Singi 110

Gi Pardon

(Efeisesma 4:32)

1. We Yehovah, in en lobi,

Sab dat wi na sondu sma;

En Manpkin, A sen lek òfer,

Fu frulusu kan pasa.

Te wi ab berow fu tru, dan

Wi kan aks pardon na En,

Tap a gron fu Yesus òfer,

Wi kan du dat in en nen.

2. Ma Yehovah e gi pardon, te

Wan sma wan’ de leki En,

Fu e gi pardon na tra sma,

Sori lobi ala ten.

Onvolmaakti sma wi de now,

So fur sondu wi e du,

Wi e sondu nanga wortu,

So pardon wi mus kis tu.

3. Ef w’e gi pardon na tra sma,

Dan wi no sa abi f’ krei;

Dan w’e sori lobi-ati

D’e kon f’Gado ala dei.

Te w’e gi pardon na tra sma,

Wi sa de lek lepi sma,

D’e frustan fa sani mus de,

E fen vrede te fu kba.

4. Wi kan kweki gi wisrefi

Lobi f’ gi pardon na sma.

Dat sa kibri wi f’ du ogri,

Bita-ati no sa psa.

Te w’e gi pardon na tra sma,

Wi e sor fa Gado de;

En e gi pardon na trawan;

Lobi f’ En de alape.