Prakseri den arkiman. Te yu e sreka yusrefi, dan prakseri sortu problema den arkiman fu yu e kisi. Pruberi fu firi san den e firi. Disi o yepi yu fu taki komoto fu yu ati.

Luku sortu wortu yu o gebroiki. Pruberi fu trowstu den arkiman, fu gi den deki-ati èn fu meki den firi bun. No taki sani di kan hati den firi. No taki takru fu sma di no e dini Yehovah èn no krutu a bribi fu den.

Sori taki yu e broko yu ede nanga sma. Taki na wan switi fasi èn meki gebaar di fiti, so taki den arkiman kan si taki yu e broko yu ede trutru nanga den. Luku fa yu e poti yu fesi. A bun fu lafu ten na ten.