LES 02
Bijbel e pramisi wi taki wan moro bun ten o kon
Furu sma e miti sani di e meki den firi sari èn di e gi den stress. Son sma abi pen fu di den siki noso fu di wan tra sani pasa nanga den. Na so yu e firi tu? Kande yu siki noso kande wan sma di yu lobi dede. Kande yu e aksi yusrefi: ’Sani o kon moro bun?’ Bijbel e piki na aksi disi.
1. San Bijbel e pramisi?
Bijbel e sori wi fu san ede so furu problema de na grontapu. Ma a abi bun nyunsu tu. A e sori wi taki heri esi den problema disi no o de moro. Bijbel e pramisi taki ’sani o waka bun na ini a ten di e kon’. (Leisi Yeremia 29:11, 12.) Den pramisi disi kan yepi wi fu horidoro awinsi wi abi problema. Den kan yepi wi tu fu de koloku now èn na ini a ten di e kon.
2. Sortu moi ten Bijbel e pramisi?
Bijbel e sori taki wan ten o kon pe ’dede no o de moro. Nowan sari, noso krei, noso pen o de moro’. (Leisi Openbaring 21:4.) Den problema di sma abi na ini a ten disi, no o de moro. Pôtisma, siki nanga dede no o de moro. Èn sma no o libi ogri moro nanga trawan. Bijbel e pramisi taki libisma o man libi fu têgo na ini wan paradijs na grontapu.
3. Fa yu kan de seiker taki den sani di Bijbel pramisi o kon tru?
Furu sma e winsi taki sani go bun na grontapu, ma den no de seiker efu dati o pasa. Ma wi kan de seiker taki den pramisi na ini Bijbel o kon tru. Wi kan tranga wi bribi na ini Bijbel te wi e ’ondrosuku en finifini’ (Tori fu den apostel 17:11). Te yu o studeri Bijbel, dan yu srefi kan luku efu yu kan bribi den sani di Bijbel e taki fu a ten di e kon.
SORTU TRA SANI YU KAN LERI?
A pisi disi e taki fu wan tu pramisi fu Bijbel. Wi o si fa den pramisi fu Bijbel e yepi sma na ini a ten disi.
4. Bijbel e taki dati wi kan libi fu têgo sondro problema
Luku wan tu fu den sani di Bijbel pramisi. Sortuwan fu den pramisi disi yu lobi? Fu san ede?
Leisi den Bijbeltekst na sei den pramisi èn taki fu den aksi disi:
-
Den tekst disi e trowstu yu? Yu denki taki den o trowstu wan famiri noso wan mati fu yu?
Prakseri fa a o de fu libi na ini wan grontapu pe
|
NOWAN SMA O . . . |
ALA SMA O . . . |
|---|---|
|
|
|
|
|
|
|
|
|
|
5. Den pramisi fu Bijbel kan yepi yu fu abi wan moro bun libi
Furu sma lasi-ati noso den e ati bron srefi, fu di problema de na ala sei. Son sma e du ala san den man fu tyari wan kenki kon. Luku fa den pramisi fu Bijbel kan yepi sma fu abi wan moro bun libi. Prei a FELEM èn taki fu den aksi disi:
-
Sortu sani di sma ben e du, Rafika no ben e feni bun?
-
Sani no ben kenki, ma fa Bijbel yepi en?
Den pramisi fu Bijbel kan yepi wi fu no lasi-ati moro èn fu de koloku awinsi wi abi problema. Leisi Odo 17:22 nanga Romesma 12:12 èn taki fu den aksi disi:
-
Yu denki taki den sani di Bijbel e taki fu a ten di e kon kan yepi yu fu abi wan moro bun libi? Fu san ede yu e denki so?
SON SMA E TAKI: „Mi no denki taki den sani di Bijbel e taki o pasa.”
-
Fu san ede yu srefi musu ondrosuku efu den sani di Bijbel e taki tru?
SAN YU LERI?
Bijbel abi furu pramisi di e sori taki wi o abi wan bun libi na ini a ten di e kon. Disi e trowstu wi èn a e yepi wi fu abi wan moro bun libi nownow kaba.
Fa yu ben o piki den aksi disi?
-
Fu san ede sma musu kon sabi den pramisi di de na ini Bijbel?
-
San Bijbel e taki fu a ten di e kon?
-
Fa a kan yepi yu now te yu sabi sortu moi sani Bijbel pramisi gi a ten di e kon?
TRA SANI DI YU KAN LUKU
Luku fa howpu kan yepi yu te yu abi problema.
Luku fa den pramisi fu Bijbel kan yepi wan sma di e libi nanga wan seryusu siki.
„Bijbel kan yepi yu te yu abi wan siki di no man dresi?” (Web-artikel)
Te yu o luku a video-clip disi, dan pruberi fu si fa yu nanga yu famiri e libi na ini a paradijs di Gado pramisi.
Leisi fa wan man di ben feti gi den reti fu libisma nanga meti, kenki en libi di a kon sabi san Bijbel e pramisi.
„Mi no feni moro taki mi musu kenki grontapu” (A Waktitoren, 1 yuli 2013)
