Mansoema di kan jepi foe doro na marki
Kapitel 9
Mansoema di kan jepi foe doro na marki
1, 2. (a) San wi abi fanowdoe ini ten foe nowtoe? (b) Soema ini na kristen gemeente kan gi dati fornamkoe?
WAN wortoe di e gi dek’hati ini wan ten foe nowtoe, wan hanoe di e jepi te ogri e pramisi foe doe ogri — fa dati kan de wan ségi! Na na srefi ten te wi e go doro tapoe na pasi foe kisi na marki foe tégo libi, wi sa stotoe sondro misi tapoe problema. Foe dat’hede so wan lobifasi jepi de wan bigi fanowdoe. A de troe troe wan ségi dati ini na kristen gemeente getrow moro owroe brada di kan bow wi èn fertrostoe wi de. Wi alamala abi dati fanowdoe.
2 Ini na bijbel den sortoe soema disi abi na nen „herder” leki „gi ini libisoema”, di Jesus Kristus ben gi sodati na gemeente ben kan bow ini lobi (Efesesoema 4:7-16). Efoe wan tron joe sa kisi na firi dati joe e kon moro swaki ini joe bribi, noso efoe foe problema hede noso tesi joe sa de na ini broeja noso joe lasi joesrefi noso lasi hati, aksi owroeman di gi den srefi foe jepi joe foe tan hori na joe bosroiti foe de wan discipel foe Gado Manpikin di a feni boen.
3. Sortoe fermane owroeman e kisi ini 1 Petrus 5:1-3?
3 Wan ondrosoekoe foe dati san na apostel Petrus ben skrifi gi owroeman, e meki wi si krin fa èn foe san’hede den kan de wan jepi di e gi krakti gi joe. Wi e lési:
„Den owroeman mindri oenoe [mi e gi] na fermane disi, bikasi mi toe de wan owroeman leki den èn wan ketoigi foe na pina foe na Kristus, wan soema di abi prati na na glori di sa kon na krin: Wei den skapoe foe Gado di foertrow na oenoe sorgoe, no ondro dwengi, ma nanga fri-wani; no toe nanga lobi foe gridi wini, ma foe di oenoe wani troe troe no toe foe di oenoe wani tiri abra den di e Gado pisi foe en goedoe, ma eksempre foe na skapoepen.” — 1 Petrus 5:1-3.
4. Fa den wortoe foe Petrus e sori dati a no ben hopo ensrefi tapoe den owroeman gi soema a ben skrifi?
4 Wi kan de prisiri dati kristen man de di wani teki na rai foe na apostel Petrus. Foe di den a gi jeje jepi na den memre foe na gemeente, den e doe nanga na srefi prakseri leki na apostel. Na lobi di Gado nanga den brada nanga sisa e tjari den. Loekoe boen dati Petrus no ben hopo ensrefi tapoe den owroeman di a ben fermane noso gi dek’hati. A ben taki foe ensrefi leki „wan owroeman soleki densrefi”, dati wani taki, wan ’owroeman toe’. Na apostel ben sori na ensrefi soboen leki wan brada di abi firi èn froestan foe den presi leki owroeman ini na gemeente. Wan owroeman di te ai makandra nanga den soema foe a srefi bribi leki en e abi so wan fasi foe firi gi den, de wan troe troe ségi gi en brada nanga sisa.
5. Petrus ben de wan „ketoigi foe na pina foe na Kristus”?
5 Den wortoe disi foe Petrus e sori dati a ben froestan heri boen na hebi foerantwortoe di ben foertrow gi en. A ben kari ensrefi „wan ketoigi foe na pina foe Kristus, wan soema di abi pisi srefi na na glori di sa kon krin”. Petrus ben sabi ensrefi ben si fa na Manpikin foe Gado ben ondrofeni skempi nanga mishander èn bakaten a ben hanga na wan hoedoe. Nanga en égi hai toe a ben si na Jesus Kristus di ben kisi hopo baka èn a ben de ketoigi foe di a go na hémel. Èn ini na di foe toe brifi foe en a taki:
„Nono, a no nanga koni tori di no de troe di soema prakseri foe ferteri wi de folgoe, wi meki joe bekenti nanga na krakti nanga na de foe wi Masra Jesus Kristus, ma foe di wi tron ketoigi foe en glori. Bikasi a ben kisi foe Gado, na Tata, grani nanga glori, di wortoe leki disi ben taki gi en nanga glorifasi grani: ’Disi de mi manpikin, mi lobiwan, di mi feni boen.’ Ja, den wortoe disi wi jere komoto foe hémel di wi ben de nanga en tapoe na bergi.” — 2 Petrus 1:16-18; agersi Matthéus 16:28-17:9.
6. Foe sanede den owroeman di Petrus ben skrifi, ben abi boen gron doe soleki den wortoe foe en ben taki?
6 Den owroeman di Petrus ben seni en wortoe foe dek’hati, ben abi troetroe boen gron foe poti prakseri na den wortoe foe wan owroeman leki den di ben kan taki foe ensrefi leki „wan ketoigi foe na pina foe na Kristus nanga wan soema di abi prati na na glori di sa kon na krin”. Na apostel no ben aksi den prakseri na wan sakafasi, nomo, ma ensrefi ben de wan eksempre di soema ben kan waka na en baka, bikasi soleki fa na bijbeltori e ferteri wi, dan na sani san a ben de wan ketoigi gi, a ben meki bekenti nanga faja èn sontron nanga bigi kefar foe en libi, na trawan. — Tori foe den apostel 2:22-38; 4:8-12, 19, 20; 5:29-32.
7, 8. (a) Soema wan owroeman moesoe erken leki na soema di abi den skapoe leki foe ensrefi èn foe sanede? (b) Fa disi moesoe wroko na na fasi fa ai hander nanga na gemeente?
7 Wan owroeman di wani waka na Petrus baka, moesoe froestan dati den memre foe na gemeente no de foe en, ma foe Jehovah Gado. Na apostel Paulus toe ben poti prakseri tapoe na prenspari troe tori disi. Gi den owroeman foe na gemeente Efese a ben taki: „Poti prakseri gi na heri skapoepen, na mindri soema na santa jeje ben poti oenoe leki owroeman, foe wei na gemeente foe Gado, di a ben bai nanga na broedoe foe en égi Manpikin.” — Tori foe den apostel 20:28.
8 Jehovah Gado ben pai wan bigi prijs foe bai den memre foe na kristen gemeente leki en égi goedoe. Den no ben kan bai moro diri dan nanga na broedoe foe en Manpikin di no ben abi sondoe. Te den owroeman e froestan sortoe warti na gemeente di de na ondro den sorgoe abi na ini Jehovah hai, disi sa gi den dek’hati foe jepi ibriwan soema aparti nanga faja foe den tan wan égi goedoe nanga grani foe na Moro Héwan. Efoe den ben sa hander na skapoepen takroe, den ben sa abi foe foerantwortoe na Gado foe dati. Foe dat’hede den owroeman moesoe meki moeiti foe abi na joisti warderi gi ibri wan memre foe na gemeente. Disi kan kibri den na wan krakti fasi foe no hopo densrefi abra den skapoe èn behander den na wan krasi, basjafasi. (Agersi ini kontrari nanga dati Tori foe den apostel 20:29.) Ibriwan aparti den memre foe na gemeente e kon bow troe troe nanga jepi foe brada di e froestan dati den brada nanga sisa moesoe de makandra nanga den nanga granifasi èn lespeki. Efoe den owroeman sori taki den de troetroe „herder” èn den abi na jeje nanga skin boensé foe na heri skapoepen na prakseri, alasoema sa abi na firi dati den feni kibripe.
„NO ONDRO DWENGI, MA NANGA FRIWANI”
9, 10. (a) Fa wan owroeman ben sa kan sori dati ai wei den skapoe „nanga dwengi”? (b) Fa a sa sori sori efoe ai wei na gemeente „foe di a wani”?
9 Wan soema de di de na ini wan fasi dati a abi jepi fanowdoe, dan a sa de toemsi moro koemakriki gi en foe go na wan soema di a no nomo a abi na koni, ma so toe na winsi foe gi jepi. Na wan fasi di fiti Petrus ben taki tranga gi den owroeman foe dat’hede foe ’wei den skapoe, no ondro dwengi, ma foe di den srefi wani’ (1 Petrus 5:2). Soema wani de wan boen „herder” ini na gemeente, moesoe loekoe boen dati a no e doe en wroko leki wan plekti. Te wan owroeman e loekoe na sorgoe gi na gemeente leki wan hebi èn a no e abi prisiri na ini, ai doe en wroko nomo ondro „dwengi”. Den skapoe sa si disi èn den sa hari densrefi poeroe foe en. Den no wani poti moro hebi na en tapoe nanga den problema. Te wan owroeman na na trasé abi prisiri foe doe en foerantwortoe, foe di a troe troe abi na winsi foe doe na wroko di abi foe doe nanga dati, dan den memre foe na gemeente sa firi foe kon na en nanga prisiri. So wan wani foe dini, e komoto foe wan dipi lobi gi Gado nanga na gemeente foe en pipel. Ai sori dati na owroeman e doe en diniwroko gi den skapoe nanga na joisti fasi foe prakseri.
10 So leki fa a de dan wan owroeman moesoe kebroiki en froestan foe si difrenti ini sani, sodati a no teki wroko na en tapoe moro leki a ben sa kan doe. Te ai kon moro owroe èn en gosontoe e go na baka, kande a no kan doe moro, someni leki na ini den jari di pasa, sodati a moesoe aksi tra man di abi na koni foe jepi. Tokoe, a kan abi troe troe prisiri ete foe san di a kan doe foe a de wan „herder” di e doe sani foe di a wani.
’NO NANGA LOBI FOE GRIDI WINI, MA NANGA FRI WANI’
11. Foe san-ede kefar de foe wei na gemeente „foe na lobi foe gridi wini”?
11 Wan owroeman no moesoe abi nomo wan prakseri foe doe sani nanga prisiri, ma toe wan soifri, no gridi-fasi foe boewégi en efoe a wani jepi en brada nanga sisa troe troe. Na apostel Petrus e warskow foe dini leki wan herder „foe lobi foe gridi wini”. Efoe wan soema ben sa kebroiki en wroko leki herder foe kisi winimarki na skinsé, foe tron hésoema noso kisi makti, dan disi ben sa de wan kroektoe fasi foe kebroiki en wroko. A de troe dati na bijbel e taki dati man di e wroko tranga na na sei foe gi leri, moesoe kisi „toe tron someni grani” (1 Timotheüs 5:17, 18). Ma na „toe tron someni grani” disi den memre foe na gemeente srefi moesoe sori den owroeman foe den srefi alaten. Noiti wan owroeman no moesoe wani foe kisi grani ofoe si grani leki wan sani di a abi reti a tapoe ofoe di joe kan tanapoe a tapoe foe kisi en. A kan de dati wan owroeman e kisi wan bepaalde prenspari fasi, kande foedi en omstandigheden e gi en pasi foe gi moro ten na a kownoekondrewroko leki trawan, ofoe foedi a abi bepaalde spesroetoe koni. Makriki a kan kon ini na tesi foe njan boen foe en prenspari fasi, sodati a de meki na winsi gro foe abi bepaalde goedoe di trawan ben sa kan gi en èn di srefi a kan gi wan bepaalde poesoe foe doe disi. Disi ben sa kan meki dati a de moro foeroe makandra nanga den ini na gemeente di goedoe èn e frigiti nanga dati den trawan. A kan go wani soekoe grani, ma no broko-ede nanga rai di de reti ofoe kisi atibron srefi foe dati.
12, 13. Fa na apostel Paulus ben sori dati a ben de „klari” foe dini en brada?
12 Aladi so wan sani kande no sa kon so foeroe ini na disiten kristen gemeente, tokoe owroeman no moe soso na kefar foe en. Den moe kakafoetoe srefi gi na moro pikin firi foe wani kisi wini na skinfasi foe na jeje famiri fasi foe den. Na kristen apostel Paulus ben gi wan toemsi moi eksempre ini disi. A ben kan taki gi den owroeman foe na gemeente Efese:
„Hori ini prakseri dati dri jari langa, dé nanga neti mi no ben stop foe vermane ibri wan foe oenoe nanga watra ini ai. . . . Mi no ben angri foe kisi nowan sma solfroe nanga gowtoe ofoe krosi. Oensrefi sabi dati den anoe disi ben sorgoe ini mi égi fanowdoe nanga den fanowdoe foe den di ben de nanga mi. Ini ala sani mi ben sori oenoe dati foe wroko na a fasi dati oen moe asisteri den swakiwan èn moe hori den wortoe ini prakseri foe Masra Jezus, di a ben taki: ’A moro switi foe gi sani leki foe teki sani’ ”. — Tori foe den Apostel 20:31-35.
13 Wan gemeente e njan toemsi foeroe boen foe na wroko foe man di neleki Paulus de „klari” foe doe dienst. Paulus ben feni en wan prisiri sani foe dini en brada nanga sisa. Noiti a ben angri foe abi wan sani di den ben abi èn di a ben kan gebroiki. Na prisiri foe en ben kon foedi a ben kan gi ensrefi krinkrin gi en brada nanga sisa foe bow den bribi.
14. San a wani taki, soleki fa 1 Thessalonicenzen 2:5-8 e taki foe wei ini a gemeente nanga wan „prakseri foe doe en nanga prisiri”?
14 Dati en nanga en kompe ben doe diniwroko sondro den doe leki a sori, a kon krin ini en wortoe gi den Thessalonicenzen:
„Ja, noiti wi ben kon nanga switi wortoe (soleki fa joe sabi), no nanga wan falsi fasi foe doe a baka san gridi ben kibri, Gado de kotoigi! No toe wi no ben soekoe grani foe libisoema, no foe joe no foe trawan, nanga aladi wi leki apostel foe Kristus ben kan de wan bigi hebi. Na kontrari, wi ben kon abi switi fasi ini joe mindri, soleki fa wan mama di e gi en pikin bobi e meki a kon waran. Foe di wi ben abi soboen lobi gi joe nanga wi heri hati, wi no ben prati na boen njoensoe foe Gado nomo gi joe, ma toe wi égi sili, bikasi wi ben kon lobi joe” (1 Thess. 2:5-8).
Ja, presi foe soekoe égi winimarki, Paulus ben hander nanga den memre foe na gemeente soleki fa wan mama di e gi en pikin bobi, di lobi en pikin troe troe èn a de poti den afersi na fesi di foe en. — Agersi Johannes 10:11-13.
15. Na sortoe fasi den owroeman moesoe proberi foe wei den skapoe?
15 Wan owroeman no moesoe doe en diniwroko nomo nanga na joisti fasi foe prakseri, namkoe foe di ai broko en hede gi no skapoepen, ma a de prenspari toe dati na sorgoe foe den afersi foe na gemeente e pasa na wan joisti fasi. Na apostel Petrus ben gi den owroeman na rai ’foe no tiri abra den di de Gado égisani, ma de eksempre gi na skapoepen’ (1 Petrus 5:3). Foe akroederi nanga na fermane disi den owroeman no sa hopo densrefi abra den brada nanga sisa. Dati ben sa de kontrari nanga den markitiki di Jesus ben gi en discipel:
„Joe no moesoe meki den kari joe Rabbi, bikasi wan de joe lériman, nanga di joe alamala de brada. Moro fara no kari no wan soema na grontapoe joe tata, bikasi wán de joe Tata, na Hémelwan. No meki no wan soema kari joe „leider” toe, bikasi wán de joe leider, na Kristus. Na moro bigiwan ondro joe moesoe de joe dinari” (Matthéüs 23:8-11).
Wan owroeman no sa gi komander leki wan basja noso proberi foe regel na libi foe den memre foe na gemeente, ma a sa dini en brada nanga sisa nanga sakafasi. Nanga en eksempre ai gi den skapoe na dek’hati foe waka na Kristus baka. — Agersi 1 Thessalonicenzen 2:9-12.
16. Foe sanede soema kan go na getrow owroeman nanga ala fertrow?
16 Te den owroeman e gi wan boen eksempre nanga den kristenlibifasi nanga den wroko, den kan doe foeroe foe jepi den soema di e bribi toe makandra nange den foe Jehovah Gado feni den boen. Moro ete Jesus Kristus, na „moro hé herder” ondro soema den e doe diniwroko, na na ten te a sa sori en glorifasi leki „Kownoe foe den kownoe nanga Masra foe den masra” sa gi ala getrow ondroherder den paiman (Openbaring 19:16; 1 Timotheüs 6:15). Na apostel Petrus ben skrifi foe na tori disi: „Te na moro hé herder sori en srefi, joe sa kisi na kron foe grani di no kan flaw” (1 Petrus 5:4). Mansoema di e dini den brada nanga sisa nanga na joisti marki na prakseri, nanga na joisti hati èn na na joisti fasi, de troe troe wan bigi jepi gi na gemeente. Den e jepi meki den brada nanga sisa e kisi bigi prisiri ini den libipasi leki wan kristen (2 Korinthiërs 1:24). No drai drai foe kari foe dat’hede na jepi foe getrow owroeman te disi de fanowdoe.
[Aksi foe a tori disi]
