FAKI 18A
Yehovah e warskow sma gi a bigi dei fu en
Bijbel abi furu profeititori di e warskow sma gi a bigi dei fu Yehovah pe a o kiri ala sma di e opo densrefi teige en èn di e gens en pipel. Na ini a faki disi yu e si wan tu fu den profeititori dati. Luku fa den warskow disi gersi makandra èn fa Yehovah sorgu taki ala sma e kisi na okasi fu yere den warskow fu en èn fu du wan sani.
NA A TEN FU OWRUTEN ISRAEL
ESEKIÈL: „’Na ini a heri bergikontren fu mi, mi o kari sma fu go feti nanga Gok’, na so a Moro Hei Masra Yehovah taki.”—Esek. 38:18-23.
YEREMIA: ’Yehovah o krutu ala sma èn a o meki feti-owru kiri den ogri sma.’—Yer. 25:31-33.
DANIÈL: „A Gado fu hemel o seti wan kownukondre di . . . o broko ala den kownukondre disi pisipisi èn a o tyari wan kaba kon na den.”—Dan. 2:44.
NA A TEN FU DEN APOSTEL
YESUS: „Wan bigi banawtu o de. Noiti ete so wan ten ben de sensi a bigin fu grontapu.”—Mat. 24:21, 22.
PAULUS: ’Yesus makandra nanga den tranga engel fu en, o puru atibron na tapu den sma di no sabi Gado.’—2 Tes. 1:6-9.
PETRUS: „A dei fu Yehovah o kon neleki wan fufuruman. . . . Grontapu nanga ala sani na en tapu o bron.”—2 Petr. 3:10.
YOHANES: „Wan langa srapu feti-owru ben e komoto na ini [Yesus] mofo, so taki a ben kan kiri den pipel nanga en.”—Openb. 19:11-18.
NA INI A TEN FU WI
Bijbel vertaal na ini moro tongo leki iniwan tra buku èn a prati na heri grontapu
NA INI A TEN DISI DEN ANBEGIMAN FU YEHOVAH. . .
-
e prati milyunmilyun buku na ini hondrohondro tongo
-
e preiki milyunmilyun yuru ibri yari