Den prenki
Bladzijde pe yu kan feni den prenki
A kafti Paulus, Tabita, Galio, Lukas, tempel-waktiman nanga den apostel, wan Saduseiman, den e tyari Paulus go na Sesareya, preikiwroko na ini a ten disi nanga wan wagi di abi bigi boksu èn nanga gramofon.
Bladzijde 1 Paulus tai nanga keti. Lukas de nanga en èn den e go na Rome nanga wan sipi di e tyari lai.
Bladzijde 2, 3 Brada J. E. Barr nanga T. Jaracz fu a Tiri Skin e tnapu na fesi wan karta fu grontapu.
Bladzijde 11 Na tapu wan bergi na ini Galilea, Yesus e gi den 11 apostel di tan nanga en, nanga tra bakaman wan wroko fu du.
Bladzijde 15 Yesus e opo go na hemel. Den apostel e tnapu e luku en.
Bladzijde 22 Na a Pinksterfesa den disipel e bigin taki nanga den fisitiman na ini den eigi tongo.
Bladzijde 40 Den apostel e tnapu na fesi Kayafas. En ati e bron srefisrefi. Den tempel-waktiman de klarklari fu sroto den apostel te a Grankrutu e taigi den.
Bladzijde 49 Na ondrosei: Baka a Di Fu Tu Grontapufeti, wan krutubangi fu Owstu Doisrikondre e krutu Yehovah Kotoigi taki den e wroko leki spion gi den Amerkan. —A koranti Neue Berliner Illustrierte, fu 3 oktober 1950.
Bladzijde 52 Stefanus e tnapu na fesi a Grankrutu pe den krutu en. Den gudu Saduseiman e sdon na bakasei e luku. Na fes’sei yu abi den Fariseiman di e hori nomo na den gwenti nanga den leri fu den.
Bladzijde 60 Petrus e poti en anu na tapu wan nyun disipel. Simon tnapu e luku nanga en pkin monisaka.
Bladzijde 85 Petrus nanga den sma di teki waka nanga en e go na ini na oso fu Kornelius. A weri wan spesrutu dyakti di e anga na en kruktusei skowru fu sori taki en na wan legre-edeman fu 100 srudati.
Bladzijde 93 Wan engel e tyari Petrus go na dorosei. A kan taki den sroto Petrus na ini Antonia-toren.
Bladzijde 95 Na ondrosei fu a bladzijde: Wan grupu ogr’ati gensman krosbei fu Montreal, Quebec, na ini 1945. —A koranti Weekend Magazine, fu yuli 1956.
Bladzijde 103 Den trowe Paulus nanga Barnabas go na dorosei fu Antiokia na ini Pisidia. Na bakasei yu kan si a nyun skotu di abi kokro na ini fu tyari watra go na ini a foto. A kan taki a bow na a bigin fu a fosi yarihondro.
Bladzijde 106 Paulus nanga Barnabas no wani meki sma na Listra anbegi den. Te sma ben e kon na wán fu tyari ofrandi, dan den ben meki wan lo opo-opo nanga babari èn den ben e prei furu poku.
Bladzijde 113 Na loktusei fu a bladzijde: Silas nanga Yudas e gi a gemeente na Antiokia na ini Siria dek’ati (Tori 15:30-32). Na ondrosei: Wan kring-owruman e hori wan lezing gi wan gemeente na ini Uganda.
Bladzijde 121 A gemeente na ini Yerusalem kon makandra na ini wan oso fu wan Kresten.
Bladzijde 142 Yu e si Paulus nanga Timoteyus na ini wan bisnis sipi fu Rome. Farawe yu kan si wan toren di ben e skèin faya fu sori den botoman pe den musu tyari a sipi.
Bladzijde 157 Paulus nanga Silas de na ini wan fesidyari di lontu nanga wan skotu. Den lon gi wan grupu ogri’ati sma.
Bladzijde 177 Galio e yagi den sma di tyari Paulus go na fesi krutu. A weri krosi di fiti a wroko fu en: wan weti granman-krosi nanga wan bradi paars lanki nanga wan sortu susu di sma ben e kari kalsei.
Bladzijde 180 Demetriyus e taki nanga wan tu solfrusmeti na ini wan wrokope na Efeise. Den e seri pkin solfru gado-oso fu Artemis leki moimoi sani.
Bladzijde 195 Paulus nanga den mati fu en e go na ini wan sipi. Na bakasei yu kan si wan bigi monumenti na ini a lanpe. A bow na ini a fosi yarihondro fosi Krestes.
Bladzijde 205 Na ondrosei fu a bladzijde: Baka 1940 lanti no ben wani taki buku di abi fu du nanga Bijbel kon na ini Kanada. Wan yongu Kotoigi e tyari buku gwe na wan kibri fasi. (A fowtow meki na ini a ten disi.)
Bladzijde 208 Paulus e du san den owruman taigi en. Lukas nanga Timoteyus e sdon na bakasei. Den e hori a moni di den tyari kon.
Bladzijde 218 Paulus neef e taki nanga Klawdiyus Lisias na ini Antonia-toren, pe den ben sroto Paulus kande. Na bakasei yu kan si a tempel fu Herodes.
Bladzijde 236 Paulus e begi gi den sma na ini a sipi. Den sma weri.
Bladzijde 254 A strafuman Paulus tai nanga wan keti na wan Rome srudati. A e luku a foto Rome.
