FAKI 16B
Soktu èn geme, marki, kiri sma—O ten èn fa den sani disi o pasa?
A fisyun na ini Esekièl kapitel 9 e kon tru tu na ini a ten disi. Te wi e frustan fa sani o waka, dan dati o yepi wi fu no frede te a grontapu disi o kisi pori
’Soktu èn geme’
O TEN: Na ini den lasti dei, fosi a bigi banawtu bigin
FA: Reti-ati sma e taki èn e du sani fu sori taki den e tegu gi den ogri di e pasa na grontapu. Den musu arki a boskopu di wi e preiki, den musu meki muiti fu kon abi den fasi fu Krestes, den musu gi densrefi abra na Yehovah, den musu dopu èn den musu horibaka gi den brada fu Krestes
„Marki”
O TEN: Na a ten fu a bigi banawtu
FA: A man nanga na enkikokro e prenki Yesus Krestes te a o kon krutu den sma fu grontapu. A o marki den sma fu a „bigi ipi” fu sori taki den o tan na libi baka a feti fu Armagedon. Den sma disi a o si leki skapu
„Kiri sma”
O TEN: Na Armagedon
FA: Yesus Krestes o kon nanga den santa engel èn nanga den 144.000 salfuwan fu pori na ogri grontapu disi èn fu frulusu den anbegiman fu Yehovah. Den sma di o kisi frulusu o libi fu têgo na ini a nyun grontapu
