Sensi yanuari 2016, A Waktitoren gi a preikiwroko abi wan artikel na bakasei di nen „San Bijbel e leri?” A nyun artikel disi e yepi wi fu bigin wan Bijbel takimakandra nanga sma. A skrifi leki den traktaat fu wi. Wan aksi de di e yepi wi fu kon sabi fa a sma e denki. Baka dati, wan Bijbeltekst skrifi di e gi piki tapu na aksi. Tra sani skrifi tu di yu kan taki.

Nofo tron te wi abi wan switi Bijbel takimakandra nanga wan sma, dan wi kan opo wan Bijbelstudie. Gebroiki a nyun artikel disi fu yepi moro sma fu kon sabi Gado.—Mt 5:6.

1. Aksi na ososma fa a e denki fu wan fu den aksi

2. Arki en èn taigi en tangi fu a piki fu en

3. Leisi a Bijbeltekst di skrifi na ondro „San Bijbel e taki?” èn aksi a sma san a e denki fu a tekst. Efu a sma abi ten, dan yu kan taki go doro nanga en èn yu kan gebroiki wan fu den sani di skrifi na ondro na aksi „Sortu tra sani wi kan leri fu Bijbel?”

4. Gi a sma a tijdschrift

5. Seti sani fu go baka na en fu taki fu a di fu tu aksi