Singi 135

Yehovah, Wi Tanpresi

(Psalm 90:1)

1. Yehovah yu na wi tanpresi,

Yu de so ala ten di psa.

Bifo yu meki ala bergi,

Yu kownufasi ben de kba.

Yu de fu têgo ala ten tu;

A srefi Gado yu e tan.

Èn ala di Y’ mek sma tron doti,

Tok yu bun lobi de wawan.

2. Wan dusun yari langa gi wi;

Gi yu na wán dei lek tide.

Sma de lek grasi di e gro kon;

Na in mamanten, d’e las’ gwe.

W’e libi seibitenti yari,

Èn aititenti, ef a kan;

Tok den yar’ disi lai problema,

Èn furu sari den ab dan.

3. O ler wi fa w’ kan ter den deif’ wi,

So dat prisiri nomo de.

Te koni de na in wi ati,

W’e taig yu tangi so tide.

Yehovah mek wi lib so switi

Mek dat de gi yu futuboi.

Set ala wroko fu wi anu;

Set ala sani, set den moi.