Na ini a ten di pasa den tiriman fu grontapu yepi a pipel fu Yehovah furu leisi (Esr 6:1-12; Est 8:10-13). Srefi na ini a ten disi wi si taki „grontapu”, noso den tiriman di no e gens a tru anbegi, swari „a liba” fu frufolgu di „a bigi kaiman”, Satan Didibri, tyari kon (Opb 12:16). Yehovah, a „Gado di e du sani fu frulusu sma”, kan sorgu son leisi taki den tiriman yepi en pipel.​—Ps 68:20; Odo 21:1.

Ma fa a de efu den poti yu na strafu-oso fu di yu na wan Kotoigi fu Yehovah? Noiti yu musu tweifri taki Yehovah e luku yu (Ge 39:21-23; Ps 105:17-20). Yu kan de seiker taki Yehovah o blesi yu fu di yu tan gi yesi na en èn taki a fasi fa yu horidoro na wan deki-ati gi yu brada nanga sisa na heri grontapu.​—Fp 1:12-14; Opb 2:10.

LUKU A FELEM DEN BRADA FU ZUID-KOREA KOMOTO NA STRAFU-OSO. BAKA DATI, PIKI DEN AKSI DISI:

• Fu san ede dusundusun fu den brada fu wi na ini Zuid-Korea ben musu go na strafu-oso na ini den yari di pasa?

• Sortu bosroiti di krutubangi teki meki taki den lusu sonwan fu den brada fu wi moro fruku?

• Fa wi kan yepi wi brada nanga sisa na heri grontapu di de na strafu-oso nownowde fu di den na Yehovah Kotoigi?

• San wi musu du now efu wi de fri fu anbegi Gado?

• Suma musu kisi a grani gi den krutu-afersi di wi wini?