FU SAN EDE A PRENSPARI: Ibriwan fu den sani di de na ini a Teaching Toolbox e sori sma taki den kan go na jw.org. Fu taki en leti, a jw.org karta nanga a traktaat Pe wi kan feni piki tapu aksi fu a libi?, meki fu tyari sma go na a website fu wi. Yu kan gebroiki jw.org fu prati wan fu den buku noso tra sani di de na ini a Teaching Toolbox. Yu kan mail en gi a sma noso yu kan seni a link gi en. Disi kan yepi wi te wi e preiki gi wan sma di e taki wan tra tongo. Boiti dati, a kan taki sma e poti aksi gi wi, ma taki a piki tapu den aksi dati no de fu feni na ini den buku di de na ini a Teaching Toolbox. Efu wi sabi fa fu gebroiki a website, dan wi o man du a preikiwroko fu wi moro bun.

FA FU DU EN:

• Go na „SAN BIJBEL E LERI”. Kon meki wi taki dati yu e preiki gi wan papa noso wan mama di wani sabi moro fini fa fu kweki pikin. Go na SAN BIJBEL E LERI > TROWLIBI & OSOFAMIRI.

• Go na „BUKU NANGA TRA SANI”. Kon meki wi taki dati yu e preiki na skoro èn yu wani gi wan pikin fu yu klas a brochure Piki tapu 10 aksi di yongusma abi. Go na BUKU NANGA TRA SANI > BUKU NANGA BROCHURE.

• Go na „SUMA NA WI”. Kon meki wi taki dati yu e preiki gi wan sma na yu wrokope di wani kon sabi san wi e bribi. Go na SUMA NA WI > SUMA NA YEHOVAH KOTOIGI.

LUKU A FELEM FA FU GEBROIKI JW.ORG. BAKA DATI, LUKU PE FU A WEBSITE YU BEN O GO FU YEPI:

• wan sma di no e bribi na ini Gado

• wan sma di kisi fu du nanga wan sari sani

• wan brada noso wan sisa di no e preiki moro

• wan gobaka di wani sabi fa na organisâsi fu wi e pai gi den kostu fu a wroko di wi e du

• wan sma fu wan tra kondre di wani go na wan konmakandra te a drai go baka na a kondre fu en