Lès 14

Fa Jehovah Kotoigi orga

O ten Jehovah Kotoigi ben abi a disiten bigin foe den? (1)

Fa den konmakandra foe Jehovah Kotoigi e hori? (2)

Fa den e sorgoe gi den kostoe di den abi? (3)

Soema e teki fesi na ini ibri gemeente? (4)

Sortoe moro bigi konmakandra e hori ibri jari? (5)

Sortoe wroko e doe na a edekantoro nanga den bijkantoro foe den? (6)

1. Jehovah Kotoigi ben abi a disiten bigin foe den sensi 1870. Biginbigin sma ben kari den Bijbel Studenti. Ma na ini 1931 den ben teki a bijbel nen Jehovah Kotoigi (Jesaja 43:10). Foe wan pikin bigin na organisâsi gro kon abi miljoenmiljoen Kotoigi di e preiki fajafaja na moro leki 230 kondre.

2. Moro foeroe gemeente foe Jehovah Kotoigi abi konmakandra dri tron wan wiki. Joe e kisi a kari foe go na ibriwan foe den konmakandra disi (Hebrewsma 10:24, 25). Bijbel na a fondamenti foe a leri di e gi. Den konmakandra e bigin èn e tapoe nanga begi. „Jeje singi” di komoto na a ati e singi toe na moro foeroe foe den konmakandra (Efeisesma 5:18, 19). Joe kan kon fri na inisei, èn den no e piki moni. — Mateus 10:8.

3. Moro foeroe gemeente e hori konmakandra na ini Kownoekondre zaal. Disi moro foeroe na oso sondro pranpran, di friwani wrokoman foe Kotoigi ben bow. Joe no sa si no wan popki, kroisi noso sani leki den disi na a Kownoekondre zaal. Den e pai den kostoe di den abi nanga friwani bijdrage.  Wan bijdrage boksoe de gi den sma di wani gi wan bijdrage. — 2 Korentesma 9:7.

4. Owroeman, noso opziener, de na ibri gemeente. Den e teki fesi foe gi leri na ini a gemeente (1 Timoteus 3:1-7; 5:17). Den e kisi jepi foe dinari ini a diniwroko (1 Timoteus 3:8-10, 12, 13). Den no hei den man disi poti den na tapoe den tra sma foe a gemeente (2 Korentesma 1:24). Den no e kisi spesroetoe titel (Mateus 23:8-10). Den no e weri krosi tra fasi leki den trawan. Èn den no e kisi pai foe a wroko foe den. Den owroeman de klariklari foe sorgoe gi den sani di a gemeente abi fanowdoe na jejefasi. Den kan gi trowstoe nanga tiri na ini ten foe problema. — Jakobus 5:14-16; 1 Petrus 5:2, 3.

5. Jehovah Kotoigi e hori bigi konmakandra noso kongres ibri jari toe. Na den okasi disi, foeroe gemeente e kon makandra gi wan spesroetoe programa foe bijbel leri. A dopoe foe njoen disipel de ala ten baka wan pisi foe ibri programa foe bigi konmakandra noso kongres. — Mateus 3:13-17; 28:19, 20.

6. Na edekantoro foe Jehovah Kotoigi de na New York. Drape joe abi a Tiri Skin, wan groepoe owroeman di abi foeroe ondrofeni èn di e loekoe a gemeente na heri grontapoe. Moro leki 100 bijkantoro de toe na heri grontapoe. Na den presi disi, friwani wrokoman e jepi foe druk boekoe di e taki foe bijbel èn foe seni den boekoe disi gowe na tra presi. Tiri e gi toe foe orga a preikiwroko. Foe san ede joe no e meki plan foe go loekoe a bijkantoro di de a moro krosibei foe joe?