Singi 163

A Froktu fu a Yeye

(Galasiasma 5:22, 23)

1. A froktu fu Yah santa yeye;

Wi mus hor wisrefi na en,

Fu wi kan gi grani na Gado,

Èn lib nomo fu hei En nen.

So mek wi sor ala ten lobi,

Bika a de soifri fu tru;

Pruberi fu abi prisiri,

Bikasi prisiri bun tu.

2. A vrede fu Gado mus de f’ wi

Fu g’a fesi èn fu de wán.

Èn langa pasensi prenspar tu,

Pasensi mus de g’ibriwan

Bun sani e kon fu switfasi,

Dat mek sma wan’ arki wi tu;

Bun-ati e pus wi fu handri

Fu prati bun nyunsu fu tru.

3. Kis dek’ati f’ a froktu bribi,

Fu doro den marki fu wi.

Èn saf-ati na wan bun sani!

A e pur trobi, mek wi agri.

Fu dwengi wisref de fanowdu,

Fu Yah no pot wi na wan sei.

So bun, ala froktu f’ a yeye,

Na sani fu kwek ibri dei.