FU SAN EDE A PRENSPARI: A Gran Leriman Yehovah e gi wi a moro bun leri di de fu kisi. A e leri wi fa wi kan kon abi wan moro bun libi èn a e sreka wi gi wan tumusi moi tamara. Wi kan kisi a leri disi sondro taki wi abi fu pai gi dati! (Yes 11:6-9; 30:20, 21; Opb 22:17) A leri di Yehovah e gi wi e sreka wi fu preiki wan boskopu di kan kibri sma libi.​—2Kor 3:5.

FA FU DU DATI:

• Kon abi sakafasi nanga safri-ati fasi.​—Ps 25:8, 9

• Kisi wini fu a leri di Gado e gi yu now, fu eksempre nanga yepi fu den toewijzing di yu e kisi leki studenti na den mindriwiki konmakandra

• Luku fa yu kan du moro gi Yehovah èn seti sani fu kan du dati.​—Fp 3:13

• De klariklari fu du ala san de fanowdu fu kan kisi moro leri.​—Fp 3:8

LUKU A FELEM A LERI FU YEHOVAH TYARI FURU BLESI KON. BAKA DATI, PIKI DEN AKSI DISI:

• Sortu sani ben meki en muilek gi son brada nanga sisa fu man go na a Skoro gi Kownukondre preikiman?

• Sortu leri sma e kisi na a Skoro gi Kownukondre preikiman?

• Fa den brada nanga sisa na ini den gemeente yepi den studenti di kon dini drape?

• Sortu marki wan sma musu doro fu man go na a Skoro gi Kownukondre preikiman? (kr 213)

• Sortu leri yu kan kisi ete na ini Yehovah en organisâsi?