Fa yu e si a Bijbel?
Yu e si en leki . . .
-
wan buku di abi a koni fu libisma?
-
wan buku di abi tori na ini di no pasa trutru?
-
a Wortu fu Gado?
SAN BIJBEL E TAKI?
„Na Gado srefi ben meki sma skrifi ala den sani di de na ini Gado Buku.”—2 Timoteyus 3:16, Nyun-Grontapuvertaling.
FA DATI KAN YEPI WI?
Wi o feni bun piki tapu prenspari aksi di sma abi na ini a libi.—Odo 2:1-5.
Wi o man teki bun bosroiti ibri dei.—Psalm 119:105.
Wi e kisi trutru howpu taki sani o go moro bun.—Romesma 15:4.
WI KAN BRIBI TRUTRU SAN BIJBEL E TAKI?
Iya, luku fu san ede:
-
Ala den buku na ini Bijbel e taki fu wán prenspari tori. Na sowan 40 difrenti sma ben skrifi Bijbel na ini wan pisi ten fu sowan 1600 yari. Furu fu den noiti no miti makandra. Ma toku a heri Bijbel e taki fu wán prenspari tori!
-
Den tori di skrifi na ini pasa trutru. Furu sma di skrifi fu sani di pasa na ini owruten, no lobi skrifi taki a kondre fu den lasi wan feti. Ma den sma di skrifi Bijbel taki fu den fowtu di densrefi meki èn den fowtu fu den eigi pipel.—2 Kroniki 36:15, 16; Psalm 51:1-4.
-
Sani di den profeiti taki kon tru. Bijbel ben taki sowan 200 yari na fesi taki na owruten foto Babilon ben o lasi wan feti (Yesaya 13:17-22). A no skrifi nomo fa Babilon ben o lasi a feti, ma a kari srefi a nen fu a sma di ben o wini a feti!—Yesaya 45:1-3.
Furu tra sani di skrifi na ini Bijbel, pasa finifini soleki fa Bijbel ben taki na fesi. Na dati wi musu fruwakti fu a Wortu fu Gado, a no so?—2 Petrus 1:21.
PRAKSERI FU A SANI DISI
Fa Gado Wortu kan yepi yu fu abi wan moro bun libi?
Bijbel e piki na aksi disi na ini YESAYA 48:17, 18 nanga 2 TIMOTEYUS 3:16, 17.
Kande yu lobi den tori disi tu
PRENSPARI LERI FU BIJBEL
Fa wi kan de seiker taki Bijbel e taki san tru?
Efu Bijbel e kon fu Gado, dan a no musu de leki den tra buku di sma skrifi.
SUMA NA WI
Fu san ede wi musu studeri Bijbel?
Na heri grontapu, milyunmilyun sma e feni piki tapu prenspari aksi fu a libi, na ini Bijbel. Yu wani de wan fu den tu?
