Ala futuboi fu Yehovah kan du bun sani gi en di a no o frigiti noiti. Yehovah de leki wan papa di lobi en pikin èn di breiti nanga den sani di den e du. Yehovah no e frigiti den sani di wi du gi en èn a lobi di wi sori gi a nen fu en (Mt 6:20; Heb 6:10). A no de fu taki dati wi alamala abi sani di wi man du bun èn taki a situwâsi fu wi e difrenti fu a di fu trawan. Ma te wi e du ala san wi man na ini a diniwroko fu Yehovah, wi o de nanga prisiri (Ga 6:4; Kol 3:23). Na ini den yari di pasa, dusundusun brada nanga sisa dini na Betel. Yu denki taki yu man yepi na Betel tu? Efu yu no man, yu kan gi wan tra sma deki-ati fu du dati? Noso yu man horibaka gi wan sma di e wroko kaba na Betel, so taki a kan tan du a moi wroko dati?

LUKU A FELEM SAN YU KAN DU FU MAN WROKO NA BETEL. BAKA DATI, PIKI DEN AKSI DISI:

• San musu de a reide taki wan sma wani go dini na Betel?

• Sortu blesi son sma kisi di den wroko na Betel?

• O ten wan sma kan go dini na Betel?

• Fa yu kan gi yu nen fu go dini na Betel?