?

Ete wan tu aksi:

1. Leisi Tori fu den Apostel 10:1-48.

   San den wortu fu Petrus na ini Tori fu den Apostel 10:42 e sori fu a wroko fu preiki a bun nyunsu fu a Kownukondre? (Mat. 28:19; Mark. 13:10; Tori. 1:8)

2. Leisi Tori fu den Apostel 11:1-18.

   Sortu denki Petrus ben abi di Yehovah sori en san a ben abi na prakseri gi den sma di no ben de Dyu, èn fa wi kan teki na eksempre fu en? (Tori. 11:17, 18; 2 Kor. 10:5; Ef. 5:17)

Tori 110

1. Suma na a yonkuman na tapu a prenki? Pe a e libi, èn fa en mama nanga en granmama nen?

2. San Timoteyus e taki te Paulus e aksi en efu a wani go makandra nanga Silas èn nanga Paulus fu preiki gi sma di e libi na farawe presi?

3. Na sortu presi den bakaman fu Yesus de te den e kisi a nen Kresten fu a fosi tron?

4. San na wan tu fu den foto pe Paulus, Silas, nanga Timoteyus e go baka te den gowe libi Listra?

5. Fa Timoteyus e yepi Paulus, èn san yonguwan na ini a ten disi musu aksi densrefi?

Ete wan tu aksi:

1. Leisi Tori fu den Apostel 9:19-30.

   Fa na apostel Paulus sori koni di a ben kisi fu du nanga gens fu a bun nyunsu ede? (Tori. 9:22-25, 29, 30; Mat. 10:16)

2. Leisi Tori fu den Apostel 11:19-26.

   Fa a tori di skrifi na ini Tori fu den Apostel 11:19-21, 26 e sori taki a yeye fu Yehovah e tiri a preikiwroko?

3. Leisi Tori fu den Apostel 13:13-16, 42-52.

   Fa Tori fu den Apostel 13:51, 52 e sori taki den disipel no ben meki a gens di sma ben gens den, tapu den fu go doro nanga a preikiwroko? (Mat. 10:14; Tori. 18:6; 1 Petr. 4:14)

4. Leisi Tori fu den Apostel 14:1-6, 19-28.

   Fa den wortu ’den libi den na ini Yehovah anu’ e yepi wi fu no broko wi ede tumusi te wi e yepi nyunwan? (Tori. 14:21-23; 20:32; Yoh. 6:44)

5. Leisi Tori fu den Apostel 16:1-5.

   Fa na eksempre fu Timoteyus di ben de klariklari fu besnèi, e sori krin o prenspari a de fu du „ala sani fu a bun nyunsu ede”? (Tori. 16:3; 1 Kor. 9:23; 1 Tes. 2:8)

6. Leisi Tori fu den Apostel 18:1-11, 18-22.

   Fa Tori fu den Apostel 18:9, 10 e sori taki Yesus srefi e tiri a preikiwroko, èn sortu dyaranti disi e gi wi na ini a ten disi? (Mat. 28:20)

Tori 111

1. Te yu e luku a prenki, dan suma na a boi di e didon na gron, èn san ben pasa nanga en?

2. San Paulus e du te a e si taki a boi dede?

3. Pe Paulus, Timoteyus, nanga den sma di e waka nanga den, e go? San e pasa te den kon na Mileite?

4. Sortu warskow a profeiti Akabus e gi Paulus, èn fa sani e pasa soleki fa a profeiti taki?

Ete wan tu aksi:

1. Leisi Tori fu den Apostel 20:7-38.

   1. Fa wi kan tan „krin fu a brudu fu ala libisma” soleki fa Paulus taki na ini Tori fu den Apostel 20:26, 27? (Esek. 33:8; Tori. 18:6, 7)

   2. Fu san ede owruman musu „hori tranga na a tru wortu” te den e gi leri? (Tori. 20:17, 29, 30; Tit. 1:7-9; 2 Tim. 1:13)

2. Leisi Tori fu den Apostel 26:24-32.

   Paulus ben de wan borgu fu Rome. Fa a ben gebroiki a sani disi fu du a preikiwroko di Yesus ben gi en fu du? (Tori. 9:15; 16:37, 38; 25:11, 12; 26:32; Luk. 21:12, 13)

Tori 112

1. San e pasa nanga a boto pe Paulus de na ini, te a e pasa krosibei fu a tabiki di nen Kreita?

2. San Paulus e taigi den wan di de na ini a boto?

3. Fa a du kon taki a boto e broko na pisipisi?

4. San a legre-ofsiri di abi a frantwortu e taki, èn omeni sma e kon na syoro sondro fu kisi mankeri?

5. San na a nen fu a tabiki pe den kon na syoro, èn san e pasa nanga Paulus te a weer e kon moro bun?

Ete wan tu aksi:

1. Leisi Tori fu den Apostel 27:1-44.

   Te wi e leisi a tori fu a waka di Paulus ben teki go na Rome, dan fa dati e gi wi a dyaranti taki den tori di skrifi na ini Bijbel de soifri? (Tori. 27:16-19, 27-32; Luk. 1:3; 2 Tim. 3:16, 17)

2. Leisi Tori fu den Apostel 28:1-14.

   Efu den heiden sma fu Malta ben sori „tumusi aparti switifasi” fu yepi na apostel Paulus nanga den tra sma di ben de na ini a broko sipi, dan sortu fasi Kresten musu sori èn spesrutu na sortu fasi den musu sori dati? (Tori. 28:1, 2; Hebr. 13: 1, 2; 1 Petr. 4:9)

Tori 113

1. Gi suma Paulus e preiki aladi a de wan strafuman na ini Rome?

2. Te yu e luku a prenki, dan suma na a fisitiman di de na a tafra, èn san a e du gi Paulus?

3. Suma na Epafroditus, èn san a e tyari te a e go baka na Filipi?

4. Fu san ede Paulus e skrifi wan brifi gi Fileimon, a bun mati fu en?

5. San Paulus e du te a e kon fri, èn san e pasa nanga en bakaten?

6. Suma Yehovah e gebroiki fu skrifi den lasti buku fu Bijbel, èn fu san a buku Openbaring e taki?

Ete wan tu aksi:

1. Leisi Tori fu den Apostel 28:16-31 nanga Filipisma 1:13.

   Fa Paulus ben gebroiki en ten di a ben de na strafu na ini Rome, èn sortu krakti a tranga bribi fu en ben abi tapu a Kresten gemeente? (Tori. 28:23, 30; Fil. 1:14)

2. Leisi Filipisma 2:19-30.

   San Paulus ben taki fu sori warderi gi Timoteyus nanga Epafroditus, èn fa wi kan teki na eksempre fu Paulus? (Fil. 2:20, 22, 25, 29, 30; 1 Kor. 16:18; 1 Tes. 5:12, 13)

3. Leisi Fileimon 1-25.

   1. San meki taki Paulus ben gi Fileimon deki-ati fu du san fiti, èn fa disi e sori owruman na ini a ten disi fa fu handri? (Fileim. 9; 2 Kor. 8:8; Gal. 5:13)

   2. Fa den wortu fu Paulus na ini Fileimon 13, 14 e sori taki a ben abi lespeki gi a konsensi fu trawan na ini a gemeente? (1 Kor. 8:7, 13; 10:31-33)

4. Leisi 2 Timoteyus 4:7-9.

   Neleki na apostel Paulus, fa wi kan abi a dyaranti taki Yehovah sa pai wi te wi e tan getrow te na a kaba? (Mat. 24:13; Hebr. 6:10)

Tori 114

1. Fu san ede Bijbel e taki fu asi na ini hemel?

2. San na a nen fu a feti fu Gado nanga ogri sma na grontapu, èn fu san ede a feti disi o feti?

3. Te yu e luku a prenki, dan suma na a Sma di sa teki fesi na ini a feti? Fu san ede a e weri wan kownu-ati, èn san a feti-owru fu en wani taki?

4. Te wi e luku Tori 10, 15, nanga 33 baka, dan fu san ede wi no musu fruwondru taki Gado sa pori ogri sma?

5. Fa Tori 36 nanga 76 e sori wi taki Gado sa pori ala ogrisma, srefi te den e taki dati den e anbegi en?

Ete wan tu aksi:

1. Leisi Openbaring 19:11-16.

   1. Fa den Buku fu Bijbel e sori krin taki Yesus Krestes na a sma di e rèi na tapu a weti asi? (Openb. 1:5; 3:14; 19:11; Yes. 11:4)

   2. Fa den dropu brudu na a tapusei krosi fu Yesus e sori taki a wini a feti krinkrin? (Openb. 14:18-20; 19:13)

   3. Soleki fa a sori, dan suma de na ini den legre di e kon baka Yesus na tapu en weti asi? (Openb. 12:7; 19:14; Mat. 25:31, 32)

Tori 115

1. Fa sani o de na ini a Paradijs na grontapu, soleki fa Bijbel e sori?

2. San Bijbel e pramisi den wan di sa libi na ini Paradijs?

3. O ten Yesus sa meki a moi kenki disi kon tru?

4. Di Yesus ben de na grontapu, dan san a ben du fu sori san a o du leki Kownu fu Gado Kownukondre?

5. Gi sortu sani Yesus nanga den wan di sa tiri makandra nanga en na ini hemel, sa sorgu te den e tiri grontapu komoto fu hemel?

Ete wan tu aksi:

1. Leisi Openbaring 5:9, 10.

   Fu san ede wi kan abi a dyaranti taki den wan di sa tiri grontapu na a ten fu a Dusun Yari Tiri, sa de kownu nanga priester di e frustan fa libisma e firi èn di sa abi sari-ati? (Ef. 4:20-24; 1 Petr. 1:7; 3:8; 5:6-10)

2. Leisi Openbaring 14:1-3.

   San a wani taki dati a nen fu a Tata nanga a nen fu a Pikin Skapu skrifi na tapu a fesi-ede fu den 144.000 sma? (1 Kor. 3:23; 2 Tim. 2:19; Openb. 3:12)

Tori 116

1. San wi musu sabi fu man libi fu têgo?

2. Fa wi kan kon sabi moro fu Yehovah Gado nanga Yesus, soleki fa a yongu umapikin nanga den mati fu en e du na tapu a prenki?

3. Sortu tra buku yu e si na tapu a prenki, èn fu san ede wi musu leisi a buku dati furu tron?

4. Boiti taki wi musu kon sabi sani fu Yehovah nanga Yesus, dan san moro de fanowdu fu man kisi têgo libi?

5. San wi kan leri fu Tori 69?

6. San a bun eksempre fu a pikin boi Samuel na ini Tori 55 e sori?

7. Fa wi kan waka baka na eksempre fu Yesus Krestes? Efu wi e du dati, dan san wi sa man du na ini a ten di e kon?

Ete wan tu aksi:

1. Leisi Yohanes 17:3.

   Fa den Buku fu Bijbel e sori taki te wi e teki sabi fu Yehovah Gado nanga Yesus Krestes, dan dati wani taki moro leki fu hori den tru tori na ede nomo? (Mat. 7:21; Yak. 2:18-20; 1 Yoh. 2:17)

2. Leisi Psalm 145:1-21.

   1. San na wan tu fu den furu reide fu san ede wi musu prèise Yehovah? (Ps. 145:8-11; Openb. 4:11)

   2. Fa Yehovah „bun gi ala sma”, èn fa disi musu meki wi kon moro krosibei fu en? (Ps. 145:9; Mat. 5:43-45)

   3. Te wi lobi Yehovah nanga wi heri ati, dan san wi o wani fu du? (Ps. 119:171, 172, 175; 145:11, 12, 21)