Fu san ede Yesus ben e sari srefisrefi fu a fasi fa den Dyu kerki fesiman ben e denki? A ben e sari fu di den ben e meki wan lo pikinpikin wet di ben e meki a Sabat-dei tron wan hebi gi sma. Fu eksempre, sma no ben mag kiri wan loso. Sma ben mag dresi sikisma soso te a sma dati ben kan lasi en libi. Disi ben wani taki dati wan sma di ben broko wan bonyo noso di ben drai en anu noso en futu, no ben o man feni yepi na Sabat-dei. A de krin taki den kerki fesiman no ben e broko den ede nanga a man di ben malengri.
