Wan sma di ben kon na fesi a kownu sondro taki a kownu kari en, ben kan lasi en libi. A kownu no ben kari Ester 30 dei kaba

Kownu Ahasferos, di sma denki taki a ben de Serkses I, ben e kisi atibron esi-esi. Wan leisi a meki sma koti wan man na tu. Soso fu tapu skreki gi a pipel, a meki den poti a dedeskin fu a man na wan presi pe ala sma ben kan si en. A ben puru Fasti tu leki umakownu fu di a ben trangayesi en

Ester ben musu taigi a kownu taki en na wan Dyu èn a ben musu sori en taki a moro bun raiman fu a kownu ben e kori en