Yesus dede gi sondusma (Ro 5:8). A no de fu taki dati wi e warderi en taki Yesus dede gi wi, fu di a lobi wi. Ma son leisi wi musu memre wisrefi taki Krestes dede gi wi brada tu. Fa wi kan sori taki wi lobi wi brada nanga sisa di de sondusma neleki wi? Wi o luku dri fasi fa wi kan du dati. A fosi sani, na taki wi kan du muiti fu tron mati tu nanga sma di abi wan tra kulturu leki wi (Ro 15:7; 2Kor 6:12, 13). A di fu tu sani, na taki wi musu luku bun fu no taki noso du sani di kan hati trawan (Ro 14:13-15). A di fu dri sani, na taki wi musu de klariklari fu gi sma pardon te den sondu teige wi (Lu 17:3, 4; 23:34). Efu wi e tan du muiti fu de leki Yesus na ini den tori disi, dan Yehovah o meki taki freide nanga wánfasi e tan na ini a gemeente.

LUKU A FELEM KON ABI MORO MOI FASI! BAKA DATI PIKI DEN AKSI DISI:

• Fa Miki ben feni a gemeente fu en na a bigin?

• San meki taki a bigin denki tra fasi fu a gemeente?

• Fa na eksempre fu Yesus yepi Miki fu kon si sani tra fasi? (Mr 14:38)

• Fa Odo 19:11 e yepi wi fu denki bun fu wi Kresten brada nanga sisa?