’Gado sa gi sma wan opobaka.’​—Tori fu den apostel 24:15, Nyun-Grontapuvertaling.

Wi o kisi trowstu te wan lobiwan fu wi dede.​—2 Korentesma 1:3, 4.

Wi no o frede moro fu dede.​—Hebrewsma 2:15.

Wi o abi a tranga howpu taki wi o miti baka nanga den lobiwan fu wi di dede.​—Yohanes 5:28, 29.

Iya, luku fu san ede:

• Na Gado e gi sma libi. Bijbel e taki dati Yehovah Gado „na a sma di e gi libi” (Psalm 36:9; Tori fu den apostel 17:24, 25). A no de fu taki dati a Sma di e gi libi, musu man gi den dede sma libi baka.

• Gado ben wiki dede sma kaba. Bijbel e taki fu aiti sma, yonguwan, owruwan, mansma, nanga umasma di ben kisi wan opobaka na grontapu. Sonwan fu den no ben dede langa ete, ma wan fu den ben de fo dei kaba na ini wan grebi!​—Yohanes 11:39-44.

• Gado e angri fu wiki sma baka. Yehovah no lobi en srefisrefi te sma e dede, ma a e si dede leki wan feanti (1 Korentesma 15:26). A „e angri” fu puru a feanti dati fu di a o wiki den dede sma baka. A e angri fu wiki den dede sma di de na ini en prakseri èn fu meki den libi baka na grontapu.​—Yob 14:14, 15.