TRA PRENSPARI SANI 3
Fa fu hori wan Bijbelstudie nanga a buku Yu kan de koloku fu têgo!
Den brada begi furu èn den prakseri bun sortu tori den musu poti na ini a buku Yu kan de koloku fu têgo! Efu yu wani gebroiki a buku disi bun, dan yu musu du den sani disi.
Fosi yu go na a studie
-
1. Sreka yusrefi bun. Prakseri san a studie fu yu abi fanowdu, san na a situwâsi fu en èn san a e bribi. Luku efu sani de di kande a o feni muilek fu ferstan noso fu fiti na ini en libi. Prakseri fa den sani na ini a faki „Tra sani di yu kan luku” kan yepi a studie. De klarklari fu gebroiki den na a Bijbelstudie te a de fanowdu.
Te yu e hori a studie
-
2. Bigin èn tapu nanga begi efu a studie feni dati bun.
-
3. Luku bun fu no taki tumsi furu. Hori yusrefi na den tori na ini a les èn gi a studie na okasi fu taki fri fa a e denki.
-
4. Te yu o bigin nanga wan nyun pisi, dan leisi pe skrifi „San wi o luku”, èn kari wan tu fu den les na ini a pisi dati.
-
5. Te yu kaba nanga wan pisi, dan luku den aksi na ondro a pisi dati fu yepi a studie memre den sani di a leri.
-
6. Te yu o studeri wan les nanga wan sma, yu musu:
-
Leisi den paragraaf fu a fosi pisi.
-
Leisi ala Bijbeltekst pe skrifi „Leisi”.
-
Te a de fanowdu, dan yu kan leisi tra Bijbeltekst na ini a paragraaf tu.
-
Prei ala video pe skrifi „Prei a FELEM” (efu yu abi den).
-
Poti ala den aksi gi a studie.
-
Meki a studie luku den prenki na ini a pisi „Sortu tra sani yu kan leri”, èn aksi en fu ferteri san a e si.
-
Gebroiki a faki „Yu kan du a sani disi” fu yepi a studie luku efu a e go na fesi. Yu kan gi en dek’ati fu du san a buku e gi leki eksempre, ma a kan pruberi fu du wan tra sani tu, noso a kan du ala tu.
-
Aksi a studie efu a ben lobi wan spesrutu artikel noso felem fu a faki „Tra sani di yu kan luku” di a ben e sreka ensrefi gi a les.
-
Pruberi fu klari wan les ibri leisi te yu e go na a studie.
-
Baka a studie
-
7. Tan prakseri a Bijbelstudie. Begi Yehovah fu blesi a muiti di a e meki fu go na fesi èn fu gi yu a koni fu sabi fa yu kan yepi en.