Wan Kownu fu hemel o blesi sma na grontapu

41 Yehovah meki Yesus tron Kownu na ini hemel.—Yesaya 9:6; Danièl 7:13, 14; Tori fu den Apostel 2:32-36

42 A sa tiri heri grontapu.—Danièl 7:14; Mateyus 28:18

 43 Yu e memre ete san o pasa nanga den ogri sma?—Psalm 37:9, 10; Lukas 13:5

44 Yu sabi a nen ete fu a fosi engel di ben sondu? Yesus sa kiri en nanga den tra ogri engel. A o pori den kruktugado nanga den popki di sma e anbegi.—Hebrewsma 2:14; Openbaring 20:2, 10

45 Yesus o du furu bun sani gi den sma di e gi yesi.—Hebrewsma 5:9

46 Nowan sma sa siki moro.—Yesaya 33:24; Openbaring 22:1, 2

Yu e memre ete fa Yesus ben meki sikisma kon betre?

 47 Ala sma sa abi bun sani.—Yesaya 65:17, 21-23

48 Gado e memre srefi den sma di dede. A sa gebroiki Yesus fu tyari den kon na libi baka. Disi den e kari na opobaka.—Yohanes 5:28, 29; 11:25

 49 Baka te Yesus kiri ala ogrisma, dan nowan sma sa dede moro. Srefi den busimeti no sa du ogri moro. Ala sma sa de koloku fu têgo.—Openbaring 21:4; Yesaya 65:25; Psalm 37:11, 29