Singi 180

Gado En Eigi Buku​—Wan Bigi Gudu

(Odo 2:1)

1. Wan buku de pe furu sani skrifi,

Prisiri, vrede, howpu, a e tya.

En wondru waarheid mek tak „breni sma” si,

Èn „dedewan” e libi te fu kba.

A buku dis na Gado Santa Bijbel.

Bun langa ten kba, den ben skrifi en.

Den ben de man di trutru lob Yehovah;

Di ben skrif Bijbel nang’ a yeye f’ En.

2. Den skrifi fu den san’ di Gado meki,

Fa nang’ en krakt’ na universum kon.

Den e fruteri fa sma ben volmaakti,

Ma fa a paradijs ben kon fadon.

Den owktu e fruteri fu wan engel

Di krutu Gado reti lek tirman.

A krutu dat tya sondu nanga sari.

Ma tok Yehovah sa de winiman.

3. W’e lib’ na ini ten fu big prisiri.

Yehovah tiri nang’ en Manpikin.

Dis n’a dei di Yehovah gi frulusu

Na sma d’e libi reti, bun èn krin.

In Bijbel a prisiri nyuns de f’ feni;

Sref gowtu no ab warti moro En.

A howpu f’ en psa ala sma prakseri;

En tori na grantori f’ ala ten.