Arki Gado Moro Leki Libisma
Singi 2
Arki Gado Moro Leki Libisma
1. Wi wani plisi Gado nyun,
Grontapu no de f’ wi.
Den sma e denk tak wi no bun,
Ma wi n’e span, tan pî,
W’e arki Gado moro sma.
Dat wi bosroiti f’ du.
Wi heri libi, so a o psa:
W’o bow lont’ Gado tu.
2. W’e pai na „Caesar” san na f’ en,
Gi tiri man den pai.
Gi Gado grani ala ten,
Wi wani tek En rai.
Ma sensi Gado pai gi wi,
Wi no de f’ wi sref now.
W’e ark’ a rai di Masra gi,
W’e dini En getrow.
3. Yehovah wi wan’ prèise f’ tru,
Èn meki vrede gro.
Wi no wan’ fu du ogri du,
Wi n’e fet noyaso
W’e pai wi pai na Gado Hei,
W’e du s’a taig wi dya.
W’e gi kotoigi ala dei
Tak’ En mus tiri sma.
4. A santa wroko wi m’ hor hei,
Wi no m’ las’ati tu.
Fur sma dreiwatra, den e krei,
De’m’ kis a Wortu f’ tru.
Sma e gens wi, wan’ wi arki den,
Ma Gado n’e agri.
Gi yes na Gado, tan na En,
Noit A sa gwe lib wi!
