Oiti yu sidon prakseri den bun ten di yu ben abi nanga Yehovah en pipel? Kande yu ben prakseri wan gemeente konmakandra di gi yu deki-ati, wan kefalek moi kongres, wan moi sani di yu ondrofeni na ini a preikiwroko, noso wan switi takimakandra di yu ben abi nanga wan brada noso sisa. Yu no frigiti Yehovah èn en no frigiti yu tu. A e memre fa yu ben dini en fayafaya èn a wani yepi yu fu drai kon baka na en.

Yehovah e taki: „Mi srefi o suku mi skapu èn na mi o sorgu den. Neleki fa wan skapuman e gi nyanyan na den skapu fu en di ben panya go na ala sei èn di a feni baka, na so mi o sorgu mi skapu. Mi o puru den na ini ala den presi pe den ben panya go.”​—Esekièl 34:11, 12.