Yehovah Wi Gado!
Singi 49
Yehovah Wi Gado!
1. Gado Yehovah, Bigi èn Hei so,
Wi e breiti f’ sing gi yu, wi wan ’du yu reti du.
Yu e gi w’ Wet, e Krut wi, wi Kownu.
Yu wi mus prakseri in san wi e du.
O Gado yu bun; ya fu tru yu de bun.
Yep wi din Yu na wan fasi di nyun.
Yu nen w’e gi grani, w’e gi skapu nnyan,
W’e dini Yu Gado, tevrede w’e tan.
Yu meki wi, èn yu gi wi libi.
Ala bun e kon fu yu.
2. Gado Yehovah, Santa, Almakti,
W’e prisir fu dini yu, wans’ pe wi mus dini tu.
Yu na wi toren, e gi wi krakti.
Nanga her wi ati wi lob san y’e du.
O Gado yu tranga, èn yu lobi wi.
Te yu yepi wi, fu ogri w’o fri.
W’e taki fu yu èn na yu wi wan’ tan
E du diniwroko gi yu, yu wawan.
Yu na wi Tranga, èn Kibripe f’ wi,
W’e frutrow na tapu yu.
3. Gado Yehovah, Leriman, Herder,
Yu kan sorgu ala sma, sorgu wi wans’ san pasa.
Yu di frulus wi, di pai gi w’ libi,
Alaten wi kan kon na Yu te’w’ bruya.
O Gado yu switi, yu lobi fu gi.
W’e kon na yu sei, yu e trowstu wi.
Yu nen wan dir sani, wi e hor en hei;
Èn san y’e prakseri w’o si ala sei.
Masra Yehovah, hemel Tata f’ wi,
Tra bun Gado, f’ tru no de.
